ស៊ី​ឌី​ស៊ី សង្ឃឹមថានឹង​កើនឡើង​បន្ថែមទៀត​នូវ​ការវិនិយោគ​របស់​បារាំង​នៅ​កម្ពុជា​

ដោយ​: ពៅ និមល / ភ្នំពេញ​: ខណៈ​អ​ញ្ញើញ​ចូលរួម​ក្នុង​សិក្ខាសាលា​ដ៏​សំខាន់​មួយ​នៅក្នុង​ប្រទេស សិង្ហ​បុរី លោក​អគ្គលេខាធិការ​ក្រុមប្រឹក្សា​អភិវឌ្ឍន៍​កម្ពុជា ហៅ​កាត់ ស៊ី​ឌី​ស៊ី (CDC) បាន​រំពឹងទុក​ថា ភាគី​បារាំង​នឹង​បាន​យល់​កាន់តែច្បាស់​អំពី​សក្តានុពល និង​កាលានុវត្តភាព​វិនិយោគ​នៅ​កម្ពុជា ព្រមទាំង​សម្រេចចិត្ត​បណ្តាក់ទុន​វិនិយោគ​នៅ​កម្ពុជា​បន្ថែម​ផងដែរ​។​

​ការលើកឡើង​ដូច្នេះ​របស់លោក សុខ ចិន្តា​សោភា អគ្គលេខាធិការ ស៊ី​ឌី​ស៊ី បាន​ធ្វើឡើង​ក្នុងឱកាស​អ​ញ្ញើញ​ចូលរួម​ជា​វាគ្មិន​ក្នុង​សិក្ខាសាលា ស្តីពី​ការធ្វើ​ធុរកិច្ច​នៅ​កម្ពុជា កាលពី​ព្រឹក​ថ្ងៃទី​១៤ ខែមករា ឆ្នាំ​២០២០​កន្លងទៅ នៅ​ប្រទេស​សិង្ហ​បុរី ក្រោម​កិច្ចសហការ​រៀបចំ​រប​ស់​ស្ថានទូត​បារាំង​ប្រចាំ​កម្ពុជា​, សភាពាណិជ្ជកម្ម​បារាំង​នៅ​កម្ពុជា និង​ទីប្រឹក្សា​ពាណិជ្ជកម្ម​បរទេស​បារាំង ដោយមាន​ការចូលរួម​ពី​លោកស្រី អេ​វ៉ា ង្វៀន​ប៊ិ​ញ (Eva Nguyen BINH) ឯកអគ្គរដ្ឋទូត​បារាំ​ង​ប្រចាំ​នៅ​កម្ពុជា តំណាង​ក្រុមហ៊ុន​បារាំង​កំពុងមាន​ប្រតិបត្តិការ​ក្នុងប្រទេស​សឹង្ហ​បុរី និង​ក្រុមហ៊ុន​សឹង្ហ​បុរី​ចំនួន​ប្រមាណ ១០០​រូប​។

​នៅ​ចំពោះមុខ​ក្នុង​អង្គសិក្ខាសាលា​នេះ លោក សុខ ចិន្តា​សោភា បាន​លើកឡើងថា កត្តា​សន្តិ​សភាព និង​ស្ថិរភាព​នយោបាយ​ក្នុងប្រទេស បានផ្តល់​លទ្ធភាព​ជូន​រាជរដ្ឋាភិបាល​ក្នុងការ​កាច់ចង្កូត​នាវា​កម្ពុជា ឆ្ពោះទៅ​ទិស​មួយ​ដ៏​ត្រឹមត្រូវ​នាពេល​កន្លងមក​។ ជាក់ស្តែង ក្នុង​រយះពេល​ជាង​០២​ទស្សវត្សរ៍​ចុងក្រោយ​នេះ កម្ពុជា​សម្រេចបាន​នូវ​កំណើនសេដ្ឋកិច្ច​ប្រចាំ​មធ្យម​ក្នុង​រង្វង់​៧,៧​ភាគរយ និង​បាន​ចាក​ចេញពី​ឋានៈ​ជា​ប្រទេស​មា​នំ​ណូ​ល​ទាប​ទៅជា​ប្រទេស​មាន​ចំណូល​មធ្យម​កម្រិត​ទាប​នៅក្នុង​ឆ្នាំ​២០១៥​។ ជាងនេះទៅទៀត នៅក្នុង​ឆ្នាំ​២០១៩​កន្លងទៅ សេដ្ឋកិច្ចកម្ពុជា​មានកំ​ណើ​ន​ក្នុង​អត្រា​៧,១​ភាគរយ ដែលជា​អត្រា​ខ្ពស់​ជាងគេ​នៅក្នុង​បណ្តា​ប្រទេស​អាស៊ាន​។ លោក​បាន​ចែករំលែក​ព័ត​មាន​អំពី​ការវិវត្ត​ថ្មីៗ​នៅ​កម្ពុជា ពាក់ព័ន្ធ​នឹង​កាលានុវត្តភាព និង​សក្តានុពល​ធុរកិច្ច​និង​វិនិយោគ​។ ទន្ទឹមនេះ លោក​បានលើកឡើង​នូវ​វិធានការ​កែទម្រង់​របស់​រាជរដ្ឋាភិបាល ដើម្បី​ផ្តល់ជូន​នូវ​កិច្ច​សម្រួល​ពាណិជ្ជកម្ម និង​កែលម្អ​បរិយាកាស​វិនិយោគ​ដោយ​បញ្ជាក់​ពី​ការប្តេជ្ញាចិត្ត​របស់​ប្រមុខ​រាជរដ្ឋាភិបាល​កម្ពុជា បន្ត​កម្មវិធី​កែទម្រង់​បន្ថែមទៀត​។

​ជាមួយគ្នានេះ លោកស្រី​ឯកអគ្គរដ្ឋទូត​បារាំង បាន​រំលឹក​ពី​ទំនាក់ទំនង​ការទូត​ជា​ប្រវត្តិសាស្ត្រ​ដ៏​ជិតស្និទ្ធ​រវាង​ប្រទេស​ទាំងពីរ និង​បាន​លើកទឹកចិត្ត​ឲ្យ​ក្រុមហ៊ុន​បារាំង​នៅ​សិង្ហ​បុរី​ធ្វើការ​បណ្តាក់​ទុនវិនិយោគ​នៅ​កម្ពុជា​។ ដោយឡែក តំណាង​ក្រុមហ៊ុន​បារាំង​នៅ​កម្ពុជា​ដែល​បាន​ចូលរួម​ជា​វាគ្មិន​បាន​គូស​បញ្ជាក់បន្ថែម​ពី​ភាព​អំណោយផល​នៃ​បរិយាកាស​វិនិយោគ​នៅ​កម្ពុជា និង​ពី​កាលានុវត្តភាព​ជាច្រើន​ដែល​កម្ពុជា​នៅមាន ទាំង​ក្នុង​វិស័យ​កម្មន្តសាល ក​សិ​-​ឧស្សាហកម្ម ទេសចរណ៍ និង​សេវាកម្ម​។​

​បើតាម​ការកត់ត្រា​រប​ស់ ស៊ី​ឌី​ស៊ី គិត​ត្រឹម​ខែធ្នូ ឆ្នាំ​២០១៩​កន្លងទៅ ការវិនិយោគ​បារាំង​នៅ​កម្ពុ​ជាមាន​ទឹកប្រាក់​សរុប​ប្រមាណ ៥៣២​លាន​ដុល្លារ​អាម៉េរិក ដែល​បាន​បង្កើត​ការងារ​ចំនួន​ប្រមាណ​១៥,០០០​កន្លែង​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

សមត្ថកិច្ចសម្រេច​បិទ​ហាង​...

ដោយៈ ស​រិ​ទ្ធ​/​កណ្តាលៈ ហ...

កម្មករ​រ៉ែ​ចិន​១៨​នាក់​ស្...

​ប្រែ​សម្រួលៈ​វាសនា​/​ប៉េ...

ក្មេងប្រុស​ម្នាក់ ធ្លាក់ច...

​ដោយៈ សុខុម​/​ស្ទឹងត្រែងៈ...

លោក ហ៊ុន ម៉ា​នី ផ្តល់​សម្...

ដោយៈ ភ្នំ​ខៀវ​/​ប៉ៃលិនៈ ល...