ប្រមុខ​ការទូត​កម្ពុជា​នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការ បរទេស​អាស៊ាន​នៅ​វៀតណាម ពីថ្ងៃ​ទី​១៦-១៧ ខែមករា​

ដោយ​: មុនី​រ័ត្ន / ភ្នំពេញ​: តប​តាម​ការអញ្ជើញ​របស់លោក​ផាម ប៊ិ​ញ​មិញ (Pham Binh Minh) ឧបនាយករដ្ឋមន្ដ្រី រដ្ឋមន្ត្រីការបរទេសនៃ​សាធារណរដ្ឋ​សង្គមនិយម​វៀតណាម លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ នៃ​ព្រះរាជាណាចក្រ​កម្ពុជា នឹង​ដឹកនាំ​គណៈប្រតិភូ​អញ្ជើញ​ទៅ​ចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន ដែល​នឹង​ប្រព្រឹត្តទៅ​ពីថ្ងៃ​ទី ១៦ ដល់​ថ្ងៃទី ១៧ ខែមករា ឆ្នាំ​២០២០ នៅ​ខេត្ត​ញ៉ា​ចាង សាធារណរដ្ឋ​សង្គមនិយម​វៀតណាម​។ នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្តរជាតិ នៅ​ថ្ងៃទី​១៤ ខែមករា ឆ្នាំ​២០២០​។

​សេចក្ដីប្រកាស​ព័ត៌មាន​ដដែល​បាន​បន្តថា កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន ​ក្រោម​មូលបទ «​ភាព​ស្អិតល្មួ​ត និង​ការឆ្លើយតប​»​។ កិច្ចប្រជុំ​ចង្អៀត​នេះ ជា​វេទិកា​មួយ​សម្រាប់រដ្ឋមន្ដ្រីការបរទេស​អាស៊ាន ធ្វើការ​ផ្លាស់ប្តូរ​ការយ​ល់​ឃើញ និង​គំនិតទៅលើ​វិធី និង​មធ្យោបាយ​នានា​ដើម្បី​សម្រេចបាន​នូវ​ចក្ខុវិស័យ​សហគម​ន៍​អាស៊ាន​ឆ្នាំ​២០២៥ និង​លើកកម្ពស់​បន្ថែមទៀត​នូវ​ការឯកភាព សមាហរណកម្ម និង​ការតភ្ជាប់អត្តសញ្ញាណ​រួម​របស់​អាស៊ាន ព្រមទាំង​ការចូលរួម​ជាមួយនឹង​សហគមន៍​ពិភពលោក និង​សមត្ថភាព​ស្ថាប័ន​។​

​ក្នុងនាម​ជា​ប្រធាន​អាស៊ាន នៅ​ឆ្នាំ​២០២០ ប្រទេស​វៀតណាម បានលើកឡើង​នូវ​ចំណុច​អាទិភាព​ចំនួន​៥ ដែល​ផ្តោត​សំខាន់​ទៅលើ​ការលើកកម្ពស់​ការចូល​រួម​ចំណែក​ដ៏​សកម្ម​របស់​អាស៊ាន ក្នុងការ​ថែរក្សា​សន្តិភាព សន្តិសុខ និង​ស្ថិរភាព​តំបន់ ការជំរុញ​ឲ្យ​កាន់តែខ្លាំង​នូវ​សមាហរណកម្ម​សេដ្ឋកិច្ច និង​ការតភ្ជាប់​អាស៊ាន ការលើកកម្ពស់​អត្តសញ្ញាណ​អាស៊ាន និង​ការយល់ដឹង​អំពី​សហគមន៍​អាស៊ាន ការពង្រឹង​ភាពជា​ដៃគូ​សកល​របស់​អាស៊ាន ដើម្បី​សន្តិភាព និង​ការអភិវឌ្ឍ​ប្រកបដោយ​ចីរភាព និង​ការបង្កើន​ប្រសិទ្ធភាព និង​សមត្ថភាព​ស្ថាប័ន​របស់​អាស៊ាន​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...