ដោយ: ប.ជ័យ / បន្ទាយមានជ័យ: បុរសម្នាក់រត់ម៉ូតូកង់៣ (Pass Up) ហើយលួចរកស៊ីគ្រឿងញៀនខុសច្បាប់ ត្រូវកម្លាំងមូលដ្នានកងរាជអាវុធហត្ថក្រុងប៉ោយប៉ែត ចុះបង្ក្រាបបានកាលពីល្ងាចថ្ងៃទី១៣ ខែមករា ឆ្នាំ២០២០ នៅចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋាន អាវុធហត្ថក្រុងប៉ោយប៉ែតឲ្យដឹងថា៖ ក្រោយពីទទួលបានព័ត៍មានពីប្រជាពលរដ្ឋ សមត្ថកិច្ចបានទៅជនសង្ស័យម្នាក់លួចជួញដូរគ្រឿងញៀនលោកបានដឹកនាំ
កម្លាំងអាវុធហត្ថចុះឃាត់ខ្លួនបានជនសង្ស័យ១នាក់ឈ្មោះ លី ញ៉ាញ់ ភេទ ប្រុស អាយុ ៣២ឆ្នាំ ភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ និងដកហូតវត្ថុតាងរួមមានគ្រឿងញៀនចំនួន១៣កញ្ចប់ ស្មើ១៤.៥៦ក្រាម ក្នុងនោះ មេតំហ្វេតាមីនទឹកកក ១២កញ្ចប់ ស្មើ១៤.៤១ ក្រាម មេតំហ្វេតាមីនគ្រាប់ចំនួន១កញ្ចាប់១០គ្រាប់ ស្មើ១.១៥ក្រាម ផសស្អាប់ពណ៌លឿង ១គ្រឿងនិងឧបករណ៍វេចខ្ចប់គ្រឿងញៀនមួយចំនួន។
កម្លាំងជំនាញការិយាល័យបទល្មើសគ្រឿងញៀនធ្វើការសាកសួរចម្លើយហើយផ្អែកលើវត្ថុតាង និងចម្លើយសារភាពរបស់ជនសង្ស័យ គឺមានភាពស៊ីសង្វាក់គ្នានៃបទល្មើស។
កម្លាំងជំនាញបទល្មើសគ្រឿងញៀនកសាងសំណុំរឿងចោទប្រកាន់ពីបទ ជួញដូរគ្រឿងញៀនដោយខុសច្បាប់ បញ្ជូនទៅសាលាដំបូងខេត្តចាត់ការតាមនីតិវិធី៕ ល