Home ព័ត៌មានអន្តរជាតិ ចប់​បាត់ អ៊ីរ...

ចប់​បាត់ អ៊ីរ៉ង់​ទទួលស្គាល់ថា​ខ្លួន​បាញ់​ទម្លាក់​យន្តហោះ​ដឹក​អ្នកដំណើរ​អ៊ុ​យក្រែន តែ​អ​ចេតនា​ទេ​

​អ៊ីរ៉ង់ បាន​ប្រកាស​កាលពី​ថ្ងៃ​សៅរ៍​ទី​១១​មករា​ថា យោធា​របស់​ខ្លួន​នៅ​សប្តាហ៍​នេះ​បាន​បាញ់​ទម្លាក់​យន្តហោះ​នៃ​ក្រុមហ៊ុន​អាកាសចរណ៍​អ៊ុយ​ក្រែន​មួយ​ដោយអ​ចេត​​នា ដែល​បាន​សម្លាប់​មនុស្ស​ទាំង​១៧៦​នាក់​នៅក្នុង​យន្តហោះ​។​

​ក្រសួង​ការពារជាតិ​អ៊ីរ៉ង់​កាលពី​ថ្ងៃ​សៅរ៍ បាន​និយាយ​នៅក្នុង​សេចក្តីថ្លែងការណ៍​មួយ​ថា យន្តហោះ​អ៊ុយ​ក្រែន​មួយ​ដែល​បាន​ធ្លាក់​នៅ​អ៊ីរ៉ង់​នៅ​សប្តាហ៍​នេះ បាន​​ហោះ​ទៅជិត​ទីតាំង​យោធា​មួយ​ខ្លាំងពេក​និង​វា​ត្រូវ​បាន​បាញ់​ទម្លាក់​ដោយ​អ​ចេតនា ដោយសារ​កំហុស​មនុស្ស​។​ភាគី​ពាក់ព័ន្ធ​នឹង​ត្រូវ​បញ្ជូន​ទៅកាន់​នាយកដ្ឋាន​​យុត្តិធម៌​ក្នុង​ក្រសួង​ការពារជាតិ​ដើម្បី​ដាក់​អោយ​ទទួលខុសត្រូវ​។​

​យន្តហោះ​ត្រូវបាន​បាញ់​ទម្លាក់​កាលពី​ថ្ងៃ​ពុធ​នៅ​ពេល​តែ​ប៉ុន្មាន​ម៉ោង បន្ទាបពី​អ៊ីរ៉ង់​វាយប្រហារ​ដោយ​កាំជ្រួច​ផ្លោង​ដាក់​មូលដ្ឋាន​យោធា​ពីរ​នៅ​អ៊ីរ៉ាក់​ដើម្បី​ជាការ​​សងសឹក​ចំពោះ​ការសម្លាប់​មេបញ្ជាការ​យោធា​ជាន់ខ្ពស់​ម្នាក់​របស់​ខ្លួន​ពី​សំណាក់​ដ្រូ​ន​អាម៉េរិក​។​

​សេចក្តីថ្លែងការណ៍​របស់​ក្រសួង​ការពារ​ជាតិ​អ៊ីរ៉ង់​និយាយថា យន្តហោះ​ស៊ីវិល​នេះ​ត្រូវបាន​ច្រឡំ​ថា​ជា «​គោលដៅ​សត្រូវ​»​នៅពេល​វា​បើក​សំដៅ​មជ្ឈមណ្ឌល​យោធា​​សំខាន់​មួយ​របស់​កង​ឆ្មាំ​បដិវត្តន៍​អ៊ីរ៉ង់ និង​ចំពេល​យោធា​ស្ថិតក្នុង​ស្ថានភាព​ប្រុង​ជើងការ​ខ្ពស់បំផុត ក្នុងពេល​ប្រឈម​ជាមួយ​មហាអំណាច​យោធា​ពិភពលោក​គឺ​​អាម៉េរិក​។​

​ក្រសួង​ការពារជាតិ​អ៊ីរ៉ង់​ក៏បាន​សុំទោស​ចំពោះ​ឧបទ្ទវហេតុ​នេះ​និង​ថា​ខ្លួន​នឹង​ធ្វើអោយ​ប្រសើរឡើង​ប្រព័ន្ធ​ការពារ​ដែនអាកាស​របស់​ខ្លួន​ដើម្បី​កុំអោយ​មាន​កំហុស​ដូច្នេះ​ទៀត​នៅ​ពេល​អនាគត​។​អាជ្ញាធរ​ក៏​នឹង​នាំ​អ្នកទទួលខុសត្រូវ​ចំពោះ​កំហុស​នេះ​ទៅ​កាត់ទោស​។​

​កាលពី​ដំបូង​អ៊ីរ៉ង់ បាន​ច្រាន​ចោល​ការចោទប្រកាន់ថា យន្តហោះ​ធ្លាក់​ដោយ​ត្រូវ​គ្រាប់​កាំជ្រួច​របស់ខ្លួន តែ​អាម៉េរិក អង់គ្លេស​និង​កាណាដា បាន​និយាយថា​​បើ​តាម​ប្រភព​ស៊ើប​ការណ៍ យន្តហោះ​នេះ​ធ្លាក់​ដោយសារ​ត្រូវ​កាំជ្រួច​របស់​អ៊ីរ៉ង់​៕​ប្រែ​សម្រួល​៖​វាសនា​

យន្តហោះ​Boeing 737 របស់​ក្រុមហ៊ុន​អាកាសចរណ៍​អន្តរជាតិ​អ៊ុ​យក្រែន បាន​ធ្លាក់​នៅ​ជាយ​ក្រុងតេអេ​រ៉ង់ ក្រោយ​ចេញដំណើរ​បាន​៣​នាទី​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...