ក្រុមមន្ត្រីបាននិយាយថាចំនួនអ្នកស្លាប់ដោយសាររលំបាក់ផ្ទាំងព្រិលទឹកកកនិងទឹកជំនន់នៅទូទាំងតំបន់កាស្មៀរបានកើនឡើងដល់១៦០ នាក់។
ក្រុមអ្នកជួយសង្គ្រោះបានកំពុងជួយសង្គ្រោះមនុស្សច្រើននាក់ដែលត្រូវបានគេជឿថាបានជាប់នៅខាងក្នុងផ្ទះរបស់ពួកគេដែលត្រូវបានផ្ទាំងទឹកកកបាក់សង្កត់នៅតំបន់ភ្នំហេមពាន្តនេះ។
ក្រុមមន្ត្រីបាននិយាយថា នៅពេលនេះទាំងនៅប៉ាគីស្ថាននិងអាហ្វហ្គានីស្ថាន មានអ្នកស្លាប់ដោយសារអាកាសធាតុរដូវរងារដ៏ខ្លាំង បានកើនឡើងដល់១៦០នាក់។
ក្រុមមន្ត្រីបាននិយាយថា តំបន់ទទួលរងខ្លាំងបំផុត គឺនៅតំបន់ជ្រលងភ្នំNeelumតំបន់កាស្មៀរនេះ។
គិតចាប់តាំងពីថ្ងៃអាទិត្យសប្តាហ៍មុនមក មនុស្ស៧៦នាក់បានស្លាប់ដោយទាក់ទងនឹងអាកាសអាតុនៅតំបន់កាស្មៀរដែលគ្រប់គ្រងដោយប៉ាគីស្ថាន ហើយមនុស្ស៤៥នាក់ផ្សេងទៀត បានស្លាប់នៅខេត្តបាលូជីស្ថាននិងខេត្តពុនចាប ប្រទេសប៉ាគីស្ថាន។
នៅប្រទេសអាហ្វហ្គានីស្ថាន មនុស្ស៣៩នាក់បានស្លាប់ដោយសារទឹកជំនន់និងព្រិលទឹកកក ហើយផ្ទះខូចខាតជិត៣០០ខ្នងចាប់តាំងពីថ្ងៃអាទិត្យមក៕ដោយ៖សុខា/sn
ផ្ទះជាច្រើនត្រូវបានបំផ្លាញដោយការរលំបាក់ផ្ទាំងទឹកកសង្កត់លើនៅជ្រលងភ្នំNeelum នៅតំបន់កាស្មៀរដែលគ្រប់គ្រងដោយប៉ាគីស្ថាន