ដោយៈគ្រញួង/បាត់ដំបងៈបុរសម្នាក់ជាអ្នកបើកម៉ូតូវ៉េវបាស្លាប់នៅនឹងកន្លែងនិងអ្នករួមដំណើររងរបួសធ្ងន់ដោយសារថយន្តឡិចស៊ិសRX330បុកមួយទំហឹង។ហេតុការណ៍គ្រោះថ្នាក់ចរាចរណ៍នេះកើតឡើងកាលពីយប់ថ្ងៃទី10ខែមករាឆ្នាំ2020នៅលើផ្លូវជាតិលេខ5ចន្លោះបង្គោលគីឡូម៉ែត្រលេខ224-225 ត្រង់ចំណុចក្រុមទី10 ភូមិថ្នល់បត់ ឃុំឫស្សីក្រាំង ស្រុកមោងឫស្សី ខេត្តបាត់ដំបង។
លោកម៉ៅហ៊តមេបញ្ជាការរងមូលដ្ឋានអាវុធហត្ថស្រុកមោងឬស្សីបានឱ្យដឹងថាជនរងគ្រោះដល់ស្លាប់មានឈ្មោះលន់ម៉ិភេទប្រុសអាយុ37ឆ្នាំរស់នៅភូមិនិគមន៍ក្រោមឃុំឫស្សីក្រាំង។អ្នកជិះពីក្រោយឈ្មោះសាញ់ សាន ភេទ ប្រុសអាយុ27ឆ្នាំ រស់នៅភូមិនិគមន៍ក្រោម ឃុំ ឫស្សីក្រាំង ស្រុកមោងឫស្សី (របួសធ្ងន់)។ ជនរងគ្រោះបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុកមោងឫស្សី ។
មធ្យោបាយទាំងពីរគ្រឿងត្រូវប៉ូលិសចរាចរណ៍យកទៅរក្សាទុកនៅអធិការនគរបាលស្រុករង់ចាំធ្វើការដោះស្រាយនៅពេលក្រោយ៕S/
