Home ព័ត៌មានអន្តរជាតិ អាម៉េរិក​យល់ព...

អាម៉េរិក​យល់ព្រម​លក់​យន្តហោះ​ចម្បាំង​F-35ចំនួន​១២ គ្រឿង​ទៅ​ឱ្យ​សិង្ហ​បុរី​

​ទីភ្នាក់ងារ​សហប្រតិបត្តិ​ការ​សន្តិសុខ​ការពារជាតិ​របស់​អាម៉េរិក​បាន​និយាយ​កាលពី​ថ្ងៃ​សុក្រ​ទី​១០​មករា​ថា​ក្រសួងការបរទេស​អាម៉េរិក​បាន​យល់ព្រម​លក់​យន្ត​​ហោះ​ចម្បាំង F-35​ចំនួន ១២​គ្រឿង​និង​ឧបករណ៍​ដែល​ពាក់ព័ន្ធ​នឹង​យន្តហោះ​នេះ​ទៅឱ្យ​ប្រទេស​សិង្ហ​បុរី​ក្នុង​តម្លៃ​សរុប​២,៧៥ ពាន់​លាន​ដុល្លារ​ដោយ​រង់ចាំ​ការ​​អនុម័ត​ពី​សភា​តែប៉ុណ្ណោះ​។​

​សិង្ហ​បុរី​បាន​និយាយថា កាលពី​ដំបូង​ខ្លួន​បានគ្រោង​ទិញ​យន្តហោះ​F-35 ចំនួន​៤​គ្រឿង​ពី​ក្រុមហ៊ុន​ផលិត​យន្តហោះ​អាម៉េរិក Lockheed Martin Corp ហើយ​សម្រេច​ទិញ​ថែម​ចំនួន​៨​គ្រឿង​ទៀត​ដើម្បី​ដាក់​ជំនួស​យន្តហោះ​F-16​ចាស់ៗ​។​

​ទីភ្នាក់ងារ​សហប្រតិបត្តិ​ការ​សន្តិសុខ​ការពារ​ជាតិ​អាម៉េរិក​នេះ បាន​និយាយ​នៅក្នុង​សេចក្តីថ្លែងការណ៍​មួយ​ថា​”​ក្រសួង​ការបរទេស​បាន​សម្រេច​អនុម័ត​ការ​​លក់​យន្តហោះ​ចម្បាំង​F-35B ទៅឱ្យ​សិង្ហ​បុរី​រហូតដល់​ទៅ​១២​គ្រឿង​និង​ឧបករណ៍​ពាក់ព័ន្ធ​មួយចំនួន​ទៀត​ក្នុងតម្លៃ​សរុប​២,៧៥​ពាន់​លាន​ដុល្លារ​” ។

​យន្តហោះ​ចម្បាំង​F-35B នេះ ជា​ប្រភេទ​យន្តហោះ​បំបាំងកាយ​ពិសេស ដោយ​អាច​ហោះ​ឡើង​ត្រង់​និង​ចុះចត​ត្រង់​៕​ប្រែ​សម្រួល​៖​សុខា​/sn

យន្តហោះ​ចម្បាំង​F-35B ។​សិង្ហ​បុរី​លៃ​ថវិកា​ប្រមាណ​៣០​ភាគរយ​លើ​វិស័យ​ការពារ​ជាតិ សន្តិសុខ​និង​កិច្ចការ​ទូត​ក្នុង​ថវិកា​ឆ្នាំ​២០១៩

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...