Home ប្លែកៗ ប្រកាស​លក់​កូ...

ប្រកាស​លក់​កូន​ត្រឹមតែ ៣.០០០ ដុល្លារ ​ដើម្បី​ដោះបំណុល​ល្បែង​

ពាក្យចាស់​មួយ​ឃ្លា​ពោលថា “​ប្រព្រឹត្ត​ល្បែង​តែង​វិនាស​” ហើយ​ក៏មាន​ពាក្យ​មួយ​ឃ្លា​ទៀតពោលថា “​រឿង​ល្បែង​កុំ​ជោរ អស់​កង់​អស់​គោ អស់​ផ្ទះសម្បែង អស់ទាំង​ទ្រព្យធន ប្រពន្ធ​កូន​ឯង ស្រែកយំ​ក្ដែ​ងៗ គ្មាន​គេ​អាសូរ​”​។
​ ​
ពាក្យ​ទាំងនេះ​ពិតជា​ត្រឹមត្រូវ​ណាស់ ដែល​មនុស្ស​គ្រប់រូប​គួរ​យក​ជា​គតិ​ពិចារណា​។ តួយ៉ាងបុរស​ជនជាតិ​ចិនម្នាក់ បានប្រកាស​តាម​បណ្ដាញ​ទំនាក់ទំនង​សង្គម​លក់​កូនប្រុស​រប​ស់​ខ្លួនក្នុងតម្លៃ​ត្រឹមតែ​ប្រមាណ ៣.០០០​ដុល្លារ​ ដើម្បី​យកលុយ​សងបំណុល​ល្បែង​ដែល​ខ្លួនជំពាក់​ក្រុម​អ្នក​ចងការ​ប្រាក់​ខុសច្បាប់​។
​ ​
​ឪពុក​រូបនេះ​បាន​បង្ហោះ​វីដេអូ​រូប​កូនប្រុស​ក្នុងបណ្តាញ​សង្គម ហើយ​និយាយថា “​មាន​អ្នកណាចង់បាន​ក្មេង​នេះ​ទេ​។ ខ្ញុំ​សម្រេចចិត្ត​លក់​វា​ក្នុងតម្លៃ ២០.០០០ យ័ន (​ប្រមាណ ៣.០០០ ដុល្លារ​អាម៉េរិក​)​។ បើ​មេៗ​ណា​ចង់បាន សូម​ទាក់​ទំនង​មក​ខ្ញុំ​ភ្លាមៗ​”​។
​ ​
បន្ទាប់ពី​រង​ការស្ដីបន្ទោស​ធ្ងន់ៗ​ពី​សមាជិក​ជាច្រើន​នៅក្នុង​ក្រុម បុរស​នេះ​បាន​សម្ដែង​ការសោកស្ដាយ និង​សូមទោស​ចំពោះ​ទង្វើ​របស់ខ្លួន ហើយ​និយាយថា រូបគេ​បង្ហោះ​វា​មកពី​ខ្លួនមាន​អារម្មណ៍មិនល្អ​។​
​ ​
យោងតាម​គេហទំព័រ​ព័ត៌មាន​ចិន Sina បានឱ្យដឹងថា បុរស​ដែល​គេ​មិន​បញ្ចេញ​អត្តសញ្ញាណ នេះ​រស់នៅ​ខេត្ត​គ័ង​តុង (Guangdong) ប្រទេស​ចិន ហើយ​បានប្រកាស​លក់​កូន​តាម​បណ្ដាញទំនាក់ទំនង​សង្គម​ចិន WeChat កាលពី​ថ្ងៃ​ចន្ទ ទី​៦ ខែមករា​។
​ ​
សារ​នេះ​បាន​បែកធ្លាយ​សុសសាយ​យ៉ាង​ឆាប់រហ័ស បង្ក​ឱ្យ​សា​ធារ​ជន​ថ្កោលទោស​ធ្ងន់ៗ​។ អ្នកប្រើប្រាស់​បណ្ដាញ​សង្គម​ខ្លះ​ថែមទាំង​អំពាវនាវ​ឱ្យ​អាជ្ញា​ធរមាន​សមត្ថកិច្ច​ចាត់វិធានការ​តាម​ផ្លួ​វ​ច្បាប់​លើ​ជននេះ​ទៀតផង​។
​ ​
យោងតាម​សេចក្ដីរាយការណ៍ អាជ្ញាធរ​កំពុង​ការបើក​ស៊ើបអង្កេត​លើ​ករណីនេះ​។ តាមច្បាប់ ប្រទេស​ចិន អ្នក​ដែល​មានទោស​ពីបទ​រត់ពន្ធ និង​លក់ដូរ​កុមារ​ត្រូវ​មានទោស​ជាប់ពន្ធនាគារ​ពី ៥ ឆ្នាំ​ដល់ ១០ ឆ្នាំ ហើយក៏​អាចឈាន​ទៅដល់​ការជាប់​ពន្ធនាគារ​មួយជីវិត ឬ​ទោស​ប្រហារជីវិត ផងដែរ​៕ ប្រែ​សម្រួលៈ ខុម​/Ha

ទីតាំងផ្សាយពាណិជ្ជកម្ម

- Advertisment -

Most Popular