ការផ្ទុះ​ជំងឺ​រលាក​សួត​នៅ​ចិន បង្ក​មក​ពី​មេរោគ​ផ្លូវដង្ហើម​ប្រភេទ​ថ្មី​

774
ចែករម្លែក

អ្នកវិទ្យាសាស្ត្រ​ជឿជាក់ថា​ពួកគេ​បាន​រកឃើញ​មូលហេតុ​នៃ​ជំងឺ​រលាក​សួត​អាថ៌កំបាំង​នេះ​ដែល​បាន​ចម្លង​ទៅ​មនុស្ស​ជិត​៦០ នាក់​នៅក្នុង​ទីក្រុង​វូ​ហាន ​ប្រទេស​ចិន​ចាប់តាំងពី​ខែ​ធ្នូ​មក​។​

​អ្នកវិទ្យាសាស្ត្រ លោក​ស៊ូ ជាន​ហ្គោ បាន​ប្រាប់​សារព័ត៌មាន​ស៊ីន​ហួរ​ថា​ការ​ធ្វើតេស្តិ៍​បឋម​បាន​បង្ហាញ​ថា​ជំងឺ​នេះ​អាច​បណ្តាលមកពី​វីរុស​នៃ​ជំងឺ​ផ្លូវដង្ហើម​ថ្មី​មួយ​។​

​អង្គការ​សុខភាព​ពិភពលោក (WHO)​ក៏​បាន​និយាយ​ផងដែរ​ថា មេរោគ​ឆ្លង​ផ្លូវដង្ហើម​អាច​ជា​ការបង្ក​ការ​ផ្ទុះ​ឡើង​នៃ​ជំងឺ​នេះ​។​

​រហូត​មកដល់ពេលនេះ ៥៩​ករណី ត្រូវបាន​រាយការណ៍ ដោយ​៧​ករណី​ក្នុងចំណោម​ករណី​ទាំងនេះ​ត្រូវបាន​ចាត់ទុក​ថា​ជា​ករណី​ធ្ងន់ធ្ងរ​។​

​លោក​ស៊ូ ជាន​ហ្គោ​ដែល​ដឹកនាំ​ការស្រាវជ្រាវ​រក​មេរោគ​នេះ​បាន​និយាយថា​ពួកគេ​បាន​រកឃើញ​វីរុស​ប្រភេទ​ថ្មី​នេះ​ដោយ​ការធ្វើតេ​ស្តិ៍សំណាក​គំរូ​ឈាម​និង​កំហាក​​របស់​ជន​ដែល​ឆ្លង​មេរោគ​នេះ​ចំនួន​១៥ នាក់​។​

​មេរោគ​នេះ​អាច​បង្ក​មក​ពី​ជំងឺ​ផ្តាសាយ​ទូទៅ​រហូតដល់​ជំងឺ​ធ្ងន់ធ្ងរ​។

​គួរកត់សម្គាល់​ថា​វីរុស​ផ្លូវដង្ហើម​នេះ​បាន​បង្ក​ឱ្យ​មាន​ការឆ្លង​រីក​រាលដាល​ទៅ​ជា​ជំងឺ​Sars (​ជំងឺ​ផ្លូវដង្ហើម​ធ្ងន់ធ្ងរ​)​ដែល​បាន​សម្លាប់​មនុស្ស​ជាង​៧០០​នាក់​នៅ​ជុំវិញ​
​ពិភពលោក កាលពី​ឆ្នាំ​២០០២-២០០៣​បន្ទាប់ពី​មាន​ប្រភព​ឆ្លង​មកពី​ប្រទេស​ចិន​៕​ប្រែ​សម្រួល​៖​សុខា​/sn

មេរោគ​ឆ្លង​ផ្លូវដង្ហើម​ថ្មី​នេះ​ត្រូវបាន​គេ​រាយការណ៍​ថា ផ្ទុះ​ចេញ​ពី​ផ្សារ​មួយ​នៅ​ក្រុង​វូ​ហាន​

ក្រោយផ្ទុះជម្ងឺផ្លូវដង្ហើមនៅចិន អាកាសយានដ្ឋានអន្តរជាតិនិងច្រកព្រំដែនមួយចំនួនរឹតបន្តឹងការត្រួតពិនិត្យសុខភាពភ្ញៀវមកពីចិន