Home ព័ត៌មានជាតិ សង្គម មន្ត្រី​អះអាង...

មន្ត្រី​អះអាង​៖​តំបន់​ប្រភពទឹក​តូចធំ​មិន​ប្រឈម​ខ្វះ បើ​ការប្រើប្រាស់​មានការ​ប្រុងប្រយ័ត្ន​ដូច​បច្ចុប្បន្ន​

ដោយ​: អូរ​ស្មាច់ / ឧ​ត្ត​រ​មានជ័យ​: មន្ត្រី​នៃ​មន្ទី​ធនធានទឹក​និង​ឧតុនិយម​ខេត្ត​ឧ​ត្ត​រ​មានជ័យ បាន​អះអាងថា នៅតាម​បណ្តា​អាង​រក្សា​ប្រភពទឹក​តូចធំ​ជាង​៨០​ទីតាំង នៅក្នុង​ខេត្ត​នេះ ដ្បិតមានការ​ស្រក​ទឹក​ខ្លះ តែ​មិន​ប្រឈម​ខ្វះ បើ​ការប្រើប្រាស់​មានការ​ប្រុងប្រយ័ត្ន​។​

​លោក ញឺ​ន កួន ប្រធាន​មន្ទី​ធនធានទឹក​និង​ឧតុនិយម​ខេត្ត​ឧ​ត្ត​រ​មានជ័យ បានឱ្យដឹងថា តំបន់​អាង​ស្តុ​ក​ប្រភពទឹក​ធម្មជាតិ​តូចធំ​ក្នុង​ខេត្ត​នេះមាន​គ្រប់គ្រាន់​មិន​ប្រឈម​ដល់​ការប្រើប្រាស់​នោះទេ បើ​ការប្រើប្រាស់​មានការ​ប្រុងប្រយ័ត្ន​ដូច​បច្ចុប្បន្ន​។ ក្រុមការងា​របាន​បិទទ្វារ​ទឹក​ទុក​នៅ​រដូវ​ផុត​ទឹកភ្លៀង​មក​ម៉្លេះ​ដើម្បី​ត្រៀម​ទុក​ដល់​ពលរដ្ឋ​ក្នុង​តំបន់​ប្រើប្រាស់​។ ប៉ុន្តែ​តំបន់​អាង​ស្តុ​កប្រភពទឹក​ខ្លះ ក៏​តម្រូវឱ្យ​ការប្រើប្រាស់​មានការ​ប្រុងប្រយ័ត្ន​ដែរ ព្រោះ​ផ្ទៃ​ទំ​ហំ​អាង​ខ្លះ​តូច ​ស្តុ​ក​ទឹកបាន​តិច​។​

​លោក​បន្តថា ខេត្ត​ឧ​ត្ត​រ​មានជ័យ​មាន​ប្រព័ន្ធធារាសាស្ត្រ​រក្សា​ប្រភពទឹក​តូចធំ​ចំនួន​៨១​ទីតាំង ក្នុងនោះ​ប្រព័ន្ធធារាសាស្ត្រ​ខ្នាត​ធំ​ចំនួន​៣​កន្លែង​ ខ្នាត​មធ្យម​ចំនួន​២១​កន្លែង និង​ខ្នាតតូច​ចំនួន​៥៧​កន្លែង​។ ប្រើប្រាស់​ទឹក​នៅតែ​ត្រូវបាន​ចាត់ទុកជា​អាទិភាពដើម្បី​បម្រើឲ្យការប្រើប្រាស់​ប្រចាំថ្ងៃ​រហូតដល់​មាន​ភ្លៀង​កក់ខែ​នា​ឆ្នាំ​ថ្មី​។​

​លោក​បន្ថែមថា ថ្មីៗ​នេះ​ក្រសួងធនធានទឹក និង​ឧតុនិយម​បាន​ព្យាករ​ថា ស្ថានភាព​អាកាសធាតុ​នៅក្នុង​ប្រទេស​កម្ពុជា ពេលខាងមុខ កម្ពុ​ជាមាន​លក្ខណៈ​ល្អប្រសើរ​ជាង​ឆ្នាំ​២០១៩ គ្រាន់តែ​កម្ដៅ​ក្តៅ​ជាង​មធ្យមភាគ​ឆ្នាំមុន​បន្តិច​។ តែ​ទោះជា យ៉ាងណា រាជរដ្ឋាភិបាល​កម្ពុជា បាន​ចាត់វិធានការ​ទប់ទល់ជាមួយនឹង​គ្រោះរាំងស្ងួត​នេះ​រួច​តាំងពី​ចុងរដូវ​ឆ្នាំ​២០១៩ ដោយ​ចេញ​ជា​សារាចរ​ណែនាំឱ្យ​ថែរក្សា​ទឹក​ទុក ដោយ​តម្រូវឱ្យ​ការធ្វើ​ស្រូវ​រដូវប្រាំង​បានតែ​មួយដង​ប៉ុណ្ណោះ​។ រីឯ​ទឹក​នៅ​ដែល​សល់​ឱ្យ​រក្សាទុក​សម្រាប់តែ​ការប្រើប្រាស់​ប្រចាំថ្ងៃ និង​ដាំ​ដំណាំ​រួមផ្សំ​រហូតដល់​ពេល​មាន​ភ្លៀង​ធ្លាក់​មកជា​ធម្មតា​វិញ​៕ ​/Ha

ទីតាំងផ្សាយពាណិជ្ជកម្ម

- Advertisment -

Most Popular

CL រាត្រី​ថ្ងៃ​អង្គារ ៖ P...

​ប្រែ​សម្រួល : កញ្ញា​ដា​ល...

ដាក់លក់​ឈើ​ដូច​ផ្សារ​ត្រី...

ដោយៈ សុខុម / ស្ទឹងត្រែង​:...

គ្រូពេទ្យនឹងចុះទៅយកវត្ថុស...

ដោយៈ​មុនី​រ័ត្ន​/​ភ្នំពេញ...