Home ព័ត៌មានជាតិ សន្តិសុខ ចាប់បាន​ក្រុម...

ចាប់បាន​ក្រុម​ប្លន់​ប្រដាប់អាវុធ​ជា​ជន​ជាតិចិន​ម្នាក់ ក្នុងចំណោម​បក្ខពួក​៣​នាក់

ដោយ​: វណ្ណៈ / ព្រះសីហនុ​: កម្លាំង​នគរបាល​ខេត្ត​ព្រះសីហនុ កាលពី​យប់​ថ្ងៃទី​ថ្ងៃទី​៩ ខែមករា ឆ្នាំ​២០២០ បាន​បើក​ប្រតិបត្តិ​ការបង្ក្រាប​ក្រុមចោរប្លន់ ជា​ជន​ជាតិចិន ឃាត់ខ្លួន​បាន​ជនសង្ស័យ​ម្នាក់ ចំណែក​បក្ខពួក ២​នាក់​ទៀត​កំពុង​រត់គេចខ្លួន​។​

​ជនសង្ស័យ​ដែល​ត្រូវ​សមត្ថកិច្ចឃាត់ខ្លួន​មានឈ្មោះ WANG HONG TAO ភេទ​ប្រុស អាយុ​២៩​ឆ្នាំ ជា​ជន​ជាតិចិន មុខរបរអ្នក​នាំ​ភ្ញៀវ​ចូល កាស៊ីណូ ស្នាក់នៅ ភូមិ​១ សង្កាត់​លេខ​៣ ក្រុងព្រះសីហនុ​ខេត្ត​ព្រះសីហនុ​។​

​តាម​របាយការណ៍​រប​ស់​សមត្ថកិច្ច​បញ្ជាក់ថា នៅ​មុនពេល​កើតហេតុ កម្លាំង​ល្បាត​បាន​ប្រទះឃើញ​រថយន្ត​ម៉ាក Takoma មួយគ្រឿង បើក​ចេញ​តាម​បណ្តោយ​ផ្លូវ​អូរ​២ ភូមិ​៥​សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ ដោយ​យក​ស្បោង​ប្លា​ស្ទិ​ក​ពណ៌​ខ្មៅរុំ​ស្លាក​លេខ ដែល​សមត្ថកិច្ចសន្និដ្ឋានថា អាចជា​ក្រុម​មុខសញ្ញា​ប្លន់ ឬ​ចាប់ជំរិត​។​

​ភ្លាមនោះ​កម្លាំង​ជំនាញ បាន​សហការគ្នា​តាមឃ្លាំមើល ក្រុម​ជនសង្ស័យ ទើប​ធ្វើ​ឲ្យ​ពួកគេ​ដឹងខ្លួន​និង​បើករថយន្តបង្វែងដានសមត្ថកិច្ច​និង​ព្យាយាម​បើក​រត់គេចខ្លួន​ឡើងទៅ​ផ្លូវជាតិ​៤​។​

​ពេលនោះ​កម្លាំង​សមត្ថកិច្ច បាន​សហការ​តាម​បង្ក្រាប រហូតដល់​ម្តុំ​ជិត​ស្ពាន​ទឹកសាប ឃុំ​រាម​ស្រុក​ព្រៃនប់ ខេត្ត​ព្រះសីហនុ ស្រាប់តែ​រថយន្ដ​របស់​ក្រុ​ម​ជនសង្ស័យ បាន​ក្រឡាប់ ទើប​សមត្ថកិច្ច​ឃាត់ខ្លួន​បាន​បក្ខពួក​ម្នាក់ ចំណែក​២​នាក់ បាន​រត់គេច​ចូលក្នុង​ព្រៃ​បាត់​។​

​នៅក្នុង​ប្រតិបត្តិការ​នោះ សមត្ថកិច្ច​ដកហូត​បា​ន​វត្ថុតាង​រួមមាន​៖ អាវុធខ្លី ១​ដើម ម៉ាក ZORAKI ពណ៌​ខ្មៅ លេខ 000232 មាន​បង់ ១ និង​គ្រាប់ ៥​គ្រាប់ និង​រថយន្ត​ម៉ាក TAKOMA ពណ៌​ទឹក​ប៊ិក​ផ្លាកលេខ ភ្នំពេញ 2BD-7915 ចំនួន ១​គ្រឿង​។​

​បច្ចុប្បន្ន ជនសង្ស័យ និង​វត្ថុតាង ត្រូវបាន​បញ្ជូន​ទៅកាន់ ស្នងការដ្ឋាន​នគរបាល​ខេត្ត​ព្រះសីហនុ​ដើ​ម្ប​ចាត់​តាម​នីតិវិធី ចំណែក​បក្ខពួក ២​នាក់​ទៀត សមត្ថកិច្ច កំពុង​តាម​ចាប់ខ្លួន​យកទៅ​ផ្តន្ទាទោស តាមច្បាប់​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

នាយករដ្ឋមន្ត្រី​ហៅ​ការឆ្ល...

​ដោយៈ​តារា​រិ​ទ្ធ​/​ស...

រដ្ឋមន្ត្រី​ក្រសួងបរិស្ថា...

​ដោយៈ ដេប៉ូ / ភ្នំពេញៈ រដ...

កម្មករ​រោងចក្រ​៦​នាក់​របួ...

​ដោយ​:​វ​ណ្ណះ​/​ព្រះសីហនុ...

បុគ្គលិក​កាស៊ីណូ រលក​ធំ ប...

ដោយៈ​វ​ណ្ណះ​/​ព្រះ​សី​ហុៈ...