Home ព័ត៌មានអន្តរជាតិ ខ្មាន់កាំភ្លើ...

ខ្មាន់កាំភ្លើង​សម្លាប់​មនុស្ស​៣​នាក់​ក្នុងការ​ប្លន់​នៅ​ផ្សារ​ថៃ​មួយ​

ខ្មាន់កាំភ្លើង​ពាក់​ម៉ាស​មុខ​ម្នាក់ បាន​ដើរ​ចូល​ក្នុង​ផ្សារ​មួយ​នៅ​ថៃ​ភាគ​កណ្តាល​និង​បាញ់​សម្លាប់​មនុស្ស​៣​នាក់ រួម​មាន​ក្មេង​អាយុ​២​ឆ្នាំ​ម្នាក់​និង​បាន​ប្លន់​តូប​លក់​​មាស​មួយ​មុន​គេចខ្លួន នេះ​បើ​តាម​របាយការណ៍​ប៉ូលិស​ថៃ​កាលពី​ថ្ងៃ​សុក្រ​ទី​១០​មករា​។​

​រូប​ក្នុង​កាមេរ៉ា​សន្តិសុខ​នៅ​ផ្សារ​Robinson​ក្នុង​ខេត្ត​ឡប់​បូរី បង្ហាញ​ខ្មាន់កាំភ្លើង​ដើរ​សំដៅ​តូប​មួយ​នៅ​ម៉ោង​ប្រមាណ​៨​យប់​ថ្ងៃ​ព្រហស្បតិ៍ និង​បាញ់​អ្នកលក់​និង​​ជនរងគ្រោះ​ម្នាក់​ទៀត មុន​លោត​ទៅ​លើ​តូប​និង​ចាប់​ប្រមូល​គ្រឿងអលង្កា​រមាស​។​

​មេ​ប៉ូលិស​ខេត្ត បាន​ប្រាប់​អ្នកយកព័ត៌មាន​ថា បុរស​នេះ​ចូលមក​ក្នុង​ផ្សារ​តែ​ឯង​និង​បាញ់​សន្តិសុខ​ផ្សារ​ដែល​ជួប​ដោយ​ចៃដន្យ និង​បន្ទាប់មក​ចាប់ផ្តើម​បាញ់​​អត់​រើសមុខ ដោយ​សម្លាប់​មនុស្ស​៣​នាក់​និង​បង្ក​របួស​៤​នាក់​ទៀត​។​«​ចោរ​ប្លន់​នេះ​គ្មាន​មេត្តា យើង​កំពុង​តាម​រក​គ្រប់​កន្លែង​។​យើង​នឹង​ចាប់​ជន​នេះ​នាំ​មក​កាត់​​ទោស​»៕​ប្រែ​សម្រួល​៖​វាសនា​

គ្រូពេទ្យ​ជួយ​បុរស​រងរបួស​ពី​ការបាញ់​របស់​ចោរប្លន់​នៅ​ផ្សារ​មួយ​ក្នុង​ខេត្ត​ឡប់​បូរី ខាងជើង​ក្រុង​បាងកក​កាលពី​ថ្ងៃ​០៩​មករា​

ទីតាំងផ្សាយពាណិជ្ជកម្ម

- Advertisment -

Most Popular