កម្លាំងចម្រុះបានចុះឆែកឆេរ និង​បង្ក្រាបទីតាំងស្តុកទុកចែកចាយ​ទំនិញខុសច្បាប់ និងខូចគុណភាព ​នៅទីតាំងក្នុងបុរីសៀងណាំ

342
ចែករម្លែក

ដោយ:គូលែន/សៀមរាប ៖ កាលពី ថ្ងៃទី១០ ខែមករា ឆ្នាំ២០២០ កម្លាំងចម្រុះបានសហការណ៍ជាមួយមន្ត្រីគយ និងរដ្ឋករខេត្តសៀមរាប មន្ត្រីសាខាកាំកុងត្រូលខេត្តសៀមរាប ដឹកនាំដោយលោក ឧត្តមសេនីយ៍ត្រី ម៉ក ធារ៉ា ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ច និងសម្របសម្រួលដោយលោក កើត សុវណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប រួមនឹងអាជ្ញាធរមូលដ្ឋាន បានចុះធ្វើការត្រួតពិនិត្យ ឆែកឆេរ និងបង្ក្រាបទីតាំងស្តុកទុកចែកចាយទំនិញខុសច្បាប់ និងខូចគុណភាព នៅទីតាំងក្នុងបុរីសៀងណាំ ស្ថិតនៅអាគារផ្ទះ០២ល្វែង គ្មានលេខ នៅក្នុងភូមិសាស្ត្រ ភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។

លោក ឧត្តមសេនីយ៍ត្រី ម៉ក ធារ៉ា ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ច បាននិយាយថា ក្នុងកិច្ចប្រតិបត្តិការនេះ សមត្ថកិច្ច បានឆែកឆេរជាក់ស្តែងរកឃើញវត្ថុតាងបទល្មើសមានដូចខាងក្រោមៈ

ក/ប្រភេទប្រេងឆា
-ប្រេងឆា កានមានទំងន់២៥គីឡូក្រាម ចំនួន ១,១៤០កាន = ២៧,៣៦០គីឡូក្រាម
-ប្រេងឆា កានតូចចំណុះ១០គីឡូក្រាម ចំនួន ១០០កេស = ១,០០០គីឡូក្រាម
-ប្រេងឆាដបធំ ចំនួន ៩៧កេស = ១,៦៩៧.៥ គីឡូក្រាម

  • ប្រេងឆា ដបតូចចំណុះ ៥លីត្រ ចំនួន ៣កេស = ៥៧គីឡូក្រាម
    ខ/ប្រភេទប័រ
  • ប័រលឿង ចំណុះ១៦គីឡូក្រាម ចំនួន ៥០កេស = ៨០០គីឡូក្រាម
  • ប័រស ចំណុះ២៥គីឡូក្រាម ចំនួន ១៧កេស = ៤២៥គីឡូក្រាម
  • មេនំប៉័ង ចំនួន ២១កេស = ២១០គីឡូក្រាម
    គ/ប្រភេទម៉្សៅ
  • ម៉្សៅមីសញ្ញាកូនសោទឹកក្រូច ចំនួន ១,១៥៣ការ៉ុង = ២៨,៨២៥គីឡូក្រាម
  • ម៉្សៅមីសញ្ញាត្រីវិស័យក្រហម ចំនួន ១៣០ការ៉ុង = ៣,២៥០គីឡូក្រាម
  • ត្រីខកំប៉ុងរូបស្រីបីនាក់ ចំនួន ២១,១១៩កេស = ២,៣៨០គីឡូក្រាម
    សរុប ចំនួន ៦៦,០០៤.៥ គីឡូក្រាម = ៦៦តោន និង ៤គីឡូ កន្លះ។ លោកបានសំណូមពរដល់បងប្អូនម្ចាស់អាជីវកម្ម និងសិប្បកម្មទាំងអស់ត្រូវយកចិត្តទុកដាក់ខ្ពស់ចំពោះការផលិតរាល់ចំណីអាហារឱ្យមានគុណភាពខ្ពស់ ជៀសវាងការផលិតពុំមានគុណភាព ដែលធ្វើឱ្យប៉ះពាល់ដល់សុខមាលភាពប្រជាពលរដ្ឋ ហើយត្រូវផលិតទំនិញឱ្យស្របទៅតាមលិខិតបទដ្ឋានច្បាប់កំណត់៕B/

ទីតាំងផ្សាយពាណិជ្ជកម្ម