Home ព័ត៌មានអន្តរជាតិ មនុស្ស​៥​នាក់...

មនុស្ស​៥​នាក់​ស្លាប់​ក្នុង​ការបាញ់ ប្រហារ ​នៅ​ទីក្រុង​បាល់​ទី​ម័រ សហរដ្ឋ​អាម៉េរិក​

​ក្រុម​អាជ្ញាធរ​និយាយ​ថា​ មនុស្ស​១២​នាក់​បាន​រង​ការបាញ់ប្រហារ នៅក្នុង​នោះ​៥ នាក់​បាន​ស្លាប់​និង​៧​នាក់​រងរបួស​នៅក្នុង​ការបាញ់ប្រហារ​ចំនួន​៨​ដាច់​ដោយ​​ឡែក​ពី​គ្នា នៅ​ទីក្រុង​បាល់​ទី​ម័រ ក្នុង​រដ្ឋ​ម៉ែ​រី​លែ​ន​កាលពី​ចុង​សប្តាហ៍ ។​

​ការបាញ់ប្រហារ​ដំបូង​កាលពី​ថ្ងៃ​សៅរ៍​ទី​១១​មករា ​ពាក់ព័ន្ធ​ជនរងគ្រោះ​ជា​ស្ត្រី​ចំនួន​៣​នាក់ ដោយ​ពួកគេ​ទាំងអស់​ត្រូវបាន​រកឃើញ​រងរបួស​នៅក្នុង​រថយន្ត​មួយ​ហើយ​​ជនរងគ្រោះ​ម្នាក់​បាន​ស្លាប់​ក្រោយ​ត្រូវបាន​បញ្ជូន​ទៅ​ដល់​មន្ទី​រ​ពេទ្យ​។​

​នៅ​ប៉ុន្មាន​ម៉ោង​ក្រោយមក ប៉ូលិស​បាន​ទៅដល់​កន្លែង​បាញ់ប្រហារ​មួយ​នៅ​ក្រុង​បាល់​ទីម័​រខាង​ត្បូង និង​បាន​ប្រទះឃើញ​បុរស​ត្រូវ​របួស​ត្រង់​ជើង​។​បន្ទាប់​មក​ជន​​រងគ្រោះ​ពី​ការបាញ់​ទី​២​បាន​ដើរ​ចូល​មន្ទីរពេទ្យ​ដើម្បី​ស្វះស្វែង​រក​ការព្យាបាលពី​ការរង​របួស​ដោយ​ត្រូវ​គ្រាប់កាំភ្លើង​ត្រង់​ជើង​។​

​ក្រោយមក​ទៀត​នៅ​ម៉ោង ២​កន្លះ​រសៀល ​ប៉ូលិស​បាន​ប្រទះឃើញ​បុរស​ម្នាក់​ស្លាប់​ដោយ​ត្រូវ​គ្រាប់កាំភ្លើង​នៅ​បាល់​ទីម័​រខាង​ត្បូង​ដដែល​។​កន្លះ​ម៉ោង​ក្រោយមក​​ទៀត​ក៏​មាន​ការបាញ់ប្រហារ​មួយទៀត​ដែល​បណ្តាល​ឲ្យរ​បួ​សបុ​រស​ម្នាក់ទៀត​។​

​នៅ​ម៉ោង​ប្រមាណ​៧​យប់ ប៉ូលិស​ក៏​បាន​រកឃើញ​បុរស​ម្នាក់​រងរបួស​ដោយ​ត្រូវ​គ្រាប់​នៅ​បាល់​ទី​ម័រ​ភាគ​ឦសាន​។​ការបាញ់ប្រហារ​នៅ​ភាគ​និរតី​នៃ​ទីក្រុង​នេះ​ក៏​បណ្តាល​​ឲ្យ​រង​របួស​បុរស​ម្នាក់ និង​ម្នាក់​ទៀត​ស្លាប់​។​នៅ​ប៉ុន្មាន​នាទី​ក្រោយមក​ទៀត​ក៏​មាន​ការបាញ់ប្រហារ​នៅ​ភាគ​ឦសាន​បណ្តាល​ឲ្យរ​បួ​សបុរ​ស​ម្នាក់​។​

​សូមបញ្ជាក់​ថា ទីក្រុង​នេះ​មាន​អំពើ​ឃាតកម្ម​ចំនួន​៣៤៨​ករណី​កាលពី​ឆ្នាំ​មុន​និង​ជា​ឆ្នាំ​ទី​៥​ជាប់ៗ​គ្នា​ដែល​មាន​អំពើ​ឃាតកម្ម​ជាង​៣០០​ករណី​នៅ​ក្នុង​ទីក្រុង​នេះ​៕/Ha

ស្នងការ​ប៉ូលិស​នៃ​ទីក្រុង​បាល់​ទី​ម័រ ធ្វើ​សន្និសីទ​កាសែត​បន្ទាប់ពី​ការបាញ់ប្រហារ​ដែល​បាន​សម្លាប់​មនុស្ស​៥​នាក់​

ទីតាំងផ្សាយពាណិជ្ជកម្ម

- Advertisment -

Most Popular