Home ព័ត៌មានអន្តរជាតិ ឥណ្ឌាបំផ្ទុះច...

ឥណ្ឌាបំផ្ទុះចោលអាគារសណ្ឋាគារប្រណីតចំនួន៣ ព្រោះតែរំលោភច្បាប់បរិស្ថាន

អាគារសណ្ឋាគារប្រណីតមាត់សមុទ្រចំនួន៣នៅឥណ្ឌាភាគខាងត្បូងត្រូវបានបំផ្ទុះចោលរាបដល់ដីកាលពីថ្ងៃសៅរ៍ទី១១មករា ដើម្បីជាគំរូបង្ហាញពីការអនុវត្តច្បាប់តឹងរ៉ឹងរបស់អាជ្ញាធរទៅលើក្រុមហ៊ុនសំណង់ ដែលរំលោភច្បាប់បរិស្ថាន។

សណ្ឋាគារប្រណីតកម្ពស់១៩ជាន់ឈ្មោះ H2O Holy Faith ដែលអាចមើលឃើញផ្ទៃសមុទ្រខៀវស្រងាត់ដ៏ល្បីនៅរដ្ឋកេរ៉ាឡា គឺជាសណ្ឋាគារដំបូងគេដែលវាយកម្ទេចរាបដល់ដី ដោយរលំមកដល់ដីត្រឹមតែប៉ុន្មានវិនាទីប៉ុណ្ណោះ។

សណ្ឋាគារនេះបានសង់បាំងទេសភាពសមុទ្រដ៏ស្រស់បំព្រងជាច្រើនឆ្នាំមកហើយរហូតដល់តុលាការកំពូលសម្រេចកាលពីខែឧសភាឆ្នាំ ២០១៩ ថា សណ្ឋាគារនេះសង់រំលោភច្បាប់ស្តីពីឆ្នេរសមុទ្រ។

ប៉ុន្មាននាទីក្រោយមក អគារភ្លោះនៃសណ្ឋាគារ Alfa Serene ដែលនៅឃ្លាតមាត់សមុទ្រតែប៉ុន្មានម៉ែត្រ ត្រូវបានបំផ្ទុះគ្រាប់បែករលំគ្រាំង។ អគារពីរទៀតរបស់វានឹងត្រូវកម្ទេចចោលនៅថ្ងៃអាទិត្យ។

ហ្វូងមហាជនបាននាំគ្នាចោមរោមមើលការកម្ទេចនេះនៅផ្លូវក្បែរសណ្ឋាគារទាំងពីរ ខណៈពួកមន្ត្រីជិះឧទ្ធម្ភាគចក្រពិនិត្យមើលពីលើមេឃ។

វិស័យសំណង់មានការកើនឡើងខ្លាំងនៅប្រទេសឥណ្ឌានាប៉ុន្មានឆ្នាំចុងក្រោយ ប៉ុន្តែក្រុមហ៊ុនសាងសង់ជាច្រើនតែងឆ្លៀតឱកាសរំលោភលើសុវត្ថិភាពសាងសង់និងបំពានច្បាប់ គួបផ្សំជាមួយនឹងការឃុបឃិតពីអាជ្ញាធរផងដែរ៕ ដោយ៖ កញ្ញាដាលីស

អាគារកំពស់ច្រើនជាន់នៅមាត់ទឹកដ៏ស្អាតត្រូវអាជ្ញាធរឥណ្ឌាបំផ្ទុះចោលដោយសាររំលោភច្បាប់

ទីតាំងផ្សាយពាណិជ្ជកម្ម

- Advertisment -

Most Popular

​សម្តេច​តេ​ជោ ហ៊ុន សែន ផ្...

​ដោយៈ​តារា​រិ​ទ្ធ​/​ភ្នំព...

ចាប់ខ្លួនជនសង្ស័យ បីនាក់ ...

ដោយៈ អង្គរតូច / សៀមរាបៈ ជ...

ក្រសួង​អភិវឌ្ឍន៍ជនបទ​ត្រូ...

ដោយៈ​តារា​រិ​ទ្ធ​/​ភ្នំពេ...

ម៉ាឡេស៊ី​ផ្អាក​ការផលិត​នៅ...

​ប្រែ​សម្រួល : កញ្ញា​ដា​ល...