ហ្វីលីពីនបានប្រកាសអាសន្ននៅថ្ងៃចន្ទទី១៣ខែមករាចំពោះការផ្ទុះភ្នំភ្លើងនៅតំបន់ភាគខាងត្បូងនៃទីក្រុងម៉ានីល ដែលក្រុមមន្ត្រីបាននិយាយថាអាចនឹងមានការផ្ទុះឡើងខ្លាំងនៅពេលឆាប់ៗនេះបន្ទាប់ពីការបាញ់ចេញផេះដ៏ច្រើនបានបង្ខំឱ្យបញ្ឈប់ការហោះហើរនៅអាកាសយានដ្ឋានដ៏សំខាន់របស់នៃរដ្ឋធានីហ្វីលីពីននិងប្រជាជនរស់នៅជុំវិញភ្នំភៀសខ្លួនចេញ។
ភ្នំភ្លើងតាអាល់ ជាកន្លែងទាក់ទាញភ្ញៀវទេសចរដ៏ពេញនិយមនៅនៅចំកណ្តាលបឹងដ៏ទាក់ទាញនេះបានព្រួសផេះអមដោយការរញ្ជួយដីតិចៗ និងផ្ទុះផ្កាភ្លើងនៅពីលើកំពូលភ្នំនេះ។
មនុស្សរាប់ពាន់នាក់ដែលរស់នៅក្បែរនោះត្រូវបានជម្លៀសចេញពីផ្ទះរបស់ពួកគេប៉ុន្តែអ្នកស្រុកផ្សេងទៀតនៅមានភាពស្នាក់ស្ទើរថាតើត្រូវចាកចេញពីតំបន់នោះឬអត់។
ក្រុមអ្នកស្រាវជ្រាវរញ្ជួយដីរបស់ប្រទេសនេះ បានព្រមានថា “ការផ្ទុះដ៏គ្រោះថ្នាក់ អាចកើតឡើងក្នុងរយៈពេលប៉ុន្មានម៉ោងឬប៉ុន្មានថ្ងៃខាងមុននេះ។
បន្ទាប់ពីពពកផេះបានហោះឡើងលើដល់កម្ពស់១៥.០០០ម៉ែត្រមកនោះក្រុមមន្ត្រីអាកាសចរណ៍បានបញ្ជាឱ្យផ្អាកជើងហោះហើរ ទាំងហោះចូលមកនិងហោះចេញពីអាកាសយានដ្ឋានអន្តរជាតិនីណយ អាគីណូ (NAIA) នៃរដ្ឋធានីនេះ។
ភ្នំភ្លើងតាអាល់ ដែលសកម្មក្នុងចំណោមភ្នំភ្លើងសកម្មខ្លាំងនៃប្រទេសនេះ ស្ថិតនៅចម្ងាយ៦៥គីឡូម៉ែត្រពីភាគខាងត្បូងនៃទីក្រុងម៉ានីល ។ការផ្ទះចុងក្រោយនៃភ្នំភ្លើងនេះ គឺនៅឆ្នាំ១៩៧៧៕ដោយ៖សុខា/sn
ភ្នំភ្លើងតាអាល់ បានព្រួសផេះចេញជាច្រើន ដោយបណ្តាលឱ្យបញ្ឈប់ការហោះហើរនិងប្រជាជនភៀសខ្លួនចេញ