Home ព័ត៌មានជាតិ សេដ្ឋកិច្ច ខេត្ត​ឧ​ត្ត​រ...

ខេត្ត​ឧ​ត្ត​រ​មានជ័យ ជា​គោលដៅ​ចុងក្រោយ ឆ្នាំ​២០១៩ នៃ​ការពង្រីក​ចំណេះដឹង ទីផ្សារ​មូល​ប​ត្រ​

​ភ្នំពេញ​៖ ក្រុមហ៊ុន ហ្គោល​ដេ​ន អេ​ហ្វ​អិ​កស៍ លីង ឃែ​ភី​ថ​ល បាន​ចូលរួម​ក្នុង​សិក្ខាសាលា នៅ​ខេត្ត​ឧ​ត្ត​រ​មានជ័យ កាល​ថ្ងៃទី​៦ ខែមករា កន្លងទៅ​ថ្មីៗ​នេះ ក្រោម​ប្រធានបទ «​អ្វី​ជាការ​ជួញ ដូរ​ឧបករណ៍​និ​ស្ស​ន្ទ​៖ ការត្រៀមខ្លួន​ការវិនិយោគ និង​ការយល់ដឹង​ពាក់ព័ន្ធ​?»​។ ការចូលរួម លើក​នេះ គឺជា​លើក​ទី​១៩ ក្នុង​ឆ្នាំ​២០១៩ និង​ជា​លើក​ទី​២៤ បើ​គិត​ចាប់ពី​ការកើតឡើង​នៃ សិក្ខាសាលា​តាម​បណ្ដា​ខេត្ត ក្នុង​ឆ្នាំ​២០១៨ មក​។​

​គោលបំណង​សំខាន់ នៃ​ការចូលរួម​នេះ គឺ​ដើម្បី​ចែករំលែក​ចំណេះដឹង ជំនាញ​បទពិសោធន៍ ក៏ដូចជា​គន្លឹះ​ល្អៗ​សម្រាប់​ការវិនិយោគ​ដល់​សាធារណជន​នៅ​គ្រប់​ខេត្ត ក្រុង ទាំងអស់ នៃ​ព្រះរាជាណាចក្រ​កម្ពុជា​។

​លោក ជា បុល្លិកា អនុប្រធាននាយកដ្ឋាន​ត្រួតពិនិត្យ​អន្តរការី​មូល​ប​ត្រ​នៃ​គណៈកម្មការ មូល​ប​ត្រ​កម្ពុជា និង​ជា​តំណាង​លោក ស៊ូ សុជាតិ អគ្គនាយក​នៃ​គណៈកម្មការ​មូល​ប​ត្រ​កម្ពុជា បានផ្ដល់​មតិ​ស្វាគមន៍​ក្នុង​សិក្ខាសាលា​នៅ​ខេត្ត​ឧ​ត្ត​រ​មានជ័យ​នេះហើយ​បាន បង្ហាញ​ពី​ស្ថាន ភាពបច្ចុប្បន្ន​នៃ​ទីផ្សារ​ឧបករណ៍​និ​ស្ស​ន្ទ នៅក្នុង​ប្រទេស​កម្ពុជា​ក៏ដូចជា​គោលជំហរ​របស់ គណៈកម្មការ​មូល​ប​ត្រ​កម្ពុជា ក្នុងការ​ពង្រីក​ការអភិវឌ្ឍ​ទីផ្សារ​ឧបករណ៍​និ​ស្ស​ន្ទ​បន្ថែមទៀត​។​

​លោក បុល្លិកា ក៏បាន​លើកទឹកចិត្ត ឱ្យ​វិនិយោគិន​បង្កើន​ចំណេះដឹង និង​ត្រៀមខ្លួន​រួចរាល់ សម្រាប់​ការវិនិយោគ​លើ​ឧបករណ៍​និ​ស្ស​ន្ទ ដើម្បី​រួមចំណែក​ក្នុងការ​អភិវឌ្ឍ​សេដ្ឋកិច្ចជាតិ​។

​លោក ឃិន ញ៉ា​ណ អភិបាលរង​នៃ​គណៈ​អភិបាលខេត្ត​ឧ​ត្ត​រ​មានជ័យ និង​ជា​តំណាង​លោក ប៉ែន កុស​ល្យ អភិបាល​នៃ​គណៈ​អភិបាលខេត្ត​ឧ​ត្ត​រ​មានជ័យ បានផ្ដល់​កិត្តិយស​ប្រកាស​បើក កម្មវិធី​សិក្ខាសាលា​ជា​ផ្លូវការ និង​បានលើកឡើង​ពី​សក្ដានុពល​នៃ​ខេត្ត​របស់លោក និង​ការ យកចិត្តទុកដាក់​រប​ស់រាជ​រដ្ឋាភិបាល​កម្ពុ​ជា​ក្នុងការ​អភិវឌ្ឍ​គ្រប់​វិស័យ ជាពិសេស​វិស័យ សេដ្ឋកិច្ច​ដែល​ស្ដែង​ឱ្យឃើញ តាមរយៈ​ការធ្វើកំណែទម្រង់​សេដ្ឋកិច្ច​ដែល​ជួយ​ឱ្យ​ព្រះរាជា​ណា ចក្រ​កម្ពុជា បាន​នឹង​កំពុងមាន​កំណើនសេដ្ឋកិច្ច​នៅក្នុង​រង្វង់ ៧% ក្នុង​មួយឆ្នាំ​។​

​តាមរយៈ​សិក្ខាសាលា​នេះ លោក ឃិន ញ៉ា​ណ ក៏​រំពឹងថា សិក្ខាកាម​នឹង​ទទួលបាន​ចំណេះដឹង ផ្នែក​ហិរញ្ញវត្ថុ​បន្ថែម ជាពិសេស​លើ​ទីផ្សារ​ឧបករណ៍​និ​ស្ស​ន្ទ​។
​ ​
ក្នុងនាម​ជា​វាគ្មិន​កិត្តិយស លោក Naoto Arase ប្រធាន​ផ្នែក​បច្ចេកវិទ្យា​ហិរញ្ញវត្ថុ​នៃ​ក្រុមហ៊ុន ហ្គោល​ដេ​ន អេ​ហ្វ​អិ​កស៍ លីង ឃែ​ភី​ថ​ល បានធ្វើ​បទ​បង្ហាញ ដើម្បីឱ្យ​សិក្ខាកាម​ងាយ​យល់ និង​ទទួលបាន​ចំណេះដឹង អំពី​ការវិនិយោគ​លើ​ផលិតផល​ឧបករណ៍​និ​ស្ស​ន្ទ ការទប់ស្កាត់ និង​ការកាត់បន្ថយ​ហានិភ័យ​ពី​ការវិនិយោគ និង​យុទ្ធសាស្ត្រ​ល្អៗ​ដើម្បី​ទាញយក​ផល​គាប់ ប្រសើរ​ពី​ការវិនិយោគ​។ ក្រោម​ការដឹកនាំ​របស់​គណៈកម្មការ​មូល​ប​ត្រ​កម្ពុជា លោក Naoto ក៏បាន​បង្ហាញ​ពី​ការប្ដេជ្ញា​របស់​ក្រុមហ៊ុន ក្នុងការ​បន្ត​រួម​អភិវឌ្ឍន៍​ទីផ្សារ​ឧបករណ៍​និ​ស្ស​ន្ទ នៅ​កម្ពុជា ឱ្យ​ល្អប្រសើរ ដូច​ប្រទេស​រីកចម្រើន ផ្សេងទៀត​ផងដែរ​។
​ ​
ចាប់តាំងពី​ឆ្នាំ​២០១៨​មក ក្រុមហ៊ុន ហ្គោល​ដេ​ន អេ​ហ្វ​អិ​កស៍ លីង ឃែ​ភី​ថ​ល​បាន​ចូលរួម​សិក្ខា សាលា​តាម​បណ្ដា​ខេត្ត នៅ​គ្រប់​ខេត្ត​ក្រុង​ទាំងអស់ នៃ​ព្រះរាជាណាចក្រ​កម្ពុជា រួចមកហើយ ដោយបាន​ចែករំលែក​ចំណេះ​ជំនាញ​វិនិយោគ​ដល់​សាធារណជន រាប់ពាន់នាក់​៕ ដោយ​៖ បូ​រិ​ន

ទីតាំងផ្សាយពាណិជ្ជកម្ម

- Advertisment -

Most Popular

កក​ ,​កក់​ ,​កក្កដ​ ,កករ​...

ដោយៈ​ដកស្រង់​ពី​វចនានុក្រ...

៥​ធ្នូ ទិវា​អន្តរជាតិ​នៃ​...

ដោយៈ សុផល​/ភ្នំពេញៈ នៅ​ថ្...

កម្ពុជា​-​ឥណ្ឌា​បន្ដ​វេទិ...

ដោយ​: ជា សីហៈ​/​ភ្នំពេញ​៖...

ឃាត់​ចិន​៥​នាក់ និង វៀតណា...

​  ដោយៈ​ស​រិ​ទ្ធ​/​ភ្...