Ford វិនិយោគបន្ថែម ៨០ លានដុល្លារដើម្បីពង្រីករោងចក្រនៅវៀតណាម

ក្រុមហ៊ុន Ford Motor Co (F.N.) បាននិយាយកាលពីថ្ងៃអង្គារទី១៤មករាថា ខ្លួនកំពុងវិនិយោគទឹកប្រាក់ចំនួន ៨២ លានដុល្លារដើម្បីពង្រីករោងចក្ររបស់ខ្លួននៅភាគខាងជើងប្រទេសវៀតណាមដើម្បីបង្កើនសមត្ថភាពផលិតកម្ម។

ក្រុមហ៊ុន Ford Vietnam ដែលបង្កើតឡើងក្នុងឆ្នាំ ១៩៩៥ បាននិយាយថា រោងចក្រដែលបានពង្រីកនេះនឹងជួយបង្កើនសមត្ថភាពផលិតរថយន្តប្រចាំឆ្នាំរបស់ក្រុមហ៊ុនអាម៉េរិកនៅវៀតណាមដល់ ៤០.០០០ គ្រឿងពីបរិមាណ ១៤.០០០ គ្រឿងក្នុងមួយឆ្នាំ។

ក្រុមហ៊ុនបានរាយការណ៍ថា ខ្លួនបានលក់រថយន្តចំនួន ៣២.១៧៥ គ្រឿងក្នុងឆ្នាំ ២០១៩ គឺកើនឡើង ៣១ ភាគរយបើធៀបនឹងឆ្នាំទៅមិញ។

ការវិនិយោគបន្ថែម ដែលនឹងធ្វើឱ្យការវិនិយោគសរុបរបស់ក្រុមហ៊ុននៅក្នុងប្រទេសវៀតណាមមានចំនួនជាង ២០០ លានដុល្លារ នឹងធ្វើជាពីរដំណាក់កាលក្នុងរយៈពេលពីរឆ្នាំដែលចាប់ផ្តើមនៅឆ្នាំនេះ។

អនុរដ្ឋមន្រ្តីក្រសួងពាណិជ្ជកម្មលោក ឌូ ថាងហៃ បាននិយាយថា​លោករំពឹងថាការពង្រីករោងចក្រនេះនឹងកាត់បន្ថយការពឹងផ្អែករបស់វៀតណាមលើយានយន្តនាំចូល ហើយដូច្នេះនឹងកាត់បន្ថយឱនភាពពាណិជ្ជកម្មរបស់ប្រទេស។

ការសាងសង់នឹងពង្រីកទីតាំងរោងចក្រនៅលើផ្ទៃដី ៦០.០០០ ម៉ែត្រការ៉េបន្ថែមទៀត ដែលនឹងធ្វើឱ្យផ្ទៃដីសរុបឡើងដល់ ២២៦.០០០ ម៉ែត្រការ៉េ៕ ដោយ៖ កញ្ញាដាលីស

កម្មករកំពុងធ្វើការនៅរោងចក្រ Ford Vietnam នៅហៃឌួង

ទីតាំងផ្សាយពាណិជ្ជកម្ម

- Advertisment -

Most Popular