ក្មេងស្រីសិស្សសាលា២នាក់ជិះម៉ូតូ​​បុកជាមួយរថយន្តដឹកសិស្ស បណ្តាល​ឲ្យស្លាប់ម្នាក់និងម្នាក់ទៀតរងរបួស​ធ្ងន់

ដោយៈចាន់តូ/ភ្នំពេញ ៖ គ្រោះថ្នាក់ចរាចរណ៍មួយបានកើតឡើង រវាងរថយន្តដឹកសិស្សសាលា អន្តរជាតិ ណាតអេដ បានបុកជាមួយម៉ូតូស្មាស់វី ដែលបើកឡើងវ៉ារថយន្តជ្រុលមកបុករថយន្តដឹកសិស្សសាលាពេញទំហឹង បណ្តាលឲ្យក្មេងស្រីសិស្សសាលាអន្តរជាតិ BANDOS PANHA ម្នាក់ស្លាប់និងក្មេងស្រីម្នាក់ទៀត រងរបួសធ្ងន់ធ្ងរ ត្រូវបានបញ្ជូនទៅកាន់ មន្ទីពេទ្យកុមាជាតិ ដើម្បីសង្គ្រោះបន្ទាន់។ កាលពីវេលាម៉ោង៦ និង៣០នាទីព្រឹកថ្ងៃទី១៦ ខែមករា ឆ្នាំ២០២០ លើផ្លូវជាតិលេខ២ ត្រង់ចំណុចមុខបូរីកាំងម៉េង ភូមិព្រែកថ្លឹង សង្កាត់ព្រែកកំពឹស ខណ្ឌដង្កោ ។

សមត្ថកិច្ចបានឲ្យដឹងថា ជនរងគ្រោះទាំង២នាក់ខាងលើនេះ ទី១ឈ្មោះ ចន អេលីហ្សា បេត័ ភេទស្រី អាយុ១៦ឆ្នាំ មុខរបរសិស្ស ស្នាក់នៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ (ស្លាប់ជាអ្នកឌុប ជាសិស្សរៀននៅសាលាអន្តរជាតិ BANDOS PANHA ) និងម្នាក់ទៀតជាអ្នករួមដំណើរជាមួយ មានឈ្មោះ ចន ហ្គាលដា មាល ភេទស្រី អាយុ១៤ឆ្នាំ មុខរបរសិស្ស ស្នាក់នៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ រងរបួសធ្ងន់សង្រ្គោះព្យាបាលនៅមន្ទីពេទ្យកុមាជាតិ។ ចំណែកអ្នកបើកបររថយន្ត មិនស្គាល់ឈ្មោះនោះទេ បានរត់គេចខ្លួនបាត់។

តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្តដឹកសិស្សសាលាអន្តរជាតិ ណាតអេដ មួយគ្រឿងម៉ាកស៊ាំយ៉ុង ពណ៌ស ពាក់ស្លាកលេខ ភ្នំពេញ 2AK-7543 បើកបរតាមបណ្តោយផ្លូវខាងលើ ពីរកើតមកលិច។ ចំណែកម៉ូតូម៉ាក ស៊ុយសាគីស្មាស់វី ពណ៌ក្រហម ពាក់ស្លាកលេខ ភ្នំពេញ1CV-9295 ជិះឌុបគ្នាដោយក្មេងស្រីសិស្សសាលា២នាក់ ជិះពីលិចទៅកើតឡើងវ៉ារថយន្តក្នុងល្បឿនលឿនមិនប្រកាន់ចំណែកផ្លូវរបស់ខ្លួន ក៍បានបុកជាមួយរថយន្ដដឹកសិស្សសាលា ដែលបើកបរពីកើតទៅលិច ពេញទំហឹង បណ្ដាលឲ្យក្មេងស្រីសិស្សសាលាអន្តរជាតិ BANDOS PANHA ម្នាក់បោកក្បាលស្លាប់ និងម្នាក់ទៀតរបួសធ្ងន់ត្រូវបានបញ្ជូនទៅសង្រ្គោះព្យាបាលនៅមន្ទីពេទ្យកុមាជាតិ។

ក្រោយកើតហេតុ សមត្ថកិច្ចធ្វើការវាស់វែងយករថយន្តនិងម៉ូតូ ទៅរក្សាទុកនៅការិយា ល័យចរាចរណ៍ជើងនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់។ ចំណែកសពប្រគល់ឲ្យទៅសាច់ញាតិធ្វើបុណ្យតាមប្រពៃណី៕B/

ទីតាំងផ្សាយពាណិជ្ជកម្ម

- Advertisment -

Most Popular

សាកសព​បុរស​ម្នាក់​ត្រូវគេ...

ដោយ​: ទេ​ពក​ង្រី / ខេត្តក...

មណ្ឌល​ច​ត្តា​ឡី​ស័ក​ថ្មី ...

​ដោយៈ កញ្ញា​រស្មី / ភ្នំព...

ការិយាល័យ​ព្រហ្មទណ្ឌ​កម្រ...

ដោយ​: សម្បត្តិ / ភ្នំពេញ​...

រដ្ឋមន្ត្រី​ធនធានទឹក អញ្ជ...

​ដោយៈ ប​.​ខុន / ភ្នំពេញៈ ...