Home ព័ត៌មានជាតិ សន្តិសុខ តូចចិត្ត​រឿង​...

តូចចិត្ត​រឿង​ខ្លួន​បំផ្លាញ​លុយ​គ្រួសារ​ដោយ​ចាញ់ល្បែង មក​លោតទឹក​សម្លាប់ខ្លួន​

ដោយ​: ចាន់តូ / ភ្នំពេញ​: បុរស​អ្នក​បើកឡាន​ឲ្យ​អ្នកធំ​ម្នាក់ តូចចិត្ត​រឿង​ខ្លួន​បំផ្លាញ​លុយ​គ្រួសារ ដោយ​ចាញ់ល្បែង ​មក​លោតទឹក​សម្លាប់ខ្លួន តែ​មិន​ស្លាប់​ដូច​បំណង ដោយ​ប្រជាពលរដ្ឋ​ខ្មែរអ៊ិស្លាម​ជួយ​ស្រង់​ទាន់​។ ហេតុការណ៍​នេះបាន​កើតឡើង​កាលពី​វេលា​ម៉ោង​១២​ថ្ងៃត្រង់ ថ្ងៃទី​១៣ ខែមករា ឆ្នាំ​២០២០ ចំណុច​ស្ពាន​ជ្រោយចង្វា​(​ស្ពាន​មិត្តភាព​កម្ពុជា​ជប៉ុន​) ក្នុង​សង្កាត់​ស្រះចក ខណ្ឌដូនពេញ​។

​បុរស​ខាងលើ​ត្រូវបាន​គេ​ស្គាល់​ថា ឈ្មោះ ជា មករា អាយុ​៣៥ ឆ្នាំ មុខរបរ​បើករថយន្ត​ឲ្យ​អ្នកធំ​ម្នាក់ ស្នាក់នៅ​ខេត្តកណ្តាល​។

​តាម​ប្រភពព័ត៌មាន​ឲ្យ​ដឹងថា បុរស​ខាងលើ​មាន​វិបត្តិ​ផ្លូវចិត្ត​ធ្ងន់ធ្ងរ ក្រោយពី​បាន​ចាញ់​លុយ​ទៅលើ​ល្បែង​អស់​មួយចំនួន ហើយក៏​ជិះ​ម៉ូតូឌុប​ឡើង​ពី​ត្រើយ​ខាងលិច​មក​លោត​ទម្លាក់​ពីលើ​ស្ពាន​សម្លាប់ខ្លួន​តែម្តង​។ សំណាងល្អ ខណៈដែល​គាត់​លោត​នោះ​មាន​បងប្អូន​ប្រជ​ន​ខ្មែរអ៊ិស្លាម​បានឃើញ​ទាន់ ក៏​ចេញ​ទូក​ទៅ​ជួយ​ស្រង់​ឡើងគោកដើម្បី​សង្គ្រោះ​ជីវិត​។

​ក្រោយពី​ស្រង់​ឡើងគោក​ហើយ សមត្ថកិច្ច​នៅ​គោលដៅ​ទី​៣ ហៅ​សាកសួរ និង​ទាក់ទង​សាច់ញាតិ​ឲ្យ​មក​ទទួលយក​ទៅផ្ទះ​វិញ​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular