Home ព័ត៌មានជាតិ សេដ្ឋកិច្ច អេស៊ីលីដា​ចាប...

អេស៊ីលីដា​ចាប់ផ្ដើម​អាជីវកម្ម​ដំបូង​ជាមួយ​ទុន​៦០​ម៉ឺន​ដុល្លារ​រហូត​ទុន​ម្ចាស់ទ្រព្យ​កើន​ដល់​៩០០​លាន​ដុល្លារ​

ដោយៈ​សុផល​/​ភ្នំពេញៈ​នៅ​ឆ្នាំ​១៩៩៣​ធនាគារ​អេស៊ីលីដា​ភីអិលស៊ី​បានចាប់ផ្ដើម​អាជីវកម្ម​ដំបូង​ជា​អង្គការ​មួយ​ជួយ​អភិវឌ្ឍន៍​ដល់​កសិករ​តាម​ជនបទនិង​បាន​ក្លាយជា​គ្រឹះស្ថាន​មីក្រូហិរញវត្ថុ​នៅ​ឆ្នាំ​១៩៩៦​។​ជា​ធនាគារ​ឯកទេស​នៅ​ខែតុលា​ឆ្នាំ​២០១០​និង​ចុងក្រោយ​បាន​ក្លាយខ្លួនជា​ធនាគារ​ពាណិជ្ជ​នៅ​កម្ពុជា​ក្នុងឆ្នាំ​២០០៣​។​

​ធនាគារ​អេស៊ីលីដា​បាន​បន្ត​អភិវឌ្ឍ​និង​រីកចម្រើន​ជា​លំដាប់​ប្រកបដោយ​ចីរភាព​រហូត​ក្លាយជា​ធនាគារពាណិជ្ជ​លំដាប់​លេខ​១​ក្នុង​ព្រះរាជាណាចក្រ​កម្ពុជា​រហូត​មកដល់​សព្វថ្ងៃ​។​ជាពិសេស​ជាងនេះទៅទៀត អេស៊ីលីដា បានក្លាយ​ធនាគារពាណិជ្ជ​ទី​១​បាន​ចូលក្នុង​ផ្សា​រមូល​ប​ត្រ​កម្ពុជា​ទៀត ។

​ក្នុង​សន្និសីទ​សារព័ត៌មាន​កាលពី​ព្រឹក​ថ្ងៃទី​១០​មករា​ឆ្នាំ​២០២០​នៅ​វិទ្យាស្ថាន​ពាណិជ្ជ​សាស្ត្រ​អេស៊ីលីដា​លោក​បណ្ឌិត​អ៊ី​ន​ចាន់នី​ប្រធាន​នាយក​ប្រតិបត្តិ​ធនាគារ​អេស៊ីលីដា​ភីអិលស៊ី​បាន​មានប្រសាសន៍ថា​៖​កាល​ចាប់​ផ្ដើមដំបូង​អេស៊ីលីដា​គ្រាន់តែ​ជា​ធនាគារ​ក្រៅ​រដ្ឋាភិបាល​មួយ​ប៉ុណ្ណោះ​។​ជាមួយនឹង​ដើមទុន​ប្រមាណ​៦០​ម៉ឺន​ដុល្លារ​កាលពី​២៧​ឆ្នាំមុន​ក្នុងអំឡុងពេល​ចាប់ផ្ដើម​ដំបូង​នោះ វា​លំបាក​ណាស់​។​

​លោក​បន្តថា​៖​ដើមទុន​ប្រមាណ​ជាង​៦០​ម៉ឺន​ដុល្លារ​នោះ​ចាត់ទុកជា​គ្រាប់ពូជ​មួយ​របស់​ធនាគារ​អេស៊ីលីដា​នៅពេល​បច្ចុប្បន្ន​ដែល​ធ្វើឱ្យ​សាបព្រោះ​បាន​នូវ​ពូជ​ជា​បន្តបន្ទាប់​ទៀត​ដោយ​ក្នុង​រយៈពេល​២៧​ឆ្នាំ​កន្លងទៅនេះ​បាន​ពង្រីក​ការលូតលាស់​រហូតដល់​៧០០​ដង​ធ្វើឱ្យ​ទុន​ម្ចាស់ទ្រព្យ​កើន​ដល់​៩០០​លាន​ដុល្លារ​អាមេរិក និង​ទ្រព្យសកម្ម​កើនឡើង​៩.០០០​ដង​។​

​លោក​បណ្ឌិត​បាន​បន្តថា​៖«​បើ​និយាយ​ពី​ទ្រព្យសកម្ម​របស់​ធនាគា​រ​អេស៊ីលីដា​ចាប់តាំងពី​កកើត​ដំបូង​មកដល់​ឥឡូវនេះ​មាន​កំណើន​រហូតដល់​៩​ពាន់​ដង​និង​បានធ្វើឱ្យ​ប្រាក់ចំណេញ​រប​ស់​យើង​កើន​ដល់​ជិត​២​ពាន់​ដង​និង​ប្រកបដោយ​គុណភាព​»​។​លោក​បណ្ឌិត​បាន​មានប្រសាសន៍ថា​៖​ដើម្បីឱ្យ​ធនាគារ​អេស៊ីលីដា​នៅតែ​ក្លាយជា​ធនាគារពាណិជ្ជ​ឈានមុខ​គេ​និង​ចូលរួម​អភិវឌ្ឍន៍​វិស័យ​ហិរញ្ញវត្ថុ​នៅក្នុង​ប្រទេស​កម្ពុជា​នោះ​អេស៊ីលីដា​បាន​ឈាន​ជើង​ទៅមុខ​មួយកម្រិត​ទៀត​ដោយ​គ្រោង​នឹង​បោះផ្សាយ​មូល​ប​ត្រ​នៅ​ផ្សា​រមូល​ប​ត្រ​កម្ពុជា​នៅពេល​ឆាប់ៗ​ខាងមុខនេះ ។

​យ៉ាងណាក៏ដោយ​ដើម្បីឱ្យ​ដំណើរការ​បើ​ផ្សាយ​មូល​ប​ត្រ​ក្នុង​ផ្សារ​ហ៊ុន​នេះ​ក៏ត្រូវ​ការទាមទារ​ឱ្យមាន​ការជួយ​គាំទ្រ​និង​សហការ​ពី​អាជ្ញាធរ​កម្ពុជា​ដូចជា​ស្ថាប័ន​ដែល​ពាក់ព័ន្ធ​នឹង​វិស័យ​មូល​ប​ត្រ​នេះ ជាដើម ។ ជា​ជំ​ហ៊ាន​ដំបូង​មុននឹង​ធ្វើការ​បោះផ្សាយ​មូល​ប​ត្រ​កម្មសិទ្ធិ​ជា​សាធារណៈ​ធនាគារ​ត្រូវការ​ផ្សព្វផ្សាយ​ឱ្យ វិនិយោគិន​ក៏ដូចជា​អតិថិជន​របស់ខ្លួន​ឱ្យបាន​ដឹង​ពី​កម្មវត្ថុ​បំណង​របស់​ធ​នាគារ ។​

​លោក​ហុង​សុ​ហួរ​អគ្គនាយក​ផ្សា​រមូល​ប​ត្រ​កម្ពុជា​បាន​មានប្រសាសន៍ថា​ក្នុងនាម​បញ្ញត្តិ​ករ​វិស័យ​មូល​ប​ត្រ​កម្ពុជា​ពិតជា​ចង់បាន​ស្ថាប័ន​ក្នុងស្រុក​ជាច្រើន​ទៀត​ចូលរួម​ក្នុង​ផ្សារ​ហ៊ុន​ដោយ​បោះផ្សាយ​មូល​ប​ត្រ​កម្មសិទ្ធិ​ជា​សាធារណៈ​។​វា​ជា​កិត្តិយស​ខ្លាំងណាស់​ដែល​ផ្សា​រមូល​ប​ត្រ​កម្ពុជា​ទទួលបាន​ធនាគារពាណិជ្ជ​ទី​១​និង​ជា​ធនាគារ​ឈានមុខ​គេ​ក្នុងប្រទេស​កម្ពុជា​ចុះបញ្ជី​ក្នុង​ផ្សារ​មូល​ប​ត្រ​ដើម្បី​បោះផ្សាយ​មូល​ប​ត្រ​កម្មសិទ្ធិ​ជា​សាធារណៈ​។
​កន្លងមក​ផ្សារ​មូល​ប​ត្រ​កម្ពុជា​ក៏​ទទួលបាន​ធនាគារពាណិជ្ជ​ជា​បន្តបន្ទាប់​ដែរ​។​ក៏ប៉ុន្តែ​ពួកគេ​ចុះបញ្ជី​ជា​សញ្ញាបត្រ​បំណុល​ដែល​មិនសូវមាន​ការចាប់អារម្មណ៍​ខ្លាំង​ប៉ុន្មាន​ទេពី​សាធារណៈជន​។​តែ​នៅពេលដែល​ធនាគារ​អេស៊ីលីដា​ចូលក្នុង​ផ្សារ​ហ៊ុន​នឹងធ្វើ​អោ​សកម្មភាព​ផ្សារ​ហ៊ុន​ក្នុងប្រទេស​កម្ពុជា​កាន់តែ​កក្រើក​និង​ជំរុញឱ្យមាន​ការវិនិយោគ​ក្នុង​វិស័យ​មូល​ប​ត្រ​នេះ កាន់តែ​ច្រើនឡើង​ថែមទៀត ។​

​លោក​រំពឹងថា​នឹងមាន​វិនិយោគិន​ជាច្រើន​ចាប់អារម្មណ៍​វិនិយោគ​ជាមួយនឹង​ភាគហ៊ុន​របស់​ធនាគារ​អេស៊ីលីដា​ហើយ​ខ្លួន​លោក​ផ្ទាល់​ក៏មាន​ការសាកសួរ​ច្រើន​ពី​សំណាក់​វិនិយោគិន​ដែល​ចង់​វិនិយោគ​ជាមួយ​ធនាគារ​អេស៊ីលីដា​។​ដូច្នេះ​ពួកគេ​គួរ​ត្រៀម​ទុន​សម្រាប់​វិនិយោគ​ជាមួយ​អេស៊ីលីដា​នៅពេលដែល​ធនាគារ​នេះ​ប្រកាស​លក់​មូល​ប​ត្រ​ជា​ផ្លូវការ​ក្នុង​ផ្សារ​ហ៊ុន​កម្ពុជា​៕S/

​ចំណងជើង​រូបថត​៖​លោក​បណ្ឌិត អ៊ី​ន ចាន់នី ប្រធាន​នាយក​ប្រតិបត្តិ​ធនាគារ​អេស៊ីលីដា ភីអិលស៊ី លោក ហុង សុ​ហួរ អគ្គនាយក​ផ្សា​រមូល​ប​ត្រ​កម្ពុជា ក្នុង​សន្និសីទ​សារពត៌មាន កាលពី​ព្រឹក​ថ្ងៃទី​១០ មករា ឆ្នាំ​២០២០​នៅ​វិទ្យាស្ថាន​ពាណិជ្ជ​សាស្ត្រ​អេស៊ីលីដា​(​រូបៈ​សុផល​)

ទីតាំងផ្សាយពាណិជ្ជកម្ម

- Advertisment -

Most Popular