Home ព័ត៌មានជាតិ សន្តិសុខ ប្ដី​ប្រពន្ធ​...

ប្ដី​ប្រពន្ធ​ពីរ​នាក់​ស្លាប់​ដោយ​ត្រូវ​យន្ត​ដឹក​ដី​បុក​កិន​ពីលើ​និង​អូស​ជាច្រើន​ម៉ែត្រ​

ដោយ​: ចាន់តូ / ភ្នំពេញ​: រថយន្ត​ដឹក​ដី​មួយគ្រឿង​មិន​ចាំ​ម៉ាក បើក​បុក​ម៉ូតូ​មួយគ្រឿង​ពេញទំហឹង អូស​ជាច្រើន​ម៉ែត្រ បណ្ដាល​ឲ្យ​ប្ដី​ប្រពន្ធ​ពីរ​នាក់​ដួល​បោក​ក្បាល​ផ្ទប់​នឹង​ថ្នល់ ស្លាប់​ភ្លាមៗ​នៅនឹងកន្លែង​កើតហេតុ នៅវេលា​ម៉ោង ១១​និង​២០​នាទី​យប់​ថ្ងៃអាទិត្យ ទី​១២ ខែមករា ឆ្នាំ​២០២០ នៅតាម​បណ្ដោយ​ផ្លូវ ៥០​ម៉ែត្រ ក្នុងភូមិ​ព្រែក​ថ្លឹង សង្កាត់​ជើងឯក ខណ្ឌដង្កោ​។​

​សព​រងគ្រោះ​ត្រូវជា​ប្ដី​មានឈ្មោះ ហេង ដា ភេទ​ប្រុស អាយុ​៣០​ឆ្នាំ មាន​ស្រុកកំណើត​នៅ ភូមិក​ន្ទ្រា​ន ឃុំ​រោងដំរី ស្រុក​បាភ្នំ ខេត្តព្រៃវែង​។ ចំណែកឯ​សព​រងគ្រោះ​ម្នាក់ទៀត ដែល​ត្រូវជា​ប្រពន្ធ មិន​ត្រូវបាន​ស្គាល់​អត្តសញ្ញាណ​នោះទេ​។​

​តាម​ប្រភពពី​កន្លែងកើតហេតុ បាន​ឲ្យ​ដឹងថា នៅ​មុនពេល​កើតហេតុ​គេ​បានឃើញ ប្ដី​ប្រពន្ធ​ពីរ​នាក់​ជិះ​ម៉ូតូ​ម៉ាក ស្មា​សរ៊ី​វ៉ូ ពណ៌​ខ្មៅ ពាក់​ផ្លាក កំពង់ឆ្នាំង 1B 7326 ធ្វើដំណើរ​តាម បណ្ដោយ​ផ្លូវ ៥០​ម៉ែត្រ ក្នុងទិសដៅ​ពី​ត្បូង​ទៅ​ជើង ខណៈ​មកដល់​ចំណុចកើតហេតុ​លើ បាន​បត់​ឆ្វេង​ចូលទៅ​ផ្លូវ អេ ប៊ី​ស៊ី ភ្លាមនោះ ស្រាប់​តែមាន​រថយន្ត​ដឹក​ដី​មួយគ្រឿង ពណ៌​ស មិន​ចាំ​ផ្លាកលេខ ធ្វើដំណើរ​ក្នុងទិសដៅ​ពី​ជើង​ទៅ​ត្បូង​ក្នុង​ល្បឿន​លឿន​បាន​បត់​ស្ដាំ ដោយ​ខ្វះ​ការប្រុងប្រយ័ត្ន​ក៏​ជ្រុល​ចង្កូត​ទៅបុក​ជាមួយ និង​ម៉ូតូ​ពេញទំហឹង អូស​ជាច្រើន​ម៉ែត្រ បណ្ដាល​ឲ្យ​ប្ដី​ប្រពន្ធ​ពីរ​នាក់​ដួល​បោ​ក្បាល​ផ្ទប់​នឹង​ថ្នល់​ស្លាប់​ភ្លាមៗ នៅនឹងកន្លែង​យ៉ាង​អ​ណោ​ច​អធម៍ ភ្លាមនោះ​រថយន្ត​បង្ក​មិនបាន​ឈប់​រថយន្ត នៅចាំ​ដោះស្រាយ​ទេ បាន​បន្ថែម​ល្បឿន​ព្យាយាម បើក​រត់គេច​បាត់ស្រមោល​។​

​ក្រោយ​កើតហេតុ សមត្ថកិច្ច​មូលដ្ឋាន​ទាក់ទង​ជំនាញ​វាស់វែង​យក​ម៉ូតូ​រងគ្រោះ ទៅកាន់​អធិការដ្ឋាន​នគរបាល​ខណ្ឌដង្កោ​។ ចំណែក​សព​ជនរងគ្រោះ​តម្កល់​នៅ​វត្ត​ទឹកថ្លា រង់ចាំ​ប្រគល់​ឲ្យ​សាច់ញាតិ​នៅពេល​ក្រោយ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular