Home ព័ត៌មានជាតិ ម​ន្ត្រីៈ ម៉ា...

ម​ន្ត្រីៈ ម៉ាស៊ីន GC-MS នឹង​រួមចំណែក​លើកកម្ពស់​សុវត្ថិ​ភាព​ផលិតផល​កសិកម្ម​និង​អាហារ​

​ដោយៈ មេសា​/​ភ្នំពេញៈ លោក ងិន ឆាយ ប្រតិភូ​រាជរដ្ឋាភិបាល ទទួលបន្ទុក អគ្គនាយកដ្ឋាន​កសិក​ម្ម បាន​ថ្លែង​អំពី​ក្តី​រំពឹង​អំពី​តួនាទី​របស់ ម៉ា​ស៊ី GC-MS ក្នុងការ​លើកកម្ពស់​សុ​វត្ថិ​ភាព​ផលិតផល​កសិកម្ម និង ចំណីអាហារ​នៅ​កម្ពុជា​ថា វត្តមាន​របស់ ម៉ា​ស៊ី GC-MS នឹង​រួមចំណែក​ដ៏​សំខាន់​ក្នុងការ​លើកកម្ពស់​សុវត្ថិ​ភាព​ចំណីអាហារ ជាពិសេស​ផលិតផល​កសិកម្ម ហើយក៏​ធ្វើឱ្យ​កម្ពុជា​សន្សំ​ថវិកា​បាន​ច្រើន​ពី​ការយក​សំណាក​កសិផល​ទៅ​វិភាគ​នៅឯ​បរទេស វា​នឹង​ផ្តល់​ភាពប្រាកដប្រជា​ថា ចំណីអាហារ ជាពិសេស​កសិផល​ដែល​ផលិត និង អនុញ្ញាតឱ្យ​ដាក់លក់​នៅ​កម្ពុជា ពិត​ជាមាន​សុវត្ថិភាព​ចំពោះ​សុខភាព


​លោក ងិន ឆាយ មានប្រសាសន៍​ប្រកបដោយ​សុទិដ្ឋិនិយម​បែបនេះ នៅក្នុង​សិក្ខាសាលា​ស្តីពី​វិធីសាស្ត្រ​ក្នុងការ​វិភាគ​សំណល់​ថ្នាំពុល ក្នុង​ផលិតផល​កសិកម្ម និង អាហារ ដោយ​ម៉ា​ស៊ី GC-MS របស់ X-Lab រៀបចំ​នៅឯ​សណ្ឋាគារ​ភ្នំពេញ នា​ថ្ងៃទី ១១ ខែ មករា ឆ្នាំ ២០២០ សហការ​រៀបចំ​ដោយ X-Lab និង SHIMADZU ជប៉ុន ក្នុង​គោលបំណង បង្ហាញ​ពី​វិធីសាស្ត្រ កំណត់​រក​សំណល់​ថ្នាំពុល​កសិកម្ម ក្នុង​ផលិតផល​កសិកម្ម និង​ចំណីអាហារ ក៏​ជាការ​ផ្តល់ឱកាស​ដល់​អ្ន​ក​ស្រាវជ្រាវ សាស្ត្រាចារ្យ និង អ្នកពាក់ព័ន្ធ​ទាំងឡាយ ចែករំលែក​នូវ​បទពិសោធន៍ និង​បង្កើត​បណ្តាញ​ទំនាក់ទំនង​រវាង​គ្នា​ទៅវិញទៅមក ហើយ​អ្នកចូលរួម​ក្នុង​សិក្ខាសាលា​នេះ​មាន​ស្ថាប័ន​មន្ទីរពិសោធន៍​ក្រោម​ឱវាទ ក្រសួងកសិកម្ម​រុក្ខាប្រមាញ់ និង នេសាទ ក្រសួង​អប់រំ​យុវជន និង កីឡា ក្រសួង​ឧស្សាហកម្ម និង សិប្បកម្ម ក្រសួងពាណិជ្ជកម្ម ក្រសួងបរិស្ថាន ក្រសួងសុខាភិបាល ក្រុមហ៊ុន​ឯកជន​ជាតិ និង អន្តរជាតិ និង សមាគម​គីមី​កម្ពុជា ។​


​សូមជម្រាបថា ប៉ុន្មាន​ឆ្នាំ​ចុងក្រោយ​នេះ ជា​ផ្នែក​មួយ នៃ វិធានការ​ក្នុងការ​លើកកម្ពស់​សុវត្ថិ​ភាព​ចំណីអាហារ ជាពិសេស​បន្លែ​ផ្លែឈើ​ស្រស់ ដែល​កំពុង​ជា​ក្តីបារម្ភ​យ៉ាង​ទូលំទូលាយ កម្ពុជា តែងតែ​យក​សំណាក​កសិផល​ទៅ​វិភាគ​នៅឯ​បរទេស ហើយ​សំណាក ឬ គំរូ​កសិផល​មួយ​មុខ ត្រូវ​ចំណាយ​ថវិកា​ប្រមាណ​ជា ២៥០ ដុល្លារ ដូច្នេះ​ប្រសិន​តទៅ​នេះ គេ​វិភាគ​នៅក្នុង​ស្រុក​វិញ ចំណាយ​ថវិកា​ត្រឹមតែ​ប្រមាណ​ជា ១០០ ដុល្លារ​ប៉ុណ្ណោះ ពោល​គឺអាច​សន្សំ​បាន​ច្រើន​ទាំង​ថវិកា ទាំង​ពេលវេលា ហើយ​អ្វីដែល​សំខាន់បំផុត​នោះ គឺ​ភាព​ដែល​អាច​ជឿ​ទុកចិត្តបាន នៃ លទ្ធផល​វិភាគ​ទាំងនោះ ព្រោះ​ម៉ា​ស៊ី GC-MS ត្រូវបាន​ទទួលស្គាល់ថា ជា​បច្ចេកវិជ្ជា​មាន​ប្រសិទ្ធភាព​ខ្ពស់បំផុត​មួយ​របស់​ជប៉ុន​ក្នុង​ការវិភាគ​ជាតិពុល​ដែល​បណ្តាលឱ្យ​គ្រោះថ្នាក់​ដល់​សុខភាព ។


​ជាការ​កត់សម្គាល់ ដោយ​ទទួលស្គាល់ និង ដោយ​ក្តីបារម្ភ​អំពី​បញ្ហា​សុវត្ថិភាព​ចំណីអាហារ​ចំពោះ​សុខភាព ក្រសួង​ស្ថាប័ន​ពាក់ព័ន្ធ មាន​ក្រសួងកសិកម្ម ជាដើម បាន​ដាក់ចេញ​វិធានការ​ជាច្រើន ដូចជា​ជំរុញ​កសិកម្មសរីរាង្គ , ការអនុវត្ត​កសិកម្ម​ល្អ និង ការគ្រប់គ្រង​សារធាតុ​ចង្រៃ​ប្រកបដោយ​ភាតរភាព​បរិស្ថាន​ជាដើម ។


​ទោះយ៉ាងណា សុវត្ថិភាព​ចំណីអាហារ​ជាពិសេស​បន្លែ និង ផ្លែឈើ​ស្រស់ នៅតែ​ជា​ក្តីបារម្ភ​នៅឡើយ​នៅក្នុង​សង្គម​ក​កម្ពុជា ព្រោះ​ត្រូវបាន​យល់ថា​វិធាន​ការដែល​ត្រូវបាន​ដាក់ចេញ​មកនេះ នៅ​មិនទាន់​គ្រប់​ជ្រុងជ្រោយ ទាំង​មិនទាន់​ត្រូវបាន​អនុវត្ត​ឱ្យបាន​ត្រឹមត្រូវ និង ខ្ជាប់ខ្ជួន​ផង ។ ក្នុងន័យនេះ អ្នក​គ្រប់គ្នា​ត្រូវតែ​យល់ដឹង​ឱ្យបាន​ច្បាស់លាស់ មុននឹង​សម្រេចចិត្ត​ទិញ​អាហារ​ណាមួយ​ទៅ​បរិភោគ ឬ ប្រើប្រាស់ ព្រោះ​នៅលើ​ពិភពលោក​នេះ ក៏​ពុំទាន់​មាន​ប្រទេស​ណាមួយ មាន​សមត្ថភាព​ផលិត​ស្បៀងអាហារ​គ្រប់គ្រាន់ ដោយ​មិន​ប្រើ​សារធាតុ​គីមី​ឡើយ ។ អ្វី​ដែលជា​ភាពខុសគ្នា គឺ​ប្រភេទ​សារធាតុ​គីមី និង ក​ម្រឹត ក៏ដូចជា​របៀប​នៃ​ការប្រើប្រាស់​សារធាតុ​គីមី ៕ Kh

​លោក ងិន ឆាយ ផ្តល់​បទ​សម្ភាស​ដល់​អ្ន​ក​សារព័ត៌មាន ( រូបៈ មេសា​)
សិក្ខាសាលា​ស្តីពី​វិធីសាស្ត្រ​ក្នុងការ​វិភាគ​សំណល់​ថ្នាំពុល ក្នុង​ផលិតផល​កសិកម្ម និង អាហារ ដោយ​ម៉ាស៊ីន GC-MS របស់ X-Lab (​រូបៈ មេសា​)
​ម៉ាស៊ីន GC-MS ដែល​ទើបតែ​បង្ហាញខ្លួន​នៅ​កម្ពុជា ហើយ​ត្រូវបាន​ពួក​អ្នកជំនាញ ចាត់ទុកថា មាន​ប្រសិទ្ធភាព​ខ្ពស់​ក្នុង​ការវិភាគ​ជាតិពុល​ក្នុង​ផលិតផល​កសិកម្ម និង ចំណីអាហារ (​រូបៈ X-Lab)

ទីតាំងផ្សាយពាណិជ្ជកម្ម

- Advertisment -

Most Popular

តុលាការ​ឃុំខ្លួន អ្នកម៉ៅក...

ដោយៈ ស​រិ​ទ្ធ / ភ្នំពេញៈ ...

ក្នុង​ខែវិច្ឆិកា ពេល​រដូវ...

ដោយៈ គ្រញូង / បាត់ដំបងៈ ថ...

ព្រឹត្តិការណ៍​សហគមន៍ ២៨ វ...

​ដោយៈ ស​រិ​ទ្ធ / ភ្នំពេញៈ...

ពលរដ្ឋ​ខេត្តតាកែវ សម្រុក​...

ដោយៈ តាកែវ / តាកែវៈ ប្រជា...