Home ព័ត៌មានអន្តរជាតិ អាបេជួបពិភាក្...

អាបេជួបពិភាក្សាជាមួយស្តេចអារ៉ាប៊ីសាអូឌីត ចំពេលមានភាពតានតឹងនៅតំបន់ឈូងសមុទ្រពែក្ស

នាយករដ្ឋមន្រ្តីជប៉ុនលោកស៊ីនហ្សូអាបេបានស្ថិតនៅក្នុងប្រទេសអារ៉ាប់ប៊ីសាអូឌីតដើម្បីពិភាក្សាជាមួយស្តេចសាល់ម៉ាន់កាលពីថ្ងៃអាទិត្យទី១២មករា ដែលជាផ្នែកមួយនៃដំណើរទស្សនកិច្ចទៅកាន់បណ្តារដ្ឋផលិតប្រេងនៅតំបន់ឈូងសមុទ្រពែក្សក្នុងគោលបំណងលើកកម្ពស់សន្តិភាពចំពេលមានភាពតានតឹងរវាងសហរដ្ឋអាម៉េរិកនិងអ៊ីរ៉ង់។

ជប៉ុនមានសម្ព័ន្ធភាពយ៉ាងជ្រាលជ្រៅជាមួយសហរដ្ឋអាម៉េរិក ប៉ុន្តែជប៉ុនក៏មានទំនាក់ទំនងល្អជាមួយអ៊ីរ៉ង់ផងដែរ ដែលរហូតដល់ឆ្នាំ ២០១៧ បានផ្គត់ផ្គង់ប្រេងឆៅប្រមាណ ៥ ភាគរយដល់ជប៉ុន។ ជប៉ុនបានព្យាយាមរក្សាអព្យាក្រឹតភាពខាងនយោបាយខណៈភាពតានតឹងនៅតំបន់ឈូងសមុទ្រពែក្សបានកើនឡើងបន្ទាប់ពីការសម្រេចចិត្តរបស់ប្រធានាធិបតីដូណាល់ត្រាំក្នុងការដកសហរដ្ឋអាម៉េរិកចេញពីកិច្ចព្រមព្រៀងនុយក្លេអ៊ែររបស់អ៊ីរ៉ង់ជាមួយមហាអំណាចពិភពលោក។

សន្តិសុខនៅក្នុងដែនទឹកនៃឈូងសមុទ្រពែក្សនិងការផ្គត់ផ្គង់ប្រេងនៅមជ្ឈិមបូព៌ា គឺជាអាទិភាពសន្តិសុខជាតិសម្រាប់ប្រទេសជប៉ុន ដែលបាននាំចូលប្រេងជិត ៩០ ភាគរយពីមជ្ឈិមបូព៌ា។ ភាគច្រើននៃប្រេងទាំងនោះត្រូវបានដឹកជញ្ជូនចេញពីបណ្តារដ្ឋឈូងសមុទ្រអារ៉ាប់តាមរយៈច្រកសមុទ្រហ័រមូស ដែលអ៊ីរ៉ង់គ្រប់គ្រងមួយផ្នែក។

ជប៉ុនគ្រោងនឹងដាក់ពង្រាយកងកម្លាំងជើងទឹក ដែលមាននាវាពិឃាតមួយគ្រឿងនិងយន្តហោះល្បាតចំនួនពីរគ្រឿងនៅឯនាយឆ្នេរនៃប្រទេសយេម៉ែននិងអូម៉ង់ដើម្បីជួយការពារការផ្គត់ផ្គង់ថាមពលរបស់ខ្លួនខណៈរក្សាគម្លាតឱ្យឆ្ងាយពីការល្បាតដោយផ្ទាល់នៅតាមច្រកសមុទ្រហ័រមូស ព្រោះសហរដ្ឋអាម៉េរិកបានល្បាតនៅទីនោះហើយ៕ ដោយ៖ កញ្ញាដាលីស

លោកអាបេចូលគាល់ស្តេចសាល់ម៉ាន់នៅទីក្រុងរីយ៉ាតកាលពីថ្ងៃអាទិត្យ

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...

​អនុគណៈកម្មការ​សុវត្ថិភាព...

​ដោយៈ ទេ​ពក​ង្រី / កំពង់ឆ...