អេ​លី​ត សាន់ និង យុគ យក្ស​ផ្លែ ស្វាគមន៍​ថៃ លើស​ង្វៀន​អធិរាជ​កម្លាំង​រ៉េដ​អាន​

ដោយ​៖ រ៉ូ​ហ្សា
​ភ្នំពេញ​៖
អ្នក​ប្រដាល់​ជើងចាស់​កម្ពុជា យុគ យក្ស​ផ្លែ ក្លិប​បូរី​រាជសីហ៍​មាន​រិ​ទ្ធ ត្រូវបាន​ផ្គូរ​ផ្គង ឲ្យ​ប្រកួត​ជាមួយ អ្នក​ប្រដាល់​ថៃ ប៉ុប អាយ (Pop Aiy) លើស​ង្វៀន​អធិរាជ​កម្លាំង​រ៉េដ​អាន របស់​អាស៊ីអាគ្នេយ៍ នា​យប់​ថ្ងៃទី​១២ មករា នេះ​។​

​នេះ​ជា​ជំនួប​រវាង​អ្នកខ្លាំង ជាមួយ​អ្នកខ្លាំង ដែល​គេ​លំបាក​នឹង​ប្រមាណ​ទុក ជាមុន​ពី​ការ​ឈ្នះ ចាញ់​ណាស់ ។ យក្ស​ផ្លែ ជា​អ្នក​ប្រដាល់ ដែល​វ៉ៃ​ចូលចិត្ត​ចំអក ដាក់​គូប្រកួត​ណាស់ តែមួយ​រយៈ​នេះ អ្នក​ប្រដាល់​រូបនេះ ហាក់​មានការ​រីកលូតលាស់ ទាំង​កម្លាំង និង បច្ចេកទេស ។​

យុគ យក្ស​ផ្លែ និង ប៉ុប អាយ​

​ប៉ុប អាយ គេ​ធ្លាប់​បង្ហាញខ្លួន នៅ​សង្វៀន​ស្រុក​ខ្មែរ បាន ២ ឬ ៣ លើក​ដែរ គេ​មិនមែនជា​អ្នក​ប្រដាល់ ដែល​ងាយស្រួល​បង្ក្រាប​នោះទេ ។ គេ​មាន​របៀប​វ៉ៃ​ល្អ រហ័ស ហើយ​ជង្គង់​របស់គេ វ៉ៃ​ចេញ​បានល្អ និង​រហ័ស​ណាស់ ។​

​អ្នក​ប្រដាល់​ថៃ​រូបនេះ មាន​ប្រវត្តិ​ប្រកួត ចំនួន​៦៨​ដង ឈ្នះ​៦៣​ដង និង ចាញ់​៥​ដង ។ ចំពោះ​អ្នក​ប្រដាល់​កម្ពុជា យុគ យក្ស​ផ្លែ វិញ គេ​មាន​ប្រវត្តិ​ប្រកួត ចំនួន​១៦៩​ដង ឈ្នះ​១៣៦​ដង ចាញ់​២៧​ដង និង​ស្មើ​ពិន្ទុ​៦​ដង ។ ជ័យជំនះ​ធ្លាក់​ទៅក្នុង​កណ្ដាប់ដៃ អ្នក្រ​ដាល់​ឆ្លងដែន ប៉ុប អាយ ឬ ក៏​ធ្លាក់​ទៅក្នុង​កណ្ដាប់ដៃ អ្នក​
​ប្រដាល់​កម្ពុជា យុគ យក្ស​ផ្លែ ?​។​

​អេ​លី​ត សាន់ ក្លិប​ប៉ែន កាក់​គុន​ខ្មែរ ត្រូវ​ជួប​ប្រកួត​ជាមួយ អ្នក​ប្រដាល់​ថៃ ឃុំ ផា​យ៉ាក់ (Khum Phayak) ដោយ​ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម​។ អេ​លី​ត សាន់ មួយរយៈ​នេះ គេ​បានធ្វើ​ឲ្យ​អ្នកគាំទ្រ​រូបគេ ពេញចិត្ត​យ៉ាងខ្លាំង ដោយសារតែ​គេ តែងតែ​ទទួលបាន​ជ័យជំនះ ស្ទើរ​គ្រប់​ការប្រកួត ។ អ្នក​ប្រដាល់​ចិត្តធំ​រូបនេះ គេ​តែងតែ​ប្រើ​កែង យកឈ្នះ​គូប្រកួត យ៉ាង​មាន​ប្រសិទ្ធភាព ។​

អេ​លី​ត សាន់ និង ឃុំ ផា​យ៉ាក់​

​ឃុំ ផា​យ៉ាក់ ក៏​ជា​អ្នក​ប្រដាល់​ជើង​ខ្លាំង ឆ្លងដែន​មួយរូប​ដែរ ដែល​កន្លងមក មាន​អ្នក​ប្រដាល់​កម្ពុជា មិនតិច​នាក់​ទេ ដែល​ត្រូវ​អ្នក​ប្រដាល់​រូបនេះ បង្ក្រាបបាន ។ ជំនួប​នេះ ទាំងសងខាង នឹងត្រូវ​ទ្រមខ្លួន​ដូចគ្នា មិនខានឡើយ ទោះបី​នរណា​ចាញ់ នរណា​ឈ្នះ​ក៏ដោយ ។​

​អេ​លី​ត សាន់ មាន​ប្រវត្តិ​ប្រកួត ចំនួន​៦៩​ដង ឈ្នះ​៥០​ដង ចាញ់​១៧​ដង និង​ស្មើ​ពិន្ទុ​២​ដង ។ ចំពោះ ឃុំ ផា​យ៉ាក់ វិញ គេ​មាន​ប្រវត្តិ​ប្រកួត ចំនួន​៥៧​ដង ឈ្នះ​៤៩​ដង ចាញ់​៨​ដង ។ នរណា នឹង​ឈ្នះ​ក្នុងការ​ប្រកួត​នេះ ? ។​

​ជំនួប​រវាង​អ្នក​ប្រដាល់ រួម​ជាតិ​វិញ​នោះ ជី ឆៃលី សមាគម​ប្រដាល់ ក្រសួងការពារជាតិ ប្រកួត​ជាមួយ រិ​ន ដេវីដ ក្លិប​នាគរាជ​ចតុមុខ ក្នុង​ប្រភេទ​ទម្ងន់ ៥៤ គីឡូក្រាម ។ ហេង សុភ័ក្ត្រ ក្លិប​ព្រៃទទឹង​កីឡា ខេត្តបាត់ដំបង ប្រកួត​ជាមួយ អេ​លី​ត ឡុង​ឡៃ ក្លិប​ប៉ែន កាក់​គុន​ខ្មែរ ក្នុង​ប្រភេទ​ទម្ងន់ ៥៧ គីឡូក្រាម​។ សារឿន តាន់ ក្លិប​តា​ព្រហ្ម​មានជ័យ ប្រកួត​ជាមួយ សេក វិសាល ក្លិប​អង្គរ​មានជ័យ ខេត្តសៀមរាប ក្នុង​ប្រភេទ​ទម្ងន់ ៥៤ គីឡូក្រាម ៕v

ទីតាំងផ្សាយពាណិជ្ជកម្ម

- Advertisment -

Most Popular

​ ​ហោរាសាស្ត្រ​

ប្រចាំថ្ងៃអង្គារ ទី១ ខែធ្...

យុវជន​ម្នាក់​ស្លាប់​ដោយ​ប...

​ដោយៈ​ចាន់តូ​/​ភ្នំពេញ​: ...

រថយន្ត​ដឹក​ខ្សាច់​បុក​និង...

​ដោយៈ​ចាន់តូ​/​ភ្នំពេញ : ...

អ្នកជំនាញៈ​តម្លៃ​អចលនទ្រព...

​ដោយ:​ច្រាយ ចំណាន​/​ភ្នំព...