Home ព័ត៌មានអន្តរជាតិ សំណាង​ហើយ​ត្រ...

សំណាង​ហើយ​ត្រាំ​អត់ត កុំ​អី​អ៊ីរ៉ង់​បញ្ចេញ​កាំជ្រួច​រាប់រយ​គ្រាប់​ដើម្បី​ផ្តាច់ជីវិត​ជនជាតិ​អាម៉េរិក​៥.០០០​នាក់​

​អ៊ីរ៉ង់​នឹង​«​សងសឹក​ចាស់ដៃ​»​លើ​ទាហាន​អាម៉េរិក​នៅ​មជ្ឈិមបូព៌ា​ក្រោយ​ការវាយប្រហារ​ដោយ​កាំជ្រួច​ជា​ការព្រមាន​ជំហាន​ដំបូង​មួយ​កាលពី​ថ្ងៃ​ពុធ​ដែល​មិន​​បានសម្លាប់​ជនជាតិ​អាម៉េរិក​ណា​ម្នាក់ នេះ​បើ​តាម​ការព្រមាន​ចេញ​ពី​មេបញ្ជាការ​យោធា​អ៊ីរ៉ង់​ម្នាក់​។​

​ឧត្តមសេនីយ៍ក្នុង​កង​ឆ្មាំបដិ​វត្តន៍​អ៊ីរ៉ង់ ឧត្តមសេនីយ៍ អា​ប់ដូ​ល​ឡា អា​រ៉ា​ហ្គី កាលពី​ថ្ងៃ​ព្រហស្បតិ៍​ទី​០៩​មករា បាន​គំរាម​សងសឹក​បន្ថែមទៀត​លើ​អាម៉េរិក​ទោះជា​​ប្រធានាធិបតី​អាម៉េរិក​លោក​ដូណាល់ ត្រាំ បាន​និយាយថា ប្រទេស​អ៊ីរ៉ង់​ទំនងជា​«​ដកថយ​»​ហើយ​លោក​នឹង​មិន​សង​សឹក​ដោយ​យោធា​ទេ​។​

​ក្នុងពេល​ជាមួយគ្នា មេបញ្ជាការ​ទ័ពអាកាស​អ៊ីរ៉ង់​លោក អា​មៀ អា​លី ហា​ជី​ហ្សា​ដេ បាន​អះអាង​ថា អ៊ីរ៉ង់​បាន​ត្រៀម​បាញ់​កាំជ្រួច​រាប់រយ​គ្រាប់​ក្នុង​បំណង​សម្លាប់​​ជនជាតិ​អាម៉េរិក​ដល់​ទៅ​៥​ពាន់​នាក់ ប្រសិនបើ​ត្រាំ​សំរេច​ធ្វើ​ការសង​សឹក​ដោយ​យោធា​។​

​មេបញ្ជាការ​ទ័ពអាកាស​អ៊ីរ៉ង់​លោក អា​មៀ អា​លី ហា​ជី​ហ្សា​ដេ អះអាងថា​លោក​បាន​ត្រៀម​បាញ់​កាំជ្រួច​រាប់រយ​គ្រាប់ ដើម្បី​សម្លាប់​ជនជាតិ​អាម៉េរិក​អោយបាន​៥​ពាន់​នាក់ បើសិនជា​លោក​ត្រាំ​សងសឹក​ចំពោះ​ការបាញ់​កាំជ្រួច​ដាក់​មូលដ្ឋាន​អាម៉េរិក​កាលពី​ថ្ងៃ​ពុធ​

​ថ្លែង​ក្នុង​ទូរទស្សន៍​អ៊ីរ៉ង់ ឧត្តមសេនីយ៍ អា​មៀ អា​លី ហា​ជី​ហ្សា​ដេ បាន​អះអាង​ថា អ៊ីរ៉ង់​មិន​មាន​បំណង​សម្លាប់​នរណា​ម្នាក់​ទេ​ក្នុង​ការវាយប្រហារ​កាល​ពី​ថ្ងៃ​ពុធ​និង​​ថា​« បើ​យើង​ចង់​សម្លាប់ យើង​អាច​សម្លាប់​៥០០​នាក់​ក្នុង​ការវាយប្រហារ​មួយ​ប្រាវ​ដំបូង​។​តែបើ​គេ​តដៃ ៤.០០០​ទៅ​៥.០០០​នាក់​ទៀត​នឹង​ត្រូវ​សម្លាប់​នៅ​ក្នុងការ​​វាយប្រហារ​នៅ​ជំហាន​បន្តបន្ទាប់​ក្នុងអំឡុងពេល​តែ​៤៨​ម៉ោង​»​។​

​លោក​បាន​បន្ថែមថា «​យើង​បាន​បាញ់​ចេញ​កាំ​ជ្រួច​១៣​គ្រាប់ និង​ត្រៀម​បាញ់​រាប់រយ​ដើម​ទៀត​ក្នុងករណី​អាម៉េរិក​សងសឹក​»​។​

​កាលពី​ថ្ងៃ​ព្រហស្បតិ៍​លោក​ត្រាំ​បាន​និយាយ​ការពារ​ការសម្លាប់ មេបញ្ជាការ​អ៊ីរ៉ង់ លោក​កា​សេម សូ​ឡេ​ម៉ានី និង​ថា​ឧត្តមសេនីយ៍​អ៊ីរ៉ង់​រូបនេះ​គួរ​ត្រូវ​កំចាត់​ចោល​​យូរ​មក​ហើយ​។​

​លោក​ត្រាំ បាន​និយាយថា លោក​សំរេចចិត្ត​យក​ជីវិត​កា​សេម សូ​ឡេ​ម៉ានី ដោយសារ​បុរស​នេះ​មាន​ផែនការ​បំផ្ទុះ​គ្រាប់បែក​នៅ​ស្ថានទូត​អាម៉េរិក​ក្នុង​ក្រុង​បា​ដា​ត​៕​ប្រែ​សម្រួល​៖​វាសនា​

​ត្រាំ​៖ យើង​កំចាត់​បុរស​នេះ​ចោល​ពីព្រោះ​គេ​មាន​បំណង​បំផ្ទុះ​គ្រាប់​នៅ​ស្ថានទូត​អាម៉េរិក​នៅ​ក្រុង​បា​ដា​ត​

ទីតាំងផ្សាយពាណិជ្ជកម្ម

- Advertisment -



Most Popular