ក្លិបឆេលស៊ីគ្រោងនឹងដាក់សំណើផ្ទេរ៤០លានផោនសម្រាប់កីឡាករ អ៊ីសា ឌីអប់ (Issa Diop) របស់ក្លិប វេស ហេម(West Ham) ខណៈលោក ហ្វ្រែង ឡាំផាត (Frank Lampard) ស្វះស្វែង ពង្រឹងប្រព័ន្ធការពាររបស់លោកនៅខែនេះ។
ឆេលស៊ីតាមមើលការវិវឌ្ឍរបស់ខ្សែការពារសញ្ជាតិបារាំងរូបនេះច្រើនខែមកហើយ ហើយ តាមព័ត៌មានថា ត្រៀមដាក់សំណើផ្ទេរកីឡាករវ័យ២២ឆ្នាំរូបនេះ។
ឌីអប់ ដែលក៏ជាគោលដៅរបស់ក្លិបតូតិនហេមធ្វើបានល្អមែនទែននៅរដូវកាលនេះ បើទោះបី ជាក្រុម West Ham មានការលំបាក ហើយលោក ម៉ាញូអែល ប៉េលឡេហ្គ្រីនី (Manuel Pellegrino) ត្រូវបានបណ្តេញចេញនិងត្រូវបានជំនួសដោយលោក ដេវីដ ម៉យ (David Moyes) កាលពីខែមុន។
ឌីអប់ គឺជាគោលដៅផ្ទេរចម្បងរបស់ក្លឹបឆេលស៊ីនៅរដូវកាលផ្ទេរខែមករានេះ បន្ទាប់ពីឆេល ស៊ីត្រូវបានដកបម្រាម។
គេរំពឹងថា លោក ម៉យ នឹងអាចជួយក្រុម West Ham ប្រសើរឡើង ហើយប្រហែលជាគ្មាន បំណងឲ្យ ឌីអប់ ចាកចេញដោយងាយស្រួលនោះទេ។
ក្លឹប West Ham បានចំណាយ២២លានផោន ដើម្បីផ្ទេរ ឌីអប់ ពីក្លឹបបារាំង Toulouse ត្រឹមរយៈ ពេល១៨ខែកន្លងទៅនេះ ហើយកីឡាកររូបនេះនៅសល់កិច្ចសន្យាបីឆ្នាំកន្លះទៀត៕ ប្រែសម្រួល: ពិសិដ្ឋ
