Home ព័ត៌មានជាតិ សេដ្ឋកិច្ច វិស័យ​ទន្តពេទ...

វិស័យ​ទន្តពេទ្យ​នៅ​កម្ពុជា​បាន​កំពុង​វិវត្តន៍​ទៅរក​ភាព​រីកចម្រើន​ហួសការ​ស្មាន​

ដោយ​:​ពៅ​និមល​/​ភ្នំពេញ​:​មន្ត្រីជាន់ខ្ពស់​នៃ​រាជរដ្ឋាភិបាល​កម្ពុជា​បាន​អះអាងថា​វិស័យ​ទន្តសាស្ត្រ​ពេលបច្ចុប្បន្ន មានការ​រីកចម្រើន​ខ្លាំង​ពីមួយ​ឆ្នាំទៅ​មួយឆ្នាំ និង​បាន​កំពុង​វិវត្តន៍​ខ្លួន​កាន់តែ​ខ្លាំងក្លា​ផងដែរ ។​ប្រៀបធៀប​នឹង​១០​ឆ្នាំ​កន្លងទៅ​ដែល​វិស័យ​មួយ​នេះ​ស្ទើរតែ​គ្មាន​ឈ្មោះ​ឡើង​ប៉ុន្តែ​បច្ចុប្បន្ន​វិស័យនេះ​មាន​ភាព​លេចធ្លោ​ជាខ្លាំង និង​ហួស​ពី​ការ​ស្មាន​។​

​លោកស្រី​តាន់​វួ​ច​ឆេង​រដ្ឋលេខាធិការ​ក្រសួងសុខាភិបាល​នៅក្រោយ​ពិធី​បើក​សន្និសីទ​និង​ការតាំងពិព័រណ៍​ទន្តសាស្ត្រ​កម្ពុជា​ឆ្នាំ​២០២០​កាលពី​ព្រឹក​ថ្ងៃទី​១០​ខែមករា​នេះ​បាន​មានប្រសាសន៍ប្រាប់​បណ្តាញ​អ្នកសារព័ត៌មាន​ថា​ដើម្បី​ធានា​នូវ​ភាពថ្លៃថ្នូរ​ក្នុង​វិជ្ជាជីវៈ​និង​ដើម្បី​ធានា​នូវ​គុណភាព​សុវត្ថិភាព​នៃ​សេវា​សុខភាព​មាត់​ធ្មេញ​ក្រសួង​បានរៀបចំ​ច្បាប់​ស្តីពី​ការគ្រប់គ្រង​វិជ្ជាជីវៈ​វេជ្ជសាស្ត្រ​អម​វេជ្ជសាស្ត្រ​ឯក ដែល​រដ្ឋសភាជាតិ​បានអនុម័ត​រួចហើយ​។

​ទន្ទឹមនេះ​ក្រសួង​ក៏បាន​បង្កើត​នូវ​គណៈ​ទន្តពេទ្យ​ដើម្បី​គ្រប់គ្រង​និង​លុបបំបាត់​នូវ​ភាពអនាធិបតេយ្យ​ក្នុង​វិស័យ​សុខាភិបាល​ផងដែរ​។ លោកស្រី​លើកឡើង​បន្តថា ដើម្បី​បង្កើន​គុណភាព និង​សមត្ថភាព ចាំបាច់​ណាស់​ដែល​ទន្ត​បណ្ឌិត​ទន្តពេទ្យ​ទាំងអស់គ្នា​ត្រូវខិតខំ​ប្រឹងប្រែង​សិក្សា​ជា​បន្តបន្ទាប់​នូវ​បច្ចេកវិទ្យា​ថ្មីៗ​ពី​បណ្តា​រៀមច្បង​ដែលមាន​បទពិសោធន៍​ច្រើន ព្រមទាំង​សហការ​ជាមួយ​ទន្ត​បណ្ឌិត​អន្តរជាតិ ដើម្បី​បង្កើន​នូវ​សមត្ថភាព​ខ្ពស់​របស់ខ្លួន​ឲ្យ​កាន់តែ​សុ​ក្រិត​ថែមទៀត​។​

​តាមរយៈ​នេះ​លោកស្រី​រដ្ឋលេខាធិការ​បា​ន​អំពាវនាវ​ដល់​ទន្ត​បណ្ឌិត​និង​ទន្តពេទ្យ​ទាំងអស់​ត្រូវតែ​គោរព​ស្រឡាញ់​និង​យកចិត្តទុកដាក់​ចំពោះ​អ្នកជំងឺ​គ្រប់​ប្រភេទ​គឺ​កុំ​រើសអើង​ថា​អ្នកមាន​ឬ​អ្នកក្រ​។​ត្រូវ​គិតថា ការឈឺចាប់​របស់​អ្នកជំងឺ គឺជា​ការឈឺចាប់​របស់​យើង​ផងដែរ​។​ជាមួយគ្នានេះ ទន្ត​បណ្ឌិត សួន​ម៉ូ​នី​កា​ប្រធាន​សមាគម​ទន្តពេទ្យ​កម្ពុជា​បានឱ្យដឹងថា​ជា​រៀងរាល់ឆ្នាំ​សមាគម​តែងតែ​រៀបចំ​សន្និសីទ​និង​ការតាំងពិព័រណ៍​ទន្តសាស្ត្រ​នេះ​ឡើង​។​ដើម្បី​ទទូច​ឱ្យ​ទន្ត​បណ្ឌិត​ទន្តពេទ្យ​ទន្ត​និស្សិត​បន្ត​ចូលរួម​ជាមួយ​សកម្មភាព​សមាគម​។​

​ជាពិសេស​ជួយ​គាំទ្រ​សន្និសីទ​សិក្ខាសាលា​រៀបចំ​ដោយ​សមាគម​ទន្តពេទ្យ​កម្ពុជា​ឱ្យ​កាន់តែ​ច្រើនឡើង​ដើម្បី​ទ្រទ្រង់​សមាគម​ឲ្យ​រឹងមាំ​និង​បន្តដំណើរ​ទៅមុខ​ដោយ​ជោគជ័យ​ដូច​សមាគម​ទន្តពេទ្យ​ជាតិ​នៃ​ប្រទេស​នានា​ទូទាំង​ពិភពលោក​ខណៈដែល​បច្ចេក​វិទ្យា​ពីមួយ​ឆ្នាំទៅ​មួយឆ្នាំ​ចេះតែ​ប្រែប្រួល និង​ទំនើប​ឡើងៗ​។​

ប្រធាន​សមាគម​ទន្តពេទ្យ​កម្ពុជា​បានបញ្ជាក់​ទៀតថា​គិត​មកទល់ពេលនេះ​នៅក្នុង​ទីក្រុង​ភ្នំពេញ​បន្ទប់​ពិគ្រោះ​ជំងឺ​ផ្នែក​ទន្តសាស្ត្រ​សរុប​មាន​ប្រមាណ​៧៦០​គ្លី​នី​ក​។ ដោយ​សារភាព​វិវត្តន៍​នៃ​វិស័យ​ទន្តពេទ្យ ត្រូវ​មើលឃើញថា​វិស័យនេះ​បាន​ទាក់ទាញ​មួយផ្នែក​ដែរ​ក្នុង​វិស័យ​ទេសចរណ៍​។​ព្រោះថា​ភ្ញៀវ​ទេសចរណ៍​មួយចំនួន​ក៏ដូចជា​អនិកជន​នៅតាម​បណ្តា​ប្រទេស​នានា​ក៏បាន​អ​ញើញ​ពិគ្រោះ​និង​ព្យាបាល​សុខភាព​មាត់​ធ្មេញ​នៅ​កម្ពុជា​ដែរ​ដោយសារ​មាន​ភាព​ទំនុកចិត្ត​និង​ភាពជឿនលឿន​របស់​ប្រទេស​ក្រៅពី​ទេសចរណ៍​នៅតាម​តំបន់​នានា​នៅក្នុង​ប្រទេស​កម្ពុជា​។​

​សូមបញ្ជាក់ថា សន្និសីទ​និង​ការតាំងពិព័រណ៍​ទន្តសាស្ត្រ​កម្ពុជា ប្រព្រឹត្ត​ទៅក្នុង​រយៈពេល​២​ថ្ងៃ គឺ​ថ្ងៃទី​១០ និង​១១ ខែមករា​ឆ្នាំ​២០២០​ដែលមាន​តំណាង​ក្រុមហ៊ុន​ចូលរួម​តាំងពិព័រណ៍​ទន្តសាស្ត្រ​ចំនួន ២៧​ក្រុមហ៊ុន សរុប​មាន​ជិត​៧០​ស្តង់ នៅ​សណ្ឋាគារ​សុខា​ភ្នំពេញ​ត្រើយ​ខាងកើត​៕S/

ទីតាំងផ្សាយពាណិជ្ជកម្ម

- Advertisment -

Most Popular

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...

អភិបាល​ខេត្តកំពត រក​ដំណោះ...

​ដោយៈ បូកគោ / កំ​ពតៈ នា​អ...

​ការិយាល័យ​ឥណទាន​កម្ពុជា​...

​ដោយៈ​សុផល​/​ភ្នំពេញ​៖​ជា...

មន្ត្រី​នាំពាក្យ​ក្រសួង​អ...

ដោយ​: ដេប៉ូ / ភ្នំពេញ​: ល...