ភ្នំពេញៈ ស្ត្រីទាំងមេផ្ទះ កម្មការិនីរោងចក្រ និងអ្នកលក់ដូរនៅផ្សារក្នុង ខេត្តកំពង់ស្ពឺ ចំនួន២៥០នាក់ បានជួបជុំគ្នាសិក្សា ពីមុខជំនួញនៃវិស័យអន ឡាយ និងស្វែងយល់ពី ផលិតផលក្លែងក្លាយ មើលរបៀបណា កុំឱ្យចាញ់បោកគេ។
ស្ត្រីមេផ្ទះ កម្មការិនីរោងចក្រ និងអ្នកលក់ដូរ នៅផ្សារក្នុងខេត្តកំពង់ស្ពឺ ចំនួន២៥០នាក់ បានជួបជុំក្នុងសិក្ខាសាលាបង្ហាត់បង្រៀន“ ជំនួញនៃវិស័យ អនឡាយ និងស្វែងយល់ពី ផលិតផលក្លែងក្លាយ នៅកម្ពុជា” ដែលបានរៀបចំឡើងពី ក្រុមហ៊ុនដាណាទ្រី ខេមបូឌា ត្រេនឌីង ខូអិលធីឌី ស្ថិតក្នុងអគារបណ្តាល័យទីរួមខេត្តកំពង់ស្ពឺ កាលពីថ្ងៃទី១២ ខែមករា ឆ្នាំ២០២០។
អ្នកស្រី ទ្រី ដាណា អគ្គនាយិកា ក្រុមហ៊ុនដាណាទ្រី ខេមបូឌាត្រេនឌីង ខូអិលធីឌី បានប្រាប់ ក្រុមអ្នកសារព័ត៌មាន ឱ្យដឹងថា សិក្ខាសាលានេះ ធ្វើឡើង ដើម្បីចែករំលែកចំណេះដឹង និងបទពិសោធន៍ នៃមុខជំនួញអនឡាយ ហើយបង្ហាញនូវព័ត៌មាន និងរបៀបមើល និងស្វែងយល់ ផលិតផលក្លែងក្លាយចៀសវាង ស្ត្រីមេផ្ទះ កម្មការិនីរោងចក្រ និងអ្នកលក់ដូរ នៅផ្សារក្នុងខេត្តកំពង់ស្ពឺ ចាញ់បោក ឬបន្តជឿជាក់ លើក្រុមហ៊ុនគ្មានអាជ្ញាប័ណ្ណត្រឹមត្រូវ និងគ្មានច្បាប់ រកស៊ីជាមួយបន្តទៀត។
អ្នកស្រី ទ្រី ដាណា បានបញ្ជាក់ថា ខ្លះជាផលិតផលក្លែងក្លាយ ខ្លះលក់មិនដាច់បែរជាបោក ប្រាស់ថា លក់ដាច់ចេះតែបង្ហោះ ចំណេញលុយច្រើនៗ មកបង្ហោះបង្អួតទាក់ទាញ អ្នកលេងហ្វេសប៊ុក និងមហាជន ប៉ុន្តែធាតុពិត គ្មានសោះ។ សិក្ខាសាលានេះតម្រង់ទិស ដៅស្ត្រីមេផ្ទះជាច្រើន ឱ្យមកស្គាល់ និងស្វែងយល់ពីប្រភេទអាជីវកម្ម អនឡាយច្បាស់លាស់ គឺចៀសវាងពីការបរាជ័យ ខាតពេលវេលា និងលុយកាក់។ លើសពីនេះ អ្នកស្ត្រីពិតជា សប្បាយចិត្តណាស់ ដែលមានស្ត្រីមេផ្ទះ និងជាពិសេស កម្មការិនីតាមរោងចក្រ ប្រមាណ ១៥០ នាក់ មកពីខេត្តព្រៃវែង មកសិក្សាដោយផ្ទាល់ ដើម្បីចង់ដឹងច្បាស់ថាអាជីវកម្ម ប្រភេទនេះ ធ្វើបែបណា។
អ្នកស្រី ទ្រី ដាណា បាននិយាយថា ការចូលរួមសិក្សា និងស្វែងយល់ចំណេះដឹង ជាច្រើន ទាក់ទិនទៅនឹងការរកស៊ី ជាអ្នកជីព អ្នកលក់ និងវិធីសាស្ត្រទទួលជោគជ័យ ដើម្បីពួកគេ ពីស្ត្រីមេផ្ទះ ក្លាយខ្លួនជាស្ត្រីរកស៊ី មានមុខក្នុងសង្គម ចៀសវាងការប្រមាថមើលងាយ នូវប្រការណា ឬពាក្យថា “កុំចាំតែកម្លាំងប្តី មិនចេះរកស៊ីធ្វើការអ្វី” ។ មកដល់បច្ចុប្បន្ននេះ អ្នកស្រីបានកើតសិក្ខាសាលា ជាច្រើនលើក ដោយបង្រៀន និងជំរុញ ៩ លើក មក និងមានតំណាង ជាអ្នករកស៊ីអនឡាយជាស្ត្រីជិត ៧ ម៉ឺននាក់ ជាមួយនឹង NNP នៅគ្រប់ ២៥ រាជធានី ខេត្ត៕ ដោយៈ បូរិន
