Home ព័ត៌មានជាតិ សង្គម ប្រធាន​សមាគម​...

ប្រធាន​សមាគម​ប្រគល់​ផ្ទះ​ជូន​អតីតយុទ្ធជន​ដែលមាន​គុណបំណាច់​សម្រាប់​ជាតិ​

ដោយ​: បូកគោ / កំពត​: អតីតយុទ្ធជន​ជា​វីរបុរស​ដែល​ធ្លាប់​បូជា​កម្លាំងកាយ​ចិត្ត​ដោយ​ឥត​ស្តាយស្រណោះ​ដើម្បី​បុព្វហេតុ​នៃ​ការរស់រាន និង​ភាព​រីកចម្រើន​សម្រាប់​ប្រទេសជាតិ​។ រាជរដ្ឋាភិបាល មិនបាន​បំភ្លេច​ចំពោះ​គុណបំណាច់​ដ៏​ថ្លៃថ្លា​ទាំងនេះ តាមរយៈ​ការឆ្លើយតប​នូវ​រាល់​តម្រូវការ​ចាំបាច់​គ្រ​ប់​ពេលវេលា​។​

​ក្នុង​ពិធី​ប្រគល់​ផ្ទះ​ជូន​អតីតយុទ្ធជន​ចំនួន​២០​គ្រួសារ​ស្ថិតនៅ​ភូមិ​ព្រៃ​កឹ​ក ឃុំ​ប្រាសាទភ្នំ​ខ្យង ស្រុក​កំពង់ត្រាច ខេត្តកំពត កាលពី​ព្រឹក​ថ្ងៃទី​១៤ ខែមករា ឆ្នាំ​២០២០ លោកនាយ​ឧ​ត្ត​ម​សេនីយ៍​គន់ គីម អនុប្រធាន និង​ជា​អគ្គលេខាធិការ​សមាគម​អតីតយុទ្ធជន​កម្ពុជា​បាន​មានប្រសាសន៍ថា​រាជរដ្ឋាភិបាល​កម្ពុជា​មិន​បំភ្លេច​នូវ​គុណបំណាច់​របស់​អតីតយុទ្ធជន​ដែល​ធ្លាប់​បូជា​កម្លាំងកាយ​ចិត្ត​ដើម្បី​បុព្វហេតុ​ជាតិ​មាតុភូមិ​ឡើយ​។ ឆ្លើយតប​ចំពោះ​វីរភាព​ទាំងនោះ អតីតយុទ្ធជន​ទាំងអស់​តែងតែ​ទ​ទូល​បាន​នូវ​ការគិតគូរ និង​ការ​ទំនុកបម្រុង​ជានិច្ច​ពី​ថ្នាក់ដឹកនាំ ស្របតាម​តម្រូវការ​ចាំបាច់​។ ជាក់ស្តែង​នាពេលនេះ សមាគម​អតីតយុទ្ធជន​កម្ពុជា​បានប្រគល់​ផ្ទះ​ចំនួន​២០​ខ្នង ជូន​ដល់​បងប្អូន​អតីតយុទ្ធជន​ទាំង​២០​គ្រួសារ ដើម្បី​បាន​ស្នាក់នៅ និង​ប្រក​បរបរ​ចិញ្ចឹមជីវិត​ក្នុង​ភាពសមរម្យ​ដូច​បងប្អូន​ប្រជាពលរដ្ឋ​ទូទៅ​។

​លោកនាយ​ឧ​ត្ត​ម​សេនីយ៍​បាន​បញ្ជាក់ថា សមាគម​អតីតយុទ្ធជន​កម្ពុជា​នៅតែ​បន្ត​យកចិត្តទុកដាក់​ចំពោះ​អតីតយុទ្ធជន​ដទៃទៀត ដែល​ធ្លាប់មាន​គុណបំណាច់​សម្រាប់​ប្រទេសជាតិ ដោយ​មិន​បណ្តែតបណ្តោយ​ឱ្យ​បងប្អូន​រស់នៅក្នុង​ភាព​ឯកោ​ឡើយ​។ ជាមួយនេះដែរ ក្នុងនាម​សមាគម​អតីតយុទ្ធជន​កម្ពុជា លោក​សំណូមពរ​ដល់​អាជ្ញាធរ​គ្រប់លំដាប់​ថ្នាក់​មេត្តា​បន្ត​ការយកចិត្តទុកដាក់​ដ​ល់បង​ប្អូន​អតីតយុទ្ធជន ដែល​ជួប​ការលំបាក​ដោយ​ជួយ​ពួកគាត់​ឱ្យបាន​ទាន់ពេលវេលា​នូវ​រាល់​តម្រូវការ​ផ្សេងៗ​។ ចំណែក​អតីតយុទ្ធជន និង​ក្រុមគ្រួសារ​វិញ​ត្រូវ​ណែនាំ​កូនចៅ​ឱ្យខិត​ខំរៀន​សូត្រ និង​បញ្ចៀស​ពី​អំពើ​អបាយមុខ​ទាំងឡាយ​ដើម្បី​រួមចំណែក​ក្នុង​កិច្ច​អភិវឌ្ឍ​ប្រទេសជាតិ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular