Home ព័ត៌មានជាតិ សន្តិសុខ ​រថយន្ត​ដឹក​ទ...

​រថយន្ត​ដឹក​ទេសចរណ៍​បរទេស​ក្រឡាប់​ចូល​ប្រឡាយ​សង្ស័យ​អ្នកបើកបរ​ងងុយដេក​

ដោយ​បូកគោ​/​កំពត​៖​រថយន្ត​ទេសចរណ៍​ដឹក​ភ្ញៀវ​បរទេស​ចម្រុះ​ជាតិ​សាសន៍​ជិត​៣០​នាក់​បាន​ជ្រុល​ធ្លាក់​ក្នុង​ប្រឡាយ​រួច​ក្រឡាប់​បង្ក​ការ​ផ្អើល​ឆោ​ឡា​ទាំង​ព្រឹក​ព្រលឹម​កាលពី​ថ្ងៃទី​១១ ខែមករា ឆ្នាំ​២០២០​។ ហេតុការណ៍​នេះ​បានកើត​ឡើង​នៅលើ​កំណាត់​ផ្លូវជាតិ​លេខ​៣​ស្ថិតក្នុង​ភូមិ​ព្រៃ​ឃ្មុំ​ឃុំ​ព្រៃ​ឃ្មុំ​ស្រុក​ទឹកឈូ​។​

លោក​ឧ​ត្ត​ម​សេនីយ៍​ត្រី​ងឹ​ម​វ៉េ​ត​ស្នងការរង​ទទួលបន្ទុក​ការិយាល័យ​កណ្តាល​សណ្តាប់​ធ្នាប់​នៃ​ស្នងការដ្ឋាន​នគរបាល​ខេត្តកំពត​បាន​ប្រាប់​ឱ្យដឹងថា​កាលពី​វេលា​ម៉ោង​៥ និង​១៥​នាទី​ព្រឹក​ថ្ងៃទី​១១ ខែមករា លោក​បានទទួល​សេចក្តីរាយការណ៍​អំពី​ករណី​រថយន្ត​ទេសចរណ៍​ក្រឡាប់​តាម​បណ្តោយ​ផ្លូវជាតិ​លេខ​៣​ក្នុង​ឃុំ​ព្រៃ​ឃ្មុំ​ស្រុក​ទឹកឈូ​។​

​លោក​ឧ​ត្ត​ម​សេនីយ៍​បន្តថា​ភ្លាមៗ​លោក​បាន​ដឹកនាំ​កម្លាំង​មកកាន់​គោលដៅ​ក៏​ឃើញ​អ្នកដំណើរ​ជា​ភ្ញៀវ​បរទេស​២៧​នាក់​និង​ខ្មែរ​បួន​នាក់​។​ក្នុងចំណោម​នោះ​ជនបរទេស​ពី​ប្រាំមួយ​ទៅ​ប្រាំពីរ​នាក់​បាន​រងរបួស​ក្នុង​កម្រិត​ស្រាល​ដោយ​រលាត់​ដៃជើង​មុខមាត់​ទើប​រថយន្ត​ដឹក​ទៅកាន់​មន្ទីរពេទ្យ​ដើម្បី​ព្យាបាល​របួស​។

លោក​ឧ​ត្ត​ម​សេនីយ៍​បាន​បញ្ជាក់ថា​ភ្ញៀវ​ទាំងនេះ​ស្ថិតក្នុង​ដំណើរ​មកពី​ខេត្តសៀមរាប​ឆ្ពោះទៅកាន់​ខេត្ត​ព្រះសីហនុ​ដោយ​ឆ្លងកាត់​ទឹកដី​ខេត្តកំពត​។​ជាបឋម​សមត្ថកិច្ច​មិនទាន់​អាច​សន្និដ្ឋានថា​ករណីនេះ​កើតឡើង​ដោយសារ​កត្តា​អ្វី​នោះទេ​។​មន្ត្រី​ជំនាញ​កំពុង​តាមដាន​បន្តទៀត​។​

ដោយឡែក​តាម​ការ​ប្រាប់​ឱ្យដឹងពី​អ្នកភូមិ​ថា​មុនពេល​កើតហេតុ​គេ​ឃើញ​រថយន្ត​ប្រភេទ​ទេសចរណ៍​នេះ​បើក​មកពី​ទិស​ខាងជើង​តម្រង់​ចូល​ក្រុង​កំពត​។​មិនដឹង​ជាមាន​ហេតុការណ៍​អ្វី​តែ​អាច​អ្នកបើកបរ​ងងុយ​ដេក​ទើប​រថយន្ត​រេ​ចង្កូត​ទៅ​ផ្នែក​ខាងលិច​រួច​ក្រឡាប់​ធ្លាក់ចូល​ប្រឡាយ​តែម្តង​។

​ប្រភព​ដដែល​បាន​បញ្ជាក់ថា​ភ្លាមៗ​ស្នូរ​សំឡេង​ស្រែក​ចេញពី​រថយន្ត​យ៉ាង​ទ្រហឹង​គួរឱ្យ​អាណោច​អាធ​ម​បំផុត​ទើប​អ្នកភូមិ​នាំគ្នា​ចូលទៅ​លើក​ចេញ​ទាំង​ខ្លួនប្រាណ​ទទឹក និង​ប្រឡាក់​ដោយ​ភក់​គ្រប់ៗ​គ្នា​។ ក្នុងចំណោម​នោះ​នារី​បរទេស​ម្នា​ក់បាន​បាក់ដៃ​និង​មាន​សភាព​ឈឺ​ចុកចាប់​គួរឱ្យ​អាណិត​ជា​ពន់ពេក​៕S/​

ទីតាំងផ្សាយពាណិជ្ជកម្ម

- Advertisment -

Most Popular

បុរស​ម្នាក់​ជិះ​កង់​ហាត់ប...

ដោយៈ ស​រិ​ទ្ធ​/​កណ្ដាលៈ ប...

​ក្រសួងសុខាភិបាល​ណែនាំ​ពង...

ដោយ​៖​តារា​រិ​ទ្ធ​/​ភ្នំព...

អាជ្ញាធរ​ខណ្ឌដង្កោ អំពាវន...

ដោយៈ រ៉ា​ម៉ន / ភ្នំពេញៈ ន...

ប្រទះឃើញ​សព​នារី​ម្នាក់អណ...

​ដោយៈ ទេ​ពក​ង្រី/កំពង់ឆ្ន...