យុវជន​កម្ពុជា​ចំនួន​២៥​រូប​នឹងធ្វើ​ដំណើរ​ទស្សនកិច្ច​ទៅ​ប្រទេស​ជប៉ុន​ក្រោម​កម្មវិធី​បណ្តាញ​ផ្លាស់ប្តូរ​សិស្ស​និស្សិត​JENESYS2019

ដោយៈសុផល/ ភ្នំពេញៈ​តាមរយៈ​ការអញ្ជើញ​របស់​ក្រសួងការបរទេស​ជប៉ុន​យុវជន​កម្ពុជា​ចំនួន​២៥​រូប នឹងធ្វើ​ដំណើរ​ទស្សនកិច្ច​ទៅកាន់​ប្រទេស​ជប៉ុន​ចាប់ពី​ថ្ងៃទី​១៣​ដល់​ថ្ងៃទី​២១​ខែមករា​ឆ្នាំ​២០២០​ក្រោម​កម្មវិធី​បណ្តាញ​ផ្លាស់ប្តូរ​សិស្ស​និស្សិត​និង​យុវជន​រវាង​ប្រទេស​ជប៉ុន​និង​បណ្តា​ប្រទេស​អាស៊ី​ខាងកើត ដែល​ហៅ​កាត់​ថា JENESYS 2019​។​

អ្នកចូលរួម​ទាំងអស់​ត្រូវបាន​ជ្រើសរើស​ដោយ​វគ្គ​ជម្រុះ​ដំបូង​ក្នុងចំណោម​បេក្ខជន​ដាក់ពាក្យ​សរុប ៤៨៨​រូប ស្មើនឹង​១២២​ក្រុម និង​វគ្គ​ប្រកួត​ផ្តាច់ព្រ័ត្រ មាន​បេក្ខជន សរុប​ចំនួន​៤៨​រូប ស្មើនឹង​១២​ក្រុម ដែល​បានធ្វើ​បទ​បង្ហាញ​ក្រោម​ប្រធានបទ «​ស្រុកកំណើត​ខ្ញុំ​» កាលពី​ថ្ងៃទី​១៧ ខែតុលា ឆ្នាំ​២០១៩ នៅ​ម​ជ្ឈ មណ្ឌល​សហប្រតិបត្តិកា​រ​កម្ពុជា​-​ជប៉ុន (CJCC)​។

​និស្សិត​ចូលរួម​នឹង​ទៅ​ទស្សនកិច្ច​នៅ​ខេត្ត​តុ​គឹ​ស៊ី​ម៉ា​ដែលជា​ខេត្ត​ម្ចាស់ផ្ទះ​ទទួល​ក្រុម​កីឡាករ​ជម្រើសជាតិ​កម្ពុជា​ចូលរួម​ការប្រកួត​កីឡា​អូឡាំពិក​និង​ប៉ា​រ៉ា​ឡាំ​ពិ​ក​តូ​ក្យូ​២០២០​និង​មាន​របាំ​ប្រពៃណី​ដ៏​ល្បី​ប្រចាំ​តំបន់​គឺ​អាវ៉ា​អូ​ដូ​រី​។​កំឡុងពេល​ទស្សនកិច្ច​នៅ​តុ​គឹ​ស៊ី​ម៉ា​ពួកគាត់​នឹង​សាកល្បង​រាំ​របាំ​អាវ៉ា​អូ​ដូ​រី​និង​ចូលរួម​កម្មវិធី​ផ្លាស់ប្តូរ​ជាមួយនឹង​និស្សិត​សាកលវិទ្យាល័យ​នៅ​ទីនោះ​។​ពួកគាត់​ក៏​នឹង​ចូលជួប​សម្តែង​ការគួរសម​ជាមួយនឹង​អភិបាលខេត្ត​តុ​គឹ​ស៊ី​ម៉ា​ព្រមទាំង​ទទួលយក​បទពិសោធន៍​ស្នាក់​នៅផ្ទះ​ជនជាតិ​ជប៉ុន និង​វប្បធម៌​ជប៉ុន​ផងដែរ​។

​សូមជម្រាបថា​កម្មវិធី​JENESYS​មាន​គោលបំណង​ជុំរុញ​ការយល់ដឹង​និង​ការកសាង​ទំនុកចិត្ត​ទៅវិញទៅមក​ក្នុងចំណោម​ប្រជាជន​ជប៉ុន​និង​បណ្តា​ប្រទេស​ចូលរួម​និង​ដើម្បី​កសាង​មូលដ្ឋានគ្រឹះ​នៃ​កិច្ចសហប្រតិបត្តិការ​និង​ចំណងមិត្តភាព​នាពេល​អនាគត​។​តាមរយៈ​កម្មវិធី​នេះ​ក្រសួងការបរទេស​ជប៉ុន​បាន​អញ្ជើញ​យុវជន​កម្ពុជា​ចំនួន​ជាង​២១០០​នាក់​ហើយ​តាំងពី​ឆ្នាំ​២០០៧​មក​។​

​តាមរយៈ​កម្មវិធី​នេះ​អ្នកចូលរួម​នឹង​អាច​យល់ដឹង​អំពី​ប្រទេស​ជប៉ុន​កាន់តែ​ស៊ីជម្រៅ​ថែមទៀត​ព្រមទាំង​ចែករំលែក​នូវ​បទពិសោធន៍​របស់ខ្លួន​ឲ្យ​បាន​ទូលំទូលាយ​ទៅកាន់​ប្រជាជន​កម្ពុជា​បន្ទាប់ពី​វិល​ត្រលប់​មកវិញ​៕​S/

​ចំណងជើង​រូបថត​៖ គិតពី​ថ្ងៃ​៧​ដល់​១០​មករា លក់​ផ្លាកលេខ​ពិសេស​បាន​ជាង​១០០ និង​ចំណូល​ប្រមាណ​១​លាន​ដុល្លារ​

ទីតាំងផ្សាយពាណិជ្ជកម្ម

- Advertisment -



Most Popular