ខ្សែប្រយុទ្ធ ហ្វឺណានដូ ឡ័រិនតេ (Fernando Llorente) អាចនឹងវិលត្រឡប់មកក្លិប តូតិនហេម (Tottenham )វិញ ខណៈពេលក្លិបនេះព្យាយាមដោះស្រាយភាពខ្វះចន្លោះ បន្ទាប់ពីខ្សែប្រយុទ្ធ ហ៊ែរី ខេន (Harry Kane) រងរបួស។
ឡ័រិនតេស បានចាកចេញពីក្លិបស្ពឺរ( Spurs) កាលពីរដូវក្តៅ និងបានចូលរួមជាមួយក្លឹប Napoli ប៉ុន្តែនៅពេលនេះប្រហែលជាវិលត្រឡប់ទៅកាន់ទីក្រុងឡុងដ៍វិញ។
មានការអះអាងថា ខ្សែប្រយុទ្ធសញ្ជាតិអេស្ប៉ាញរូបនេះប្រហែលជាវិលត្រឡប់មកវិញ អំឡុងរដូវកាលទិញដូរនៅខែមករានេះ។ ឡ័រិនតេ រកបាន៤គ្រាប់ក្នុង២១ប្រកួតសម្រាប់ ក្រុមអ៊ីតាលី ចាប់តាំងពីបានចូលរួមនៅរដូវក្តៅនេះ។
ឡ័រិនតេ មិនសូវមានឱកាសទេកាលពីរដូវកាលមុន ប៉ុន្តែបានជួយក្រុមនេះឡើងមកវគ្គ ផ្តាច់ព្រ័ត្រ ក្របខ័ណ្ឌឆេមពានលីក។
លោក ចូសេ ម៉ូរីញ៉ូ (Jose Mourinho) គ្មានខ្សែប្រយុទ្ធជម្រើសទី២ដ៏ល្អនោះទេ ហើយក្រៅពី លូកាស (Lucas) និង សន់ ហឿងមីន (Son Heung Min) ដូច្នេះការវិល ត្រឡប់របស់ ឡ័រិន អាចជាជម្រើសដ៏គួរឲ្យទាក់ទាញ។
កីឡាករវ័យ៣៤ឆ្នាំរូបនេះកំពុងឈានដល់ទីបញ្ចប់នៃអាជីពរបស់ខ្លួន ប៉ុន្តែនៅផ្តល់ជម្រើស ក្នុងឋានៈជាកីឡាករគោលដៅរបស់ក្លិប Spurs ។
អវត្តមានរបស់ ហ៊ែរី ខេន បានបង្កើតជាបញ្ហាច្រើនសម្រាប់ក្លិប Spurs ខណៈពួកគេតាម ប្រមាញ់យកកៅអីនៅក្របខ័ណ្ឌឆេមពានលីកសម្រាប់រដូវកាលក្រោយ៕ ប្រែសម្រួល: ពិសិដ្ឋ
