ឆ្នាំថ្មីបានមកដល់ហើយ។ បើរំលឹកឡើងវិញនូវរឿងផ្សេងៗដែលកើតឡើងនៅឆ្នាំ២០១៩យើង អាចឃើញថាខេត្តយូនណានបានប្រែមុខប្រែមាត់យ៉ាងខ្លាំង។ តំបន់ពិសោធន៍ពាណិជ្ជកម្ម សេរីគម្រោងខេត្តយូនណានឌីជីថល បដិវត្តន៍ទេសចរណ៍ការថែរក្សាអេកូ-បរិស្ថានកិច្ចកាត់ បន្ថយភាពក្រីក្រ និងពាក្យគន្លឹះដែលមានលក្ខណៈតំណាងមួយចំនួនទៀតបានត្រូវចងចាំ យ៉ាងច្បាស់លាស់ដោយប្រជាជនគ្រប់ៗគ្នា។
ពាក្យគន្លឹះ“ដើរតួនាទីឈានមុខ” ៖តាមទិន្នន័យអំពីការអភិវឌ្ឍសេដ្ឋកិច្ចនៃខេត្តចំនួន៣១ ប្រទេសចិនពីត្រីមាសទី១ ដល់ត្រីមាសទី ៣ ឆ្នាំ២០១៩ដែលប្រកាសដោយអាជ្ញាធរជាតិ ស្ថិតិចិនបានឱ្យដឹងថាក្នុងអំឡុងពីត្រីមាសទី ១ ដល់ទី៣ នៃឆ្នាំ២០១៩ខេត្តយូនណានបាន សម្រេចទំហំផលិតផលសរុបចំនួន១.២៩៧.១៨៥លានយាន់ប្រាក់ចិន កើនឡើង៨,៨% បើប្រៀបធៀបនឹងរយៈពេលដូចគ្នានៃឆ្នាំ២០១៨ ហើយមានកម្រិតខ្ពស់ជាងកំណើនផលិតផល សរុបទូទាំងប្រទេសចិន(៦,២%) ។នៅឆ្នាំ ២០១៩ខេត្តយូនណានដើរតួនាទីឈានមុខ ក្នុងការអភិវឌ្ឍសេដ្ឋកិច្ចនៅប្រទេសចិន។
ពាក្យគន្លឹះ“ខេត្តយូនណានឌីជីថល” ៖នៅឆ្នាំ ២០១៩ខេត្តយូនណានបានខិតខំជំរុញការ កសាងប្រព័ន្ធ“ខេត្តយូនណានឌីជីថល”ហើយផ្តល់អាទិភាពដល់ការអភិវឌ្ឍប្រព័ន្ធទេសចរណ៍វៃឆ្លាតការអប់រំវៃឆ្លាត កសិកម្មវៃឆ្លាតនិងឧស្សាហកម្មវៃឆ្លាតជាដើម។ កម្មវិធី“ដើរលេងខេត្តយូន ណានដោយប្រើទូរស័ព្ទតែមួយគ្រឿង”ដែលត្រូវដាក់ឱ្យប្រើប្រាស់នៅខែតុលាឆ្នាំ ២០១៨ នោះរួមមានមុខងារអំពីការបញ្ចាំងទិដ្ឋភាពតំបន់ទេសចរណ៍សេវាកម្មណែនាំតំបន់ទេសចរណ៍សេវាកម្មធ្វើដំណើរអន់ឡាញនិងការប្តឹងតវ៉ាជាដើម។ កម្មវិធីនេះបានផ្តល់ការងាយស្រួលកាន់ តែច្រើនដល់ទេសចរជាតិនិងអន្តរជាតិ ដែលអញ្ជើញមកធ្វើទេសចរណ៍នៅខេត្តយូនណាន ។ យូនណានជាខេត្តទី១ នៅប្រទេសចិនដែលផ្តល់ដល់អ្នកដំណើរនូវសេវាកម្មបំពេញបែបបទជិះ យន្តហោះដោយខ្លួនឯងមិនប្រើក្រដាសនិងស្គេនមុខឡើងយន្តហោះសម្រាប់គ្រប់ក្រុមហ៊ុនអាកាសចរណ៍។
ពាក្យគន្លឹះ“បដិវត្តន៍ទេសចរណ៍”៖ទេសចរណ៍ជាឧស្សាហកម្មពិសេសរបស់ខេត្តយូនណាន ប៉ុន្តែវិស័យទេសចរណ៍នៃខេត្តយូនណានធ្លាប់ឆ្លងកាត់ដំណាក់កាលលំបាកដែលគ្មានរបៀបរាបរយសម្រាប់ការអភិវឌ្ឍន៍។ ក្នុងគោលបំណងនៃការផ្តល់សេវាកម្មកាន់តែល្អប្រសើរដល់ ទេសចរខេត្តយូនណានបានចាប់ផ្តើមធ្វើ“បដិវត្តន៍ទេសចរណ៍”នៅឆ្នាំ២០១៩ដែលមានវិធាន ការសំខាន់ចំនួន៣ គឺ គ្រប់គ្រងសណ្តាប់ធ្នាប់ទីផ្សារកសាងប្រព័ន្ធទេសចរណ៍វៃឆ្លាត និងផ្តល់ សេវាកម្មប្តូរទំនិញយកប្រាក់វិញដោយគ្មានមូលហេតុ។ តាមទិន្នន័យពាក់ព័ន្ធបានឱ្យដឹងថាក្នុង អំឡុងពេលពីខែមករាដល់ខែតុលានៃឆ្នាំ២០១៩ចំនួនករណីប្តឹងតវ៉ាអំពីវិស័យទេសចរណ៍ខេត្តយូនណានតាមប្រព័ន្ធប្តឹងតវ៉ាទេសចរណ៍ប្រទេសចិន“១២៣០១”បានធ្លាក់ចុះ១៥% ។
ពាក្យគន្លឹះ“រថយន្តល្បឿនលឿន” ៖នៅឆ្នាំ ២០១៩ ក្រុងលីជាំងហុងហ៊ឺនិងចាវធុងបានដាក់ ឱ្យប្រើប្រាស់នូវខ្សែរថភ្លើងល្បឿនលឿន។ រថភ្លើងល្បឿនលឿនបានជំរុញឱ្យទីក្រុងផ្សេងៗ កាន់តែខិតជិតនឹងគ្នានិងបានធ្វើឱ្យប្រជាជនដែលរស់នៅក្នុងទីក្រុងផ្សេងៗមានទំនាក់ទំនងកាន់តែស្អិតល្មួត។ នៅឆ្នាំ ២០១៩ កន្លងទៅនោះមានមនុស្សខ្លះបានដើរចេញពីតំបន់ភ្នំជាលើកទី១ ហើយមានឱកាសមើលឃើញពិភពនៅខាងក្រៅហើយមានមនុស្សខ្លះទៀតចាប់អារម្មណ៍ចំពោះសក្តានុពលនៃខេត្តយូនណានហើយសម្រេចចិត្តមកធ្វើវិនិយោគនៅទីនេះ។ ប្រជាជនចិន កំពុងរួមគ្នាដើរឆ្ពោះទៅកាន់ការបើកទូលាយនិងការរីកចម្រើនដើម្បីទទួលបាននូវជីវភាពរស់នៅកាន់តែល្អប្រសើរ ៕
