Home ព័ត៌មានជាតិ សន្តិសុខ ជនសង្ស័យ​៣​នា...

ជនសង្ស័យ​៣​នាក់​ ធ្វើ​សកម្មភាព​វាយ​ប្លន់​ម៉ូតូ​, ត្រូវ​សមត្ថកិច្ច​ឃាត់​បាន​ម្នាក់​

ដោយ​: ចាន់តូ / ភ្នំពេញ​: ជនសង្ស័យ​មួយក្រុម បានធ្វើ​សកម្មភាព​កាប់​ប្លន់​ទៅលើ​បុរស​ជា​អ្នករត់ម៉ូតូឌុប​បានសម្រេច គេចខ្លួន​មិនបាន​មួយ​ម៉ោង​ផង ត្រូវ​សមត្ថកិច្ច​ចាប់បាន​ម្នាក់​មក​សាកសួរ​។ ហេតុការណ៍​នេះកើតឡើង​កាល​វេលា​ម៉ោង​១០​និង​៣០​នាទី យប់​ថ្ងៃអាទិត្យ ទី​១២ ខែមករា ឆ្នាំ​២០២០ ស្ថិត​តាម​បណ្ដោយ​ផ្លូវលំ ក្នុងភូមិ​ដើម​ចាន់ សង្កាត់​ច្បារអំពៅ​ទី​២ ខណ្ឌ​ច្បារអំពៅ​។​

​រងគ្រោះ​ឈ្មោះ លន់ ផល្លី ភេទ​ប្រុស អាយុ​៣៧​ឆ្នាំ មុខរប​សន្តិសុខ ឆ្លៀតពេល​ទំនេរ​រត់​ម៉ូតូឌុប ស្នាក់នៅ​កន្លែងធ្វើការ មុខ​សាលារៀន​ហ៊ុន​នាង​បឹងត្របែក​។​

​ជនសង្ស័យ​មានឈ្មោះ តឹក ចំរើន ភេទ​ប្រុស អាយុ​២៨​ឆ្នាំ មុខរបរ​និង​ស្នាក់នៅ​មិន​ពិតប្រាកដ​។​

​យោងតាម​សម្ដី​ជនរងគ្រោះ​បាន​ឲ្យ​ដឹងថា មុនពេល​កើតហេតុ ក្រោយចេញ​ពីយាម​ឆ្លៀត​រត់​ម៉ូតូឌុប ដោយ​ឌុប​ជនសង្ស័យ​ចំនួន​៣​នាក់ ចេញពី​បឹងត្របែក​មក​ភូមិ​ដើម​ចាន់ ខណៈពេល​មកដល់ ​ជនសង្ស័យ​បាន​ចុះ​ពីលើ​ម៉ូតូ ប្រាប់​គាត់​ថា ចាំ​បន្តិច​យកលុយ​ឲ្យ ស្រាប់តែ​ជនសង្ស័យ​ទាំង​នោះបានព្រួត​គ្នា​វាយ​កាប់​ប្លន់​យក​ម៉ូតូ​របស់គាត់​បាន​ជិះ​គេច​ខ្លនដោយ​សុវត្ថិភាព​។​

​ក្រោយ​កើតហេតុ រូបគាត់​បានមក​ដាក់​ពាក្យបណ្ដឹង​នៅ​ប៉ុស្តិ៍នគរបាល​រដ្ឋបាល​ច្បារអំពៅ​ទី​២ ឲ្យ​សមត្ថ​កិ​ច្ចជួយ​អន្តរាគមន៍​។ មិនបាន​មួយ​ម៉ោង​ផង កម្លាំង​សម​ត្ថកិច្ច​ក៏ឃាត់ខ្លួន​ជនសង្ស័យ​បាន​ម្នាក់ ចំណែក​២​នាក់​កំពុង​រត់គេចខ្លួន​។​

​បច្ចុប្បន្ន​ជនសង្ស័យ​ខាងលើ ត្រូវបាន​សមត្ថ​កិ​នាំខ្លួន​មក​ប៉ុស្តិ៍​ច្បារអំពៅ​ទី​២ ធ្វើ​កំណត់ហេតុ​និង​ស្រាវជ្រាវ​តាម​ចាប់​ជនសង្ស័យ​ទាំងនោះ មក​ផ្ដា​ន់​ន្ទា​ទោស​តាម​ផ្លួ​វ​ច្បាប់​នៅពេល​ក្រោយ​ទៀត​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular