ក្រ​ពេញទី​រ៉ូ​អ៊ី​ត​នឹង​គ្រោះថ្នាក់​មិន​ខាន បើ​នៅតែ​ធ្វើបែបនេះ

ថ្វីត្បិតតែ​ក្រពេញ​ទី​រ៉ូ​អ៊ី​ត គឺ​តូច​ក៏ពិតមែន ប៉ុន្តែ​វា​គ្រប់គ្រង​ត្រួតពិនិត្យ​លើ​ដំណើរការ​ជាច្រើន ក្នុង​រាងកាយ រួមទាំង​ការរំលាយ​អាហារ​ផងដែរ​។ នៅពេល​ក្រ​ពេញទី​រ៉ូ​អ៊ី​ត​ដំណើរការ​មុខងារ មិន​ប្រក្រតី​វា​អាច​បណ្ដាលអោយ​មានការ​ផលិត​អ័រម៉ូន​លើស​កម្រិត​ឬ​តិចជាង​តម្រូវការ​រាងកាយ​។ ហើយ​អតុល្យភាព​នៃ​អ័រម៉ូន​ក្នុង​រាងកាយ​អាច​បណ្ដាលឱ្យ​កើតមាន​បញ្ហា​សុខភាព​ផ្សេងៗ គួរអោយ​ព្រួយបារម្ភ​ដូចជា​ការប្រែប្រួល​ភ្លាមៗ​នៃ​ទម្ងន់ អារម្មណ៍​ប្រែប្រួល បញ្ហា​ស្បែក​ផ្សេងៗ និង​សូម្បីតែ​ជំងឺមហារីក​សុដន់​។​ក្រៅពី​របប​អាហារ​ហើយ​នោះ​ទម្លាប់​មួយចំនួន​ក៏​ជះឥទ្ធិពល​គួរឱ្យ​ព្រួយបារម្ភ​លើ​សុខភាព​ក្រ​ពេញទី​រ៉ូ​អ៊ី​ត​ផងដែរ​។ ថា​តើ​ទម្លាប់​ទាំងនោះ​មាន​អ្វីខ្លះ​?

១. រំលង​ម៉ោង​អាហារ​
បញ្ហា​ទី​រ៉ូ​អ៊ី​ត​អាច​បណ្ដាលឱ្យ​កើន​ទម្ងន់​។ ប៉ុន្តែ​ដំណោះស្រាយ​ដ៏​ប្រសើរ​នោះ​មិនមែនជា ការ​តម​អាហារ​ឡើយ​។ នៅពេល​ធ្វើបែបនេះ​ខួរក្បាល​របស់​អ្នកនឹង​បញ្ជា​ឱ្យ​ក្រ​ពេញទី​រ៉ូ​អ៊ី​ត ប្រឹង​ទប់​ដែល​បង្ក​ជា​សម្ពាធ​មួយ​។ ជា​លទ្ធផល​រាងកាយ​ត្រូវ​សន្សំ​កម្លាំង​ទុក​ច្រើន ជាង​ប្រើប្រាស់ ហើយ​អ្នក​នឹងមាន​អារម្មណ៍​អស់កម្លាំង​ខុស​ប្រក្រតី​។​

២. មិន​ទទួលទាន​កាបូ​អ៊ី​ដ្រា​ត​សោះ​
អ្នក​មិនគួរ​ឈប់​ទទួលទាន​កាបូ​អ៊ី​ដ្រា​ត​គ្រប់​ប្រភេទ​តែម្ដង​ឡើយ​។ ការធ្វើ​បែបនេះ​ជះ​ផល​ប៉ះពាល់​ដូចនឹង​ការ​តម​អាហារ​ដែរ​។ ជាធម្មតា​រាងកាយ​ត្រូវការ​កាបូ​អ៊ី​ដ្រា​ត​ដើម្បី​ផលិត​ថាមពល​។​

៣. នៅតែ​ទទួលទាន​អាហារ​ផ្សំ​ឡើង​ពី​សណ្ដែកសៀង ឬ​សណ្ដែកសៀង​ច្រើន​
បើទោះជា​ស​ណ្ដែ​ង​សៀង​មាន​ផ្ទុក​សម្បូរ​ទៅដោយ​វីតាមីន​និង​សារធាតុចិញ្ចឹម​ល្អៗ​សម្រាប់​រាងកាយ​ក៏ពិតមែន ប៉ុន្តែ​ការទទួល​ទាន​ផលិតផល​ផ្សំ​ឡើង​ពី​សណ្ដែកសៀង​ច្រើនពេក គឺ​មិន ផ្ដល់​ផល​ល្អ​សោះឡើយ​ចំពោះ​សុខភាព​ក្រ​ពេញទី​រ៉ូ​អ៊ី​ត​។ ​សណ្ដែក សៀង​មាន​ឥទ្ធិពល​ធ្វើ​ឲ្យ ក្រ​ពេញទី​រ៉ូ​អ៊ី​ត​ដំណើរការ​យឺត​ខុសពី​ធម្មតា​។​ នៅពេល​អ្នក​ទទួលទាន​ផលិតផល​ផ្សំ​ពី​សណ្ដែកសៀង​ច្រើន ពេក​ក្រ​ពេញទី​រ៉ូ​អ៊ី​ត​មិនអាច​ស្រូបយក​អ៊ីយ៉ូត​បាន​គ្រប់គ្រាន់​ឡើយ ជាហេតុបណ្ដាលឱ្យ​ក្រពេញ​ទី​រ៉ូ​អ៊ី​ត​ដំណើរការ​មុខងារ​ខុស​ប្រក្រតី​។​

៤. មិន​ទទួលទាន​អាហារ​មាន​ផ្ទុក​សារធាតុ iodine សោះ​
អ្នក​ក៏​គួរ​រួមបញ្ចូល​អាហារ​ដែល​ផ្ទុក​សារធាតុ iodine រួមមាន​យ៉ា​អួរ ស្ត្រ​បឺ​រី និង​បន្លែ​សមុទ្រ ជាដើម​ក្នុង​របប​អាហារ​ប្រចាំថ្ងៃ​ផងដែរ​។ នោះ​ក៏​ព្រោះតែ​ក្រពេញ​ទី​រ៉ូ​អ៊ី​ត​ត្រូវការ​សារធាតុចិញ្ចឹម​នេះ​ដើម្បី​ផលិត​អ័រម៉ូន​ទី​រ៉ូ​អ៊ី​ត​។​

៥. ញ៊ាំ​ត្រី​មាន​ផ្ទុក​ជាតិ​បា​រ៉​ត​ខ្ពស់​ច្រើន​
ជាតិ​បា​រ៉​ត​អាច​បង្ក​ផលប៉ះពាល់​គួរឱ្យ​ព្រួយបារម្ភ​ចំពោះ​សុខភាព​រួមបញ្ចូល​ទាំង​ក្រពេញ ទី​រ៉ូ​អ៊ី​ត​។ ជាតិ​បា​រ៉​ត​អាច​ចង​និង​បញ្ឈប់​ការបង្កើត​អ័រម៉ូន​នៃ​ក្រ​ពេញទី​រ៉ូ​អ៊ី​ត​៕ ដោយៈ health.com.kh

ទីតាំងផ្សាយពាណិជ្ជកម្ម

- Advertisment -

Most Popular

ផ្សព្វផ្សាយ​ស្ដីពី​ការបិទ...

ដោយ​: គូលែន​/​សៀមរាប​: នៅ...

ប្រជុំ​ប្រចាំខែ​របស់​លេខា...

​ដោយ​: គូលែន / សៀមរាប​: ន...

​ប្រមុខ​រាជរដ្ឋាភិបាល​កម្...

ដោយៈ​តារា​រិ​ទ្ធ​/​ភ្នំពេ...

ក្រុមហ៊ុន ANA នឹង​បន្ត​កា...

ដោយ​: ជា​សីហៈ​/​ភ្នំពេញ​:...