កង់អគ្គិសនីមួយដែលត្រូវបានរចនាឡើងយ៉ាងពិសេសសម្រាប់ប្រើប្រាស់លើផ្ទៃទឹកអាចនឹង ក្លាយជាវិញ្ញាសាមួយក្នុងព្រឹត្តិការណ៍កីឡាអូឡាំពិកនាពេលអនាគត។ នេះបើយោងតាម ក្រុមនៅពីក្រោយការផលិតកង់នេះ។
កង់អគ្គិសនីលើទឹកដែលមានឈ្មោះថា Hydrofoiler XE-1 នេះត្រូវបានបង្កើតឡើងដោយ ក្រុមហ៊ុនទើបបង្កើតថ្មីរបស់នូវែលសេឡង់ Manta5 ហើយត្រូវបានដាក់បង្ហាញនៅសហរដ្ឋ អាម៉េរិក ក្នុងពិព័រណ៍គ្រឿងអេឡិចត្រូនិកប្រើប្រាស់ (Consumer Electronics Show) នៅឡាស វ៉េហ្គាស (Las Vegas)។
ក្រុមហ៊ុន Manta5 ដែលបានចាប់ផ្ដើមអភិវឌ្ឍកង់នេះក្នុងឆ្នាំ២០១១ បានគូសបញ្ជាក់ថា កង់នេះត្រូវបានរចនាឡើងយ៉ាងពិសេសដែលអាចរត់បានល្បឿនដល់ទៅជាង ១៩ គីឡូម៉ែត្រ ក្នុងមួយម៉ោង។
កង់នេះមានជើងទម្រវែងរាងក្រប៉ាង និងស្លាបចក្រដែលលើកវាឱ្យងើបផុតពីផ្ទៃទឹកនៅពេលអ្នក ជិះប្រឹងធាក់បង្កើនល្បឿនដែលផលិតថាមពលអគ្គិសនីនៅពេលនោះ។
លោក ហ្គ្រេក ចនស្តុន (Greg Johnston) នាយកប្រតិបត្តិក្រុមហ៊ុនខាងលើថ្លែងថាកង់ដែល អាចជិះលើទន្លេ បឹង និងសមុទ្រក៏បាននេះនឹងជំនួសបទពិសោធន៍ជិះកង់លើផ្លូវថ្នល់ ឬលើភ្នំ៕ ប្រែសម្រួលៈខុម
