ដោយៈសៅវ៉ាន់ឌី/ព្រះវិហារៈរដ្ឋបាលស្រុកគូលែនខេត្តព្រះវិហារបានប្រារព្វពិធីមីទ្ទីញអបអរសាទរខួបអនុស្សាវរីយ៍លើកទី៤១នៃទិវាជ័យជម្នះ៧មករា១៩៧៩=៧មករា២០២០នៅបរិវេណសាលាស្រុកគូលែនកាលពីព្រឹកថ្ងៃទី១៣ខែមករាឆ្នាំ២០២០នេះ។
ក្នុងពិធីនោះផងដែរបានធ្វើឡើងក្រោមវត្តមានលោកប្រាក់សុវណ្ណអភិបាលខេត្តនិងមានការចូលរួមលោកឡុងសុវណ្ណ ប្រធានក្រុមក្រុមប្រឹក្សាខេត្ត សមាជិកសមាជិការ កងកម្លាំងប្រដាប់អាវុធទាំង៣ ប្រជាពលរដ្ឋសិស្សានុសិស្សសិស្សកាយារិទ្ធយុវជនកាកបាទក្រហមមេភូមិចៅសង្កាត់ជាច្រើនកុះករផងដែរ។
លោកប្រាក់សុវណ្ណអភិបាលខេត្តមានប្រសាសន៍ថាការរស់ឡើងវិញនាបច្ចុប្បន្ននេះគឺបានមកពីថ្ងៃ៧មករាឆ្នាំ១៩៧៩ដែលធ្វើឱ្យប្រជាពលរដ្ឋទូទាំងប្រទេសរួចផុតពីរបបប្ររល័យពូជសាសន៍ ប៉ុលពត រស់រៀនមានជីវិតសារឡើងវិញនេះបានមកពីគណៈបក្សប្រជាជនកម្ពុជា។ដែលមានសម្ដេច តេជោហ៊ុនសែនជាថ្នាក់ដឹកនាំធ្វើឱ្យប្រទេសឈានទៅដល់មានសុខសន្តិភាពមានការអភិវឌ្ឍន៍ប្រទេសគ្រប់ទឹសទី ហើយក៍ជាថ្ងៃកំណើតទីពីរបស់ប្រជាជាតិនិងប្រជាជនផងដែរ។
យើងត្រូវចងចាំជានិច្ចមិនបំភ្លេចនូវគុណថ្ងៃ៧មករា១៩៧៩ដែលជាថ្ងៃកំណើតទី២របស់ប្រជាពលរដ្ឋទូទាំងប្រទេសដែលបានចារជាប្រវត្តិសាស្ត្រឱ្យប្រជាជនកម្ពុជាយើងក្នុងជំនាន់នេះនិងជំនាន់ក្រោយយល់ច្បាស់និងចងចាំជារៀងរហូតផងដែរនិងសូមឱ្យបងប្អូនយើងទាំងអស់គ្នាចូលរួមថែរក្សាសន្តិភាពអរគុណសន្តិភាពមិនត្រូវស្ដាប់តាមការញុះញង់របស់ជនអគតិមួយចំនួនឬមជ្ឈដ្ឋានណាដែលថាគ្មានថ្ងៃ៧មករានោះឡើយ៕S/
