ដោយៈសុខសុភ័ណ្ឌ/កំពង់ស្ពឺៈគ្រោះថ្នាក់ចរាចន៍ររវាងម៉ូតូពីរគ្រឿងបុកគ្នាបណ្តាលឱ្យស្លាប់ម្នាក់និងរងរបួសធ្ងន់ម្នាក់ នៅត្រង់ចំណុចភូមិព្រៃក្តី សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ នៅតាមបណ្តោយផ្លូវជាតិលេខ១៣០កាលពីល្ងាចថ្ងៃទី៩ខែមករាឆ្នាំ២០២០។
មន្ត្រីនគរបាលក្រុងច្បារមនបានឱ្យដឹងថា ម៉ូតូមួយគ្រឿងម៉ាកហុងដាសេ១២៥ស៊េរី២០១៨ ពណ៌ខ្មៅពាក់ផ្លាកលេខកំពង់ស្ពឺ1M5031។អ្នកបើកបរឈ្មោះស៊ុនសុភាពភេទប្រុស អាយុ២៩ឆ្នាំ(រងរបួសធ្ងន់)នៅភូមិវាលឃុំរលាំងចក ស្រុកសំរោងទងខេត្តកំពង់ស្ពឺ បានបុកជាមួយម៉ូតូមួយគ្រឿងម៉ាកស្មាសរ៉េវ៉ូពណ៌ស ពាក់ផ្លាកលេខភ្នំពេញ1BV9136។អ្នកបើកបរឈ្មោះហែម សារឿន ភេទប្រុស អាយុ៥៥ឆ្នាំរស់នៅភូមិរំលោង សង្កាត់កណ្តោលដុំ ក្រុងច្បារមនខេត្តកំពង់ស្ពឺ បណ្តាលឱ្យរងបួសធ្ងន់។
ប្រភពបានបន្តថា ក្រោយកើតហតុបានហៅរថយន្តសាមុយដកជនរងគ្រោះទាំងពីរនាក់ទៅសង្គ្រោះ តែអកុសលឈ្មោះហែម សារឿន(ស្លាប់ពេលបញ្ជូនទៅដល់មន្ទីរពេទ្យ)។សពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណីវត្ថុតាងម៉ូតូទាំងពីរគ្រឿងយកទៅរក្សាទុកនៅអធិការដ្ឋាននគរបាលក្រុងច្បារមនរង់ចាំដោះស្រាយនៅពេលក្រោយ៕S/Ha
