Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​អូស្ត្រាលី​ស្នើ​អោយ​ពិនិត្យ​បង្កើត​ក្រុម​ឆ្លើយតប​គ្រោះមហន្តរាយ​ថ្នាក់ជាតិ នៅពេល​ចំនួន​មនុស្ស​ស្លាប់​ដោយ​ភ្លើងព្រៃ​កើនឡើង​

​ក្រោយ​រង​ការរិះគន់​រាប់​សប្តាហ៍​អំពី​ការដោះស្រាយ​ភ្លើងព្រៃ​ដែល​បំផ្លាញ​ដីព្រៃ​រាប់លាន​ហិច​តា នាយករដ្ឋមន្ត្រី​អូស្ត្រាលី​លោក ស្កត់ ម័រ​រី​សុន​កាលពី​ថ្ងៃអាទិត្យ​​ទី​១២​មករា​បាន​និយាយថា លោក​នឹង​ស្នើ​ធ្វើ​ការពិនិត្យ​សើរើ​ថ្នាក់ជាតិ​មួយ​អំពី​ចម្លើយ​តប​ចំពោះ​គ្រោះមហន្តរាយ នៅពេល​ភ្លើងព្រៃ​បន្ត​ឆក់​យក​អាយុជីវិត​​អ្នក​ពន្លត់ភ្លើង​ម្នាក់ទៀត​។​

​ភ្លើងព្រៃ​ដ៏​សាហាវ​នៅ​អូស្ត្រាលី​មាន​រយៈពេល​ជិត​៣​ខែ​មក​ហើយ និង​សម្លាប់​មនុស្ស​អស់​២៨​នាក់ បំផ្លាញ​ផ្ទះ​ជាង​២.០០០​និង​ដី​ជិត​១០​លាន​ហិច​តា​។​វា​ជា​វិបត្តិ​​ធម្មជាតិ​មួយ​ដែល​កាន់តែ​ដាក់​សម្ពាធ​លើ​នយោបាយ​។​

​អាកាសធាតុ​រាង​ត្រជាក់​បន្តិច​នៅ​ចុង​សប្តាហ៍​នេះ បាន​នាំមក​ការ​ធូរស្បើយ​ជា​បណ្តោះអាសន្ន​នៅ​ផ្នែក​ជាច្រើន​នៃ​តំបន់​រង​អគ្គិភ័យ​របស់​អូស្ត្រាលី តែ​បុគ្គលិក​​អគ្គិភ័យ​ម្នាក់​បាន​ស្លាប់​ក្នុងពេល​បំពេញការងារ​នៅក្នុង​រដ្ឋ​វិច​ធឺ​រៀ ។​ក្នុងពេល​ជាមួយគ្នា អាជ្ញាធរ​បាន​និយាយថា ការ​គំរាម​នៅ​មិនទាន់​ចប់​និង​ក៏​រំពឹងថា​នឹង​​ជួប​អាកាសធាតុ​ក្តៅបន្ថែម​។​

​រដ្ឋាភិបាល​ដឹកនាំ​ដោយ​នាយក​រដ្ឋមន្ត្រី​ស្កត់ ម័រ​រី​សុន កាន់តែ​ស្ថិត​ក្រោម​ការរិះគន់​ដោយសារ​តែ​មិនសូវ​អោយ​សារសំខាន់​លើ​តំរូវការ​ក្នុងការ​ដោះស្រាយ​ការ​ប្រែ​​ប្រួល​អាកាសធាតុ ឬ​ការឡើង​កំដៅ​របស់​ភពផែនដី​។​

​កាលពី​ថ្ងៃ​សុក្រ​សប្តាហ៍​មុន មនុស្ស​រាប់ពាន់​នាក់​បាន​ជួបជុំ​តវ៉ា​នៅ​ក្រុង​ស៊ីដ​នី និង​មែ​ល​ប៊ឹន ដោយ​បាន​អំពាវនាវ​អោយ​បណ្តេញ​លោកម័រ​រី​សុន ហើយ​អោយ​​អូស្ត្រាលី ប្រកាន់​យក​ចំណាត់ការ​ម៉ឺងម៉ាត់​ឡើង​អំពី​ការឡើង​កំដៅ​ពិភពលោក​៕​ប្រែ​សម្រួល​៖​វាសនា​

លោក​ស្កត់ ម័រ​រី​សុន ស្វាគមន៍​អ្នកស្ម័គ្រចិត្ត​ចូលរួម​ពន្លត់​ភ្លើងព្រៃ​នៅ​មជ្ឈមណ្ឌល​មួយ​នៅ​ក្រុង​ស៊ីដនី​

ទីតាំងផ្សាយពាណិជ្ជកម្ម

- Advertisment -



Most Popular