Home ព័ត៌មានអន្តរជាតិ ប្រធានាធិបតី​...

ប្រធានាធិបតី​ចិន​ធ្វើ​ទស្សនកិច្ច​នៅ​មី​យ៉ាន់​ម៉ា​ដើម្បី​ជំរុញ​គម្រោង​”​ខ្សែក្រវ៉ាត់​និង​ផ្លូវ​”

​ប្រធានាធិបតី​ចិន លោក ស៊ី ជីន​ពីង ត្រូវ​ធ្វើដំណើរ​ទៅ​ប្រទេស​មី​យ៉ាន់​ម៉ា​នៅ​សប្តាហ៍​នេះ​ដើម្បី​ពិភាក្សា​និង​ចុះហត្ថលេខា​លើ​កិច្ចព្រមព្រៀង​ហេដ្ឋារចនាសម្ព័ន្ធ​​ដែល​មាន​ទឹកប្រាក់​រាប់​ពាន់​លាន​ដុល្លារ​នៅក្នុង​ប្រទេស​អាស៊ី​អាគ្នេយ៍ ដែល​ត្រូវបាន​បោះបង់​ចោល​ដោយ​ក្រុម​ប្រទេស​លោកខាងលិច​។​

​ដំណើរ​ទស្សនកិច្ច​រយៈ​ពេល​២​ថ្ងៃ​របស់លោក ស៊ី ជីន​ពីង ដែលជា​ដំណើរ​ទស្សនកិច្ច​លើក​ទី​មួយ​របស់​លោក​ក្នុងនាម​ជា​ប្រធានាធិបតី នឹង​ស្វែងរក​ការពង្រឹង​ជំហរ​​របស់​រដ្ឋាភិបាល​ក្រុង​ប៉េកាំង​ក្នុងនាម​ជា​វិនិយោគិន​ធំ​បំផុត​និង​ជា​ដៃគូ​យុទ្ធសាស្ត្រ​របស់​មី​យ៉ាន់​ម៉ា​។​

​ច្រករបៀង​សេដ្ឋកិច្ច​ចិន​-​មី​យ៉ាន់​ម៉ា​(CMEC)​ដែល​ភ្ជាប់​តំបន់​ភាគ​កណ្តាល​នេះ​ទៅ​មហាសមុទ្រ​ឥណ្ឌា​គឺជា​ផ្លូវ​សំខាន់​មួយ​នៅក្នុង​គំនិត​ផ្តួចផ្តើម​នៃ​គម្រោង​ខ្សែ​​ក្រវ៉ាត់​និង​ផ្លូវ​របស់​រដ្ឋាភិបាល​ក្រុង​ប៉េកាំង ដែល​ផ្តោត​លើ​ហេដ្ឋារចនាសម្ព័ន្ធ​និង​ការពង្រីក​ឥទ្ធិពល​របស់​ចិន​នៅលើ​ពិភពលោក​។​

​បន្ថែម​លើ​ការផ្តល់ប្រាក់​វិនិយោគ​រាប់ពាន់​លាន​ដុល្លារ​នោះ ចិន​ការពារ​ប្រទេស​ជិតខាង​របស់​ខ្លួន​នេះ នៅឯ​អង្គការសហប្រជាជាតិ​នៅពេល​រដ្ឋាភិបាល​មី​យ៉ាន់​ម៉ា​​រង​សម្ពាធ​កើន​ឡើង​អំពី​ការទទួលខុសត្រូវ​លើ​វិបត្តិ​រ៉ូ​ហ៊ីង​យ៉ា​៕​ប្រែ​សម្រួល​៖​សុខា​/sn

លោក ស៊ី​ជីន​ពីង នឹង​ធ្វើ​ទស្សនកិច្ច​នៅ​មី​យ៉ាន់​ម៉ា​ជា​លើកទីមួយ​ក្នុងនាម​ជា​ប្រធានាធិបតី​ចិន​

ទីតាំងផ្សាយពាណិជ្ជកម្ម

- Advertisment -

Most Popular