Home ព័ត៌មានអន្តរជាតិ សហរដ្ឋ​អាម៉េរ...

សហរដ្ឋ​អាម៉េរិក​ថ្កោលទោស​ការវាយប្រហារ​ចុង​ក្រោយ​លើ​មូលដ្ឋាន​យោធា​អ៊ីរ៉ាក់​

​រដ្ឋមន្ត្រី​ក្រសួង​ការបរទេស​អាមេរិក​លោក ម៉ៃ ផ​ម​ផេវ បាន​និយាយ​កាលពី​ថ្ងៃអាទិត្យ​ទី​១២​មករា​ថា​លោក​មាន​អារម្មណ៍​ខឹង​និង​រន្ធត់ចិត្ត​ចំពោះ​ការវាយប្រហារ​​ដោយ​មី​ស៊ី​ល​មួយទៀត​ទៅ​លើ​មូលដ្ឋាន​អាកាស​អ៊ីរ៉ាក់​មួយ​ដែល​ដាក់​កងទ័ព​អាម៉េរិក ខណៈ​ដែល​អ៊ីរ៉ង់​ដែល​ជា​ប្រទេស​ជិតខាង​បាន​បង្ហាញ​បំណង​កាត់បន្ថយ​​ភាព​តានតឹង​ក្នុង​តំបន់​។​

​លោក ម៉ៃ ផ​ម​ផេវ បាន​សរសេ​រលើ​ទំនាក់ទំនង​Twitter​ថា​” មានការ​ខឹងសម្បារ​ខ្លាំង​បន្ទាប់ពី​មាន​សេចក្តីរាយការណ៍​អំពី​ការវាយប្រហារ​មួយទៀត​ដោយ​គ្រាប់​​រ៉ុក្កែត​ទៅ​លើ​មូលដ្ឋាន​អាកាស​របស់​អ៊ីរ៉ាក់​។ ការ​បន្ត​រំលោភ​បំពាន​អធិបតេយ្យភាព​របស់​អ៊ីរ៉ាក់​ដោយ​ក្រុម​ដែល​មិន​ស្មោះត្រង់​នឹង​រដ្ឋាភិបាល​អ៊ីរ៉ាក់​ត្រូវតែ​បញ្ឈប់​”​។​

​មនុស្ស​៤​នាក់​បាន​រងរបួស​នៅក្នុង​ការវាយប្រហារ​ចុងក្រោយ​បំផុត ដែល​បាន​តម្រង់​ទៅ​លើ​លើ​មូលដ្ឋាន​អាកាស​បា​ឡា​ត​នៅ​តំបន់​ភាគ​ខាងជើង​នៃ​ប្រទេស​​អ៊ីរ៉ាក់​។​

​យោធា​អ៊ីរ៉ាក់​បាន​និយាយ​នៅក្នុង​សេចក្តីថ្លែងការណ៍​មួយ​ថា គ្រាប់​រ៉ុក្កែត​ចំនួន​៨ គ្រាប់​ត្រូវបាន​បាញ់​ទៅលើ​មូលដ្ឋាន​នេះ នៅ​ចម្ងាយ​ប្រហែល​៨០ គីឡូម៉ែត្រ​​ពី​ភាគ​ខាងជើង​នៃ​រដ្ឋធានី​បា​ដា​ត ហើយ​ថា​អ្នក​រងរបួស​ទាំង​៤ នាក់​នោះ​គឺ​រួមមាន​ទាំង​មន្ត្រី​២​នាក់​ផង​ដែរ​។​

​ប្រភព​យោធា​បាន​និយាយថា អ្នករងរបួស​ទាំងនេះ គឺ​ជា​ទាហាន​អ៊ីរ៉ាក់​។​

​ពួកគេ​បាន​និយាយ​ថា​គ្រាប់ផ្លោង​ចេញពី​កាំភ្លើង​ធំ​ចំនួន​៧ គ្រាប់ បាន​ធ្លាក់ចំ​ផ្លូវ​យន្តហោះ​នៅ​មូលដ្ឋាន​នេះ​។​

​មិន​មាន​ព័ត៌មាន​ណាមួយ​បញ្ជាក់​ពី​ការស្លាប់​និង​របួស​ទាហាន​អាម៉េរិក​នៅ​មូលដ្ឋាន​នោះ​ទេ​។​

​សេចក្តីថ្លែងការណ៍​យោធា​អ៊ីរ៉ាក់​មិនបាន​និយាយ​ថា​នរណា​ជា​អ្នក​នៅ​ពីក្រោយ​ការវាយប្រហារ​នោះទេ​ហើយ​ក៏​មិន​បាន​និយាយ​ផងដែរ​អំពី​ភាព​តានតឹង​ដែល​​កើន​ឡើង​រវាង​សហរដ្ឋ​អាម៉េរិក​និង​អ៊ីរ៉ង់​ដែល​បាន​បាញ់​មី​ស៊ី​ល​ជា​ច្រើន​គ្រាប់​កាលពី​ថ្ងៃ​ពុធ​សប្តាហ៍​មុន​ទៅ​លើ​មូលដ្ឋាន​យោធា​២​នៅ​ប្រទេស​អ៊ីរ៉ាក់​ដែល​ជា​​ទីតាំង​របស់​កងទ័ព​អាម៉េរិក​។​

​មិន​មាន​ការអះអាង​ទទួលខុសត្រូវ​ភ្លាមៗ​ចំពោះ​ការវាយប្រហារ​ដោយ​រ៉ុក្កែត​កាលពី​ថ្ងៃអាទិត្យ​នោះទេ​។ ប៉ុន្តែ​កាលពី​ពេលមុនៗ​នោះ​សហរដ្ឋ​អាម៉េរិក​បាន​ស្តីបន្ទោស​​ការវាយប្រហារ​បែបនេះ​ទៅលើ​ក្រុម​ដែល​គាំទ្រ​អ៊ីរ៉ង់​នៅ​ប្រទេស​អ៊ីរ៉ាក់​៕​ដោយ​៖​សុខា​/sn

ទាហាន​អ៊ីរ៉ាក់​ឈរ​យាម​នៅ​ជិត​យន្តហោះ​ចម្បាំង​មួយ​នៅ​មូលដ្ឋាន​ទ័ពអាកាស​បា​ឡា​ត​

ទីតាំងផ្សាយពាណិជ្ជកម្ម

- Advertisment -

Most Popular

ដាក់លក់​ឈើ​ដូច​ផ្សារ​ត្រី...

ដោយៈ សុខុម / ស្ទឹងត្រែង​:...

គ្រូពេទ្យនឹងចុះទៅយកវត្ថុស...

ដោយៈ​មុនី​រ័ត្ន​/​ភ្នំពេញ...

ក្រសួង​អប់រំ លើក​ពេល​ប្រក...

​ដោយៈ ដេប៉ូ / ភ្នំពេញៈ ដើ...

សមត្ថកិច្ច ឲ្យ​ស្ត្រី​ម្ន...

ដោយៈ ស​រិ​ទ្ធ / បាត់ដំបងៈ...