លោក ម៉ាស៊ីមីលីយ៉ាណូ អាលឡេហ្គ្រី (Massimiliano Allegri) បានសម្លឹងមើលការងារដឹកនាំ នៅក្លិបម៉េនឆេស្ទ័រ យូណាយធីត ប្រសិនបើលោក អូឡេ ហ្គាន់ណា សូលស្យែរ (Ole Gunnar Solskjaer) ត្រូវបានបញ្ចប់ការងារនៅពេលខាងមុខមែននោះ។
គ្រូបង្វឹកវ័យ៥២ឆ្នាំសញ្ជាតិអ៊ីតាលីរូបនេះ បានចាកចេញពីក្លិប ជូវេនទុស (Juventus) កាលពី ខែមុន បន្ទាប់ពីជួយក្រុមនេះលើកពានក្របខណ្ឌ Serie A ប្រាំសម័យកាលជាប់គ្នាហើយលោក កំពុងស្វែងរកឱកាសប្រកួតប្រជែងជាថ្មីទៀត។
ចាប់តាំងពីចាកចេញពីក្លិប Juventus លោក អាឡេហ្គ្រី មិនប្រញាប់ប្រញាល់វិលត្រឡប់មក កាន់ការងារដឹកនាំភ្លាមៗនោះទេ ហើយសង្ឃឹមថា នឹងទទួលបានការងារនៅក្លិបយូណាយធីត។
គេជឿថា ក្លិបអាសេណល បានដកខ្លួនចេញពីការព្យាយាមចង់នាំយករូបលោកមកដឹកនាំ កាលពីខែមុន ខណៈពួកគេស្វែងរកអ្នកចាត់ការថ្មី ដើម្បីជំនួសលោក អ៊ូណៃ អេមឺរី (Unai Emery) ។
លោក សូលស្យែរ មិនទាន់មានអារម្មណ៍ថា លោកស្ថិតក្នុងគ្រោះថ្នាក់នៃការបណ្តេញចេញ នៅឡើយទេ ប៉ុន្តែបានសារភាពថា ការប្រកួតចាញ់ក្រុមស៊ីធីនៅជើងទី១ វគ្គពាក់កណ្តាលផ្តាច់ ព្រ័ត្រក្នុងការដណ្តើមពាន Carabao Cup គឺជាទម្រង់លេងដ៏អន់បំផុតដែលក្រុមរបស់លោក បានបង្ហាញនៅរដូវកាលនេះ។
យូណាយធីត ទើបនឹងឈ្នះពីរប្រកួតក្នុង៦ប្រកួតចុងក្រោយ។ លោក អាលឡេហ្គ្រីស័ក្តិសម សម្រាប់តំណែងដឹកនាំនៅក្លឹបជាច្រើននៅតំបន់អឺរ៉ុប ហើយក៏ជាបេក្ខភាពលេចធ្លោដែល យូណាយធីតសម្លឹងមើលផងដែរ ប្រសិនបើលោក សូលស្យែរ ចាកចេញមែននោះ។
ចំណែកលោក ម៉ូរីស៊ីយ៉ូ ប៉ូចេតទីណូ (Mauricio Pochettino) ក៏កំពុងតាមដានយ៉ាងដិតដល់ផង ដែរជុំវិញការវិវឌ្ឍរបស់ក្លឹបយូណាយធីត។ លោក អាលឡេហ្គ្រី ទំនងជាទាមទាររចនា សម្ព័ន្ធច្បាស់លាស់ជាមួយក្លិបបន្ទាប់របស់លោក បន្ទាប់ពីកន្លងមកធ្លាប់ធ្វើការងារក្រោម ការបង្គាប់បញ្ជារបស់ប្រធានបច្ចេកទេសដ៏តឹងតែងនោះ៕ ប្រែសម្រួល: ពិសិដ្ឋ
