កីឡាករ ឃីលៀន អឹមបាប៉េ (Kylian Mbappe) របស់ក្លិបយក្សបារាំង Paris Saint Germain (PSG)ត្រូវបានគេចាត់ទុកថា ជាកីឡាករដែលមានតម្លៃខ្លួនខ្ពស់បំផុតក្នុងពិភពលោក។
អឹមបាប៉េ វ័យ២១ឆ្នាំ បង្កើតនូវភាពអស្ចារ្យមួយរដូវកាលទៀតជាមួយក្លិបយក្សបារាំង P S G និងរកបាន១៨គ្រាប់គ្រប់ការប្រកួត។
កីឡាករម្ចាស់មេដាយមាសវើលខាប់រូបនេះត្រូវគេបន្តភ្ជាប់ទៅនឹងកិច្ចព្រមព្រៀងផ្ទេរចេញ ចំពេលមានចំណាប់អារម្មណ៍ពីក្លិបលីវឺភូល និង រៀលម៉ាឌ្រីត។
ប៉ុន្តែប្រសិនបើកិច្ចព្រមព្រៀងណាមួយកើតឡើងមែននោះ មានន័យថា ក្លឹបទាំងនេះត្រូវតែ ហ៊ានចំណាយក្នុងតម្លៃខ្ពស់បំផុត ដើម្បីទទួលបានកីឡាកររូបនេះ។
ក្រុមអង្កេតឈ្មោះ CIES Football Observatory បានពិនិត្យមើលកីឡាករដែលមានតម្លៃខ្ពស់ បំផុត នៅលីកកំពូលចំនួន៥នៅតំបន់អឺរ៉ុបដូចជាក្របខ័ណ្ឌព្រីមីញ៉េលីក La Liga Serie A Bundesliga និងក្របខ័ណ្ឌ Ligue 1 ។
មានការអះអាងថា តម្លៃពិតរបស់ អឹមបាប៉េ នៅលើទីផ្សារគឺ២២៦លានផោន គឺច្រើនជាងតម្លៃ ដែលក្លិប PSG បានចំណាយលើកិច្ចព្រមព្រៀងផ្ទេរ នីម៉ា (Neymar) បន្តិចបន្តួចកាលពីឆ្នាំ ២០១៧៕ ប្រែសម្រួល: ពិសិដ្ឋ
