ដោយៈសាវរក្ស/ភ្នំពេញ៖បើតាមរបាយការណ៍ពីនាយកដ្ឋាននគរបាលចរាចរនិងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិគ្រោះថ្នាក់ចរាចរផ្លូវគោកទូទាំងប្រទេសគិតពីរសៀល ម៉ោង២ថ្ងៃទី៩ដល់ម៉ោង២រសៀលថ្ងៃទី១០ខែមករាឆ្នាំ២០២០បណ្តាលឱ្យមនុស្សស្លាប់៥នាក់និងបង្កឱ្យមានរបួសធ្ងន់-ស្រាល១០នាក់(ស្រី២នាក់ ) ។
របាយការណ៍បន្ថែមថានៅក្នុងករណីគ្រោះថ្នាក់ចរាចរណ៍ខាងលើនេះបង្កឱ្យមានការខូចខាតយានយន្តសរុបជាច្រើនគ្រឿង។ក្នុងនោះមានម៉ូតូ,រថយន្តតូច-ធំនិងយានផ្សេងៗជាច្រើនគ្រឿងទៀត។រីឯមូលហេតុបណ្តាលឱ្យកើតមានហេតុការណ៍គ្រោះថ្នាក់ចរាចរគឺបណ្តាលមកពីបើកបរលើសល្បឿនកំណត់,មិនគោរពសិទ្ធិបត់មិន ប្រកាន់ស្តាំជាដើម ។
ទិន្នន័យ គ្រោះថ្នាក់ ចរាចរផ្លូវគោក ទូទាំងប្រទេសថ្ងៃនេះបានបញ្ជាក់ថាគ្រោះថ្នាក់ ដែល បង្កឱ្យមាន មនុស្ស ស្លាប់ និង របួស សរុបចំនួន១៥ នាក់នៅថ្ងៃទី១០ខែមករានេះគឺកើតឡើងដោយសារ ហេតុការណ៍ ប៉ះទង្គិច ចំនួន១០លើក ៕S/
