Home ព័ត៌មានជាតិ នយោបាយ ​រាជរដ្ឋាភិបា...

​រាជរដ្ឋាភិបាល​បំពាក់​គ្រឿង​ឥស្សរិយយស​ជូន​ភរិយា​អតីត​នាយករដ្ឋមន្ត្រី​ជប៉ុន កៃ​ហ្សូ អូ​ប៊ូ​ជី​

ដោយ៖តារារិទ្ធ(ភ្នំពេញ​)៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានអនុញ្ញាត​ឲ្យលោកស្រី អូ​ប៊ូ​ជី ជីសុកូ (OBUCHI Chizuko) ភរិយា​លោក កៃ​ហ្សូ អូ​ប៊ូ​ជី អតីត​នាយករដ្ឋមន្ត្រី​ជប៉ុន​ចូលជួប​សំដែង​ការគួរ​សមនិង​ពិភាក្សា​ការងារ​នៅ​ព្រឹក​ថ្ងៃទី១៦​ខែ មករា​ឆ្នាំ ២០២០ នៅ​វិមាន​សន្តិភាព​ទីស្តីការ​នាយករដ្ឋមន្ត្រី ។ នៅក្នុង​ជំនួប​នោះ​សម្តេច​តេ​ជោ ហ៊ុន សែន បាន​បំពាក់​គ្រឿង​ឥស្សរិយយស​សហ​មេត្រី​ថ្នាក់​មហា សេ​រិ​វឌ្ឍន៍​ជូន​លោកស្រី ជីសុកូ ជាការ​សំដែង​នូវ​ការគោរព​ដឹក​គុណ​ចំពោះ​ការជួយ​ដល់​ប្រទេស​កម្ពុជា ។

​លោក អ៊ាង សុផល្លែត ជំនួយការ​ផ្ទាល់​សម្តេច​តេ​ជោ​ហ៊ុនសែន​បាន​មានប្រសាសន៍​ឲ្យ​ដឹង ថា​៖​លោកស្រី អូ​ប៊ូ​ជី ជីសុកូ បាន​ជម្រាបជូន​សម្តេច​តេ​ជោហ៊ុនសែនថា​លោកស្រី​ពិត​ជាមាន​សេចក្តីសុខ​រីករាយ​យ៉ាងខ្លាំង​ដែល​បានមក​ធ្វើ​ទស្សនកិច្ច​នៅ​កម្ពុជា​ក្នុង​ខួប ២០ ឆ្នាំ​បន្ទាប់ពី​លោកស្រី​និង​ស្វាមី​របស់លោក​ស្រី មកកាន់​កម្ពុជា​កាលពី​២0​ឆ្នាំមុន ។

​លោកស្រី​បាន​សូម​គោរព​ថ្លែងអំណរគុណ​យ៉ាង​ជ្រាលជ្រៅ​ជូន​ចំពោះ​សម្តេច​តេ​ជោ​ដែល​បាន​អនុញ្ញាតឱ្យ​លោកស្រី​និង​ប្រតិភូ​បាន​ជួប​សំដែង​ការគួរសម​ផង​ហើយក៏​បាន​សូម​ថ្លែងអំណរគុណ​ជូន​សម្ដេច​តេ​ជោ​ផងដែរ​ដែល​តំណាងឱ្យ​ព្រះមហាក្សត្រ​នៃ​ព្រះរាជាណាចក្រ​កម្ពុជា​បាន​បំពាក់​គ្រឿង​ឥស្សរិយយស​ជូន​លោកស្រី។លោកស្រី​បាន​មានប្រសាសន៍ថា​លោកស្រី​មានការ​ចង់ចាំ​អំពី​ដំណើរ​ទស្សនកិច្ច​របស់​លោកស្រី​និង​ស្វាមី​ទៅកាន់ cmac កាលពី២០ឆាំ្ននាំមុន​។​លោកស្រី​បាន​បន្តថា​ក្នុង​ដំណើរ​ទស្សនកិច្ច​នៅ​កម្ពុជា​ពេលនេះ​លោកស្រី​ក៏បាន​ទៅធ្វើ​ទស្សនកិច្ច​នៅ​ស៊ីម៉ាក់​ផងដែរ ។ លោកស្រី​បាន​កត់សម្គាល់ថា​ក្នុង​ដំណើរ​ទស្សនកិច្ច​មកកាន់ កម្ពុជា​លើក​នេះ​លោកស្រី​បានកត់សម្គាល់​ឃើញថា​ព្រះរាជា ណាចក្រ​កម្ពុជា​បានទទួល​នូវ​សុខសន្តិភាព​ពិតប្រាកដពី​នោះ​ទៀត​ប្រជាជន​កម្ពុ​ជាមាន​ទឹកមុខ​ស្រស់ស្រាយ​និងរ​ស់រាយ ។ លោកស្រី​បាន​មានប្រសាសន៍ថា​នេះ​ជា​ជោគជ័យ​ដ៏​ពិតប្រាកដ​ដ៏​ធំធេង​របស់​កម្ពុជា ។​

​ជាការ​ឆ្លើយតប​សម្ដេច​តេ​ជោ​បាន​ថ្លែងអំណរគុណ​ជូន​ចំពោះ​លោកស្រី​ដែល​បាន​ជូនពរ ។ សម្តេច​តេ​ជោ​បានលើកឡើង​ពី​អតីត​កាលដែល​នៅពេលនោះ​ លោក អូ​ប៊ូ​ជី បានមកទស្សនកិច្ច​នៅ​កម្ពុជា​ហើយ​ក្នុង​ទស្សនកិច្ច​នោះ​ផងដែរ​គឺមាន​តែ​លោក​អូ​ប៊ូ​ជី​និង​លោកស្រី​ទេ​ដែលជា​ជនជាតិ​បរទេស​ដែល​បានធ្វើ​ទស្សនកិច្ច​ទៅមើល​សកម្មភាព​ដោះមីន​របស់​អង្គការ​ស៊ីម៉ាក​,​ហើយ​មានតែ​លោក អូ​ប៊ូ​ជី ទេ​ដែល​បាន​យកចិត្តទុកដាក់​យ៉ាងខ្លាំង​លើ​បញ្ហា​ដោះមីន​នេះ។ពី​នោះ​ទៀត​សម្ដេចតេ​ជោ​ក៏បាន​រំឭក​អំពី​អតីតកាល​ផងដែរ​នោះ​គឺ​លោក អូ​ប៊ូ​ជី និង​រាជរដ្ឋាភិបាល​ជប៉ុន​ប្រជាជន​ជប៉ុន​បាន​ដើរតួ​យ៉ាងសំខាន់​ក្នុង​ការជួយ​ដល់​កម្ពុជា​ឲ្យ​មានការ​បោះឆ្នោត​នៅ​ឆ្នាំ ១៩៩៨ បន្ទាប់ពី​កម្ពុ​ជាមាន​ជម្លោះ​ប្រដាប់អាវុធ​នៅ​ឆ្នាំ ១៩៩៧ ។ ពី​នោះ​ទៀត​លោក អូ​ប៊ូ​ជី ជា​នាយករដ្ឋមន្ត្រី​ជប៉ុន​ទី​២​ក្នុង​ប្រវត្តិសាស្ត្រ​ដែល​បាន មក​ទស្សនកិច្ច​នៅ​កម្ពុជា​ដោយ​នាយករដ្ឋមន្ត្រី​ជប៉ុន​ទី​១​បានមក​កម្ពុជា​នៅ​ទសវត្សរ៍​៥០​។​នៅក្នុង​ដំណាក់កាល​រប​ស់លោក​អូ​ប៊ូ​ជី​ជា​នាយករដ្ឋមន្ត្រី​លោក​បាន​ជួយ ដល់​កម្ពុជា​ជាច្រើន​ជាពិសេស​ក្នុងការ​ជំរុញ​ឲ្យ​មានការ​ផ្ដល់​ថវិកា​ទ្រទ្រង់​ដល់​កម្ពុជា​គឺ​លោក​ជា​អ្នកសម្រេច​និង​ជា​អ្នក​ប្រកាស​នៅក្នុង​ដំណើរ​ទស្សនកិច្ច​របស់​លោកមកកាន់​កម្ពុជា​៕


ទីតាំងផ្សាយពាណិជ្ជកម្ម

- Advertisment -

Most Popular

ប្រជុំ​ត្រួតពិនិត្យ និង​គ...

ដោយ​: សៅ វ៉ាន់ឌី / ខេត្តព...

ខ្សែ​ផ្លូវ​សរុប​ទាំង​៣៨​ប...

ដោយ​: សុផល / សៀមរាប​: លោក...

សម្តេច​តេ​ជោ ហ៊ុន សែន សម្...

ដោយ​: តារា​រិ​ទ្ធ / សៀមរា...

ក្រសួង​អប់រំ​ពន្យារពេល​ប្...

​ដោយ​៖ ដេប៉ូ / ភ្នំពេញ​៖ ...