ដោយ៖កាំពី/ក្រចេះ៖ករណីគ្រោះថ្នាក់ចរាចរមួយបានបង្កឡើងដោយរថយន្ដ បុកជាមួយរថយន្ដ បណ្ដាលឱ្យមនុស្សចំនួន៧នាក់បានរងរបួសជាទម្ងន់នៅលើផ្លូវជាតិលេខ៧ភូមិក្បាលត្រាចឃុំស្រែចារ ស្រុកស្នួល ខេត្តក្រចេះកាលពីយប់ថ្ងៃទី១១ខែមករាឆ្នាំ២០២០។
មន្ត្រីនគរបាលមូលដ្ឋានស្រុកស្នួលបានឱ្យដឹងថាហេតុការណ៍គ្រោះថ្នាក់ចរាចរបង្កោឡើងដោយរថយន្ដវេអងបុកជាមួយរថយន្ដស្តារិចក្នុងទិសដៅបញ្ច្រាសទិសគ្នាពីជើងទៅត្បូង។មូលហេតុរថយន្ដវេអងដាច់ហ្វ្រាំងបានបុករថយន្ដស្ថារិចពេញក្រឡាប់បណ្ដាលឱ្យមនុស្សចំនួន៧នាក់រងរបួសធ្ងន់ស្រាល។
មន្ត្រីរូបនោះបានបញ្ជាក់ទៀតថា អ្នកបើកបររថយន្ដវេអងឈ្មោះ អ៊ី ម៉ៃ ភេទប្រុស អាយុ៣២ឆ្នាំ មានទំលំនៅភូមិស្រែខ្ញែឃុំពោធិម្រាលស្រុកបសេដ្ឋខេត្តកំពង់ស្ពឺ។ក្រោយពីកើតហេតុបានរត់គេចខ្លួនបាត់។ចំណែកអ្នកបើកបររថយន្ដ ស្តារិច ឈ្មោះ ខេង សុខហេង ភេទប្រុស អាយុ៣២ឆ្នាំ រស់នៅភូមិ ២ធ្នូឃុំ២ធ្នូស្រុកស្នួលខេត្តក្រចេះរងរបួសធ្ងន់និងអ្នករួមដំណើរចំនួន៦នាក់រងរបួសទាំងអស់ត្រូវបានបញ្ជូនទៅព្យាបាល នៅមន្ទីរពេទ្យបង្អែកស្រុកស្នួល។
បច្ចុប្បន្ននេះរថយន្តភាគីទាំងសងខាងត្រូវនគរបាលជំនាញយកមករក្សាទុកនៅអធិការដ្ឋាននគរបាលស្រុកស្នួលរងចាំការដោះស្រាយតាមនីតិវិធីច្បាប់៕S/
រូបថត៖គ្រោះថ្នាក់ចរាចររវាងរថយន្តបុករថយបណ្តាលឱ្យមនុស្សចំនួន៧របួសធ្ងន់