ដោយគូលែន/សៀមរាប:ដើម្បីរក្សាសោភ័ណភាពប្រាសាទនិងឆ្លើយតបនឹងអនុសាសន៍របស់គណៈកម្មាធិការICCAngkorអាជ្ញាធរជាតិអប្សរាកំពុងរៀបចំសោភណភាពចំណតនិងតូបលក់ដូរឡើងវិញនៅមុខប្រាសាទព្រះពិធូរ ក្នុងបរិវេណប្រាសាទអង្គរធំ។នេះគឺជាការបញ្ជាក់របស់លោក សុខ សង្វារ អគ្គនាយករងនៃអាជ្ញាធរជាតិអប្សរានិងជាប្រធានក្រុមការងារអនុវត្តគម្រោងបានបញ្ជាក់អោយដឹងនៅថ្ងៃទី១០ ខែមករា ឆ្នាំ២០២៩នេះ។
លោកសុខសង្វារអគ្គនាយករងនៃអាជ្ញាធរជាតិអប្សរានិងជាប្រធានក្រុមការងារអនុវត្តគម្រោងបាននិយាយថាការងារនេះរៀបចំឡើងដោយគិតគូរទៅលើការលើកកម្ពស់បរិស្ថាននិងលើកស្ទួយកម្រិតជីវភាពរបស់ប្រជាជនក្នុងតំបន់អង្គរ. ដើម្បីចុះពិនិត្យទីតាំងជាក់ស្តែងនៅបរិវេណក្រុមប្រាសាទព្រះពិធូរ បន្ទាប់ពីក្រុមការងាបានរៀបចំប្លង់រួចរាល់។
លោកបានបញ្ជាក់ថាការរៀបចំសោភណភាពចំណតនិងតូបលក់ដូរនេះក្រុមការងារបានគិតគូរលើបរិស្ថាននិងបុរាណវិទ្យាជាសំខាន់។ជាក់ស្តែងការរៀបចំប្លង់នេះត្រូវធ្វើឡើងដោយផ្អែកលើការចុះអង្កេតជាក់ស្តែងរបស់ក្រុមការងារគ្រប់គ្រងព្រៃឈើ និងបរិស្ថាន និងការធ្វើកំណាយបុរាណវិទ្យា។
លោកបានបន្ថែមថាការចុះពិនិត្យលើកនេះគឺដើម្បីកែសម្រួលនូវគំរូបប្លង់មួយចំនួនតាមការណែនាំរបស់លោកជំទាវរដ្ឋមន្ត្រីនាជំនួបពិភាក្សាកន្លងទៅថ្មីៗនេះ។ឯកឧត្តមសង្ឃឹមថាមិនយូរទេក្រោយគម្រោងនេះត្រូវបានអនុវត្តហើយ ភ្ញៀវទេសចរនឹងបានឃើញទិដ្ឋភាពដ៏ស្រស់ត្រកាលនៃប្រាសាទព្រះពិធូរ ដែលកន្លងមកភ្ញៀវទេសចរជាច្រើនបានដើររំលង៕S/
រូបភាព:ការងាររៀបចំសោភណភាពនៅមុខប្រាសាទព្រះពិធូរនឹងជួយលើកកម្ពស់តម្លៃបេតិកភណ្ឌនិងជីវភាពរបស់ប្រជាពលរដ្ឋក្នុងតំបន់អង្គរ៕អប្សរា
