ដោយៈសុផលភ្នំពេញ៖ស្របពេលទំនាក់ទំនងរវាងប្រទេសម៉ាឡេស៊ីនិងកម្ពុជាកាន់តែមានភាពជិតស្និទល្អឡើងទៅៗម៉ាឡេស៊ីបានកំណត់គោលដៅថានឹងផ្លោះពីចំណាត់ថ្នាក់លេខ៤មកលេខ៣នៅឆ្នាំ២០២០ដែលក្នុងនោះនឹងមានជាអ្នកវិនិយោគច្រើនជាងគេនៅកម្ពុជា។ជាពិសេសបានប្តេជ្ញាថានឹងលើកទឹកចិត្តវិនិយោគិនម៉ាឡេស៊ីមកវិនិយោគនៅកម្ពុជាកាន់តែច្រើន ។
សូមជម្រាបថាម៉ាឡេស៊ីនៅឆ្នាំ២០១៩ឈរក្នុងចំណាត់ថ្នាក់ទី៤បន្ទាប់ពីចិនកូរ៉េខាងត្បូងនិងចក្រភពអង់គ្លេសក្នុងនាមជាប្រទេសមានអ្នកវិនិោគិនច្រើនជាងគេនៅកម្ពុជាជាមួយគ្នានេះដែរប្រទេសម៉ាឡេស៊ីបានដាក់គោលដៅថាឆ្នាំ២០២០នេះនឹងទាក់ទាញទេសចរណ៍ឱ្យបាន៣០លាននាក់និងរកចំណូលឱ្យបាន១០០ពាន់លានរីងហ្គីតពីវិស័យទេសចរណ៍។ដើម្បីសម្រេចគោលដៅនេះម៉ាឡេស៊ីបានបង្កើតយុទ្ធនាការមួយហៅថា« ឆ្នាំទស្សន឵ ម៉ាឡេស៊ី ២០២០»។
ទាក់ទងនឹងទំនាក់ទំនងទ្វេភាគីរវាងប្រទេសទាំងពីរ អ្នកយកព័ត៌មានជាន់ខ្ពស់នៃសារព័ត៌មានរស្មីកម្ពុជា លោកញ៉ែមសុផលបានជួបសម្ភាសន៍ជាមួយឯកអគ្គរដ្នទូតម៉ាឡេស៊ីប្រចាំព្រះរាជាណាចក្រកម្ពុជាលោក ELDEEN HUSAINI MOHD HASHIM និងលោកNOR SHAZLY AZMI (Senior Assistant Director) ក្រុមប្រឹក្សាផ្សព្វផ្សាយទេសចរណ៍នៃប្រទេសម៉ាឡេស៊ី កាលពីរសៀលថ្ងៃទី ១៤ ខែមករាឆ្នាំ ២០២០ នៅស្ថានទូតម៉ាឡេស៊ីប្រចាំកម្ពុជា។
នៅក្នុងបទសម្ភាសន៍នោះលោកELDEENHUSAINIMOHDHASHIMឯកអគ្គរដ្នទូតម៉ាឡេស៊ីប្រចាំព្រះរាជាណាចក្រកម្ពុជាបានមានប្រសាសន៍ឱ្យដឹងថា៖ម៉ាឡេស៊ីបានកំណត់គោលដៅថានឹងផ្លោះពីណាត់ថ្នាក់លេខ៤នៅឆ្នាំ២០២០មកលេខ៣នៅឆ្នាំ២០២០នេះក្នុងនាមជាអ្នកវិនិយោគច្រើនជាងគេនៅកម្ពុជា។ជាពិសេសបានប្តេជ្ញាថានឹងលើកទឹកចិត្តវិនិយោគិនម៉ាឡេស៊ីមកវិនិយោគនៅកម្ពុជាកាន់តែច្រើនក៏ដូចជាអំពាវនាវដល់វិនិយោគិនកម្ពុជាទៅបណ្តាក់ទុននៅម៉ាឡេស៊ីផងដែរ។
លោកមានសេចក្តីរំពឹងថានឹងហក់មកលំដាប់លេខ៣ឬលេខ២នេះដោយសារកំណើនក្រុមហ៊ុនម៉ាឡេស៊ីកាន់តែច្រើនមកវិនិយោគនៅកម្ពុជាព្រមទាំងការបង្កើនយុទ្ធសាស្ត្រពាណិជ្ជកម្ម។ជាពិសេសម៉ាឡេស៊ីមានគម្រោងធំមួយគឺការសាងសង់ណាហ្គាទី៣ដែលមានទុនវិនិយោគជិត៤ពាន់លានអាមេរិក។លោកបានបន្តថាទំហំពាណិជ្ជកម្មរវាងប្រទេសទាំងពីរជិត៥០០លានដុល្លារហើយនៅឆ្នាំ២០២០នេះបានត្រូវព្យាករណ៍ថានឹងកើនឡើង។
លោកឯកអគ្គរដ្ឋទូតបានគូសបញ្ជាក់ថា៖ម៉ាឡេស៊ីនឹងបង្កើនទំនាក់ទំនងនិងកិច្ចសហការជាមួយសហគមន៍ពាណិជ្ជកម្មម៉ាឡេស៊ី អាស៊ាន និងសហគមន៍អឺរ៉ុប ដើម្បីរួមដៃគ្នាសំឡឹងមកវិនិយោគនៅកម្ពុជា។ ជាងនេះទៅទៀតនឹងជំរុញវិនិយោគិនម៉ាឡេស៊ីកាន់តែច្រើនទៀតមកវិនិយោគនៅកម្ពុជា។ស្ថានទូតម៉ាឡេស៊ីនៅកម្ពុជានៅឆ្នាំ២០២០នេះនឹងរៀបចំវេទិកាធុរកិច្ចពាណិជ្ជកម្មមួយចំនួននៅកម្ពុជាដោយអញ្ជើញវិនិយោគិនម៉ាឡេស៊ី និងអ្នកវិនិយោគកម្ពុជា មកជួបជុំគ្នាដើម្បីពិភាក្សា និងស្វែងរកដៃគូពាណិជ្ជកម្ម។
ក្រៅពីផ្តោតលើវិស័យសេដ្ឋកិច្ចម៉ាឡេស៊ីក៏បានខិតខំបង្កើនកិច្ចសហប្រតិបត្តិការលើវិស័យផ្សេងៗដូចជាវប្បធម៌កសិកម្មអប់រំ។ជាពិសេសនឹងបង្កើនការផ្តល់អាហារូបករណ៍ដល់និស្សិតនិងមន្ត្រីរាជរដ្ឋាភិបាលខ្មែរផ្នែកពាណិជ្ជកម្ម,ហិរញ្ញវត្ថុ,ភាសា,TVETនិងជំនាញជាច្រើនទៀត។ឆ្លើយនឹងសំណួរសួរថាតើទំនាក់ទំនងរវាងម៉ាឡេស៊ី និងកម្ពុជា ឈានដល់កម្រិតណានោះ ?
លោកឯកអគ្គរដ្ឋទូតអ៊ែលឌីនហ៊ូសៃនីម៉ូដហាស៊ីមបានមានប្រសាសន៍ថា«ទំនាក់ទំនងការទូតរវាងប្រទេសទាំងពីរបានឈានដល់ចំណុចខ្លាំងនិងជិតស្និទ្ធបំផុតហើយតាមរយៈដំណើរទស្សនកិច្ចរបស់នាយករដ្ឋមន្ត្រីម៉ាឡេស៊ីនៅកម្ពុជានាចុងឆ្នាំ២០២៩ថ្មីៗនេះនឹងជួយរឹតចំណងមិត្តភាពកាន់តែខ្លាំងក្លាថែមទៀតឆ្នាំ២០២០នេះជាពិសេសនឹងមានដំណើរទស្សនកិច្ចរបស់នាយករដ្ឋមន្ត្រីម៉ាឡេស៊ីមកកម្ពុជាម្តងទៀតនៅឆ្នាំ២០២០នេះ។ »។
ជាងនេះទៅទៀតទំនាក់ទំនងផ្នែកនីតិបញ្ញត្តិនយោបាយការទូតសេដ្ឋកិច្ចទេសចរណ៍មានលក្ខណៈវិជ្ជមាន និងល្អប្រសើរ។នៅឆ្នាំ២០២០នេះ ម៉ាឡេស៊ី ចង់ឃើញទំនាក់ទំនងលើគ្រប់វិស័យជាមួយកម្ពុជា បន្តរីកធំធាត់និងកាន់តែល្អប្រសើរ។ពាក់ព័ន្ធនឹងវិស័យទេសចរណ៍វិញ លោក Nor Shazly Azmi (Senior Assistant Director) ក្រុមប្រឹក្សាផ្សព្វផ្សាយទេសចរណ៍នៃប្រទេសម៉ាឡេស៊ី បានឱ្យដឹងថា៖ឆ្នាំ២០២០ ម៉ាឡេស៊ី មានគោលដៅទាក់ទាញទេសចរ៣០លាននាក់និងរកចំណូលឱ្យបាន១០០ពាន់លានរីងហ្គីត។ ដើម្បីសម្រេចគោលដៅនេះ ម៉ាឡេស៊ី បានបង្កើតយុទ្ធនាការមួយហៅថា« ឆ្នាំទស្សន឵ ម៉ាឡេស៊ី ២០២០»។
លោកបានបន្តថា៖ឆ្នាំទស្សន឵ម៉ាឡេស៊ី២០២០គឺជាព្រឹត្តិការណ៍ចុងក្រោយនៅក្នុងស៊េរីនៃយុទ្ធនាការឆ្នាំទស្សន឵ម៉ាឡេស៊ីក្នុងឆ្នាំ២០១៧។គោលដៅនៃឆ្នាំទស្សន឵ម៉ាឡេស៊ី២០២០គឺដើម្បីបង្រួបបង្រួមអ្នកចូលរួមក្នុងវិស័យឧស្សាហកម្មទាំងអស់ឱ្យសម្រេចបាននូវគោលដៅរួមនេះស្របពេលដែលទាក់ទាញភ្ញៀវទេសចរមកពីជុំវិញពិភពលោកឱ្យមកទទួលបដិសណ្ឋារដ៏កិច្ចកក់ក្តៅនិងទីកន្លែងទាក់ទាញទេសចរណ៍ជាច្រើននៅប្រទេសម៉ាឡេស៊ី។
យុទ្ធនាការទស្សនាប្រទេសម៉ាឡេស៊ីឆ្នាំ២០២០គឺផ្អែកលើគោលបំណងចក្ខុវិស័យ២០២០ដែលផ្តោតលើនិរន្តរភាពទេសចរណ៍សិល្បៈនិងវប្បធម៌ក្នុងគោលបំណងកាត់បន្ថយផលប៉ះពាល់អវិជ្ជមាននៃការអភិវឌ្ឍវិស័យទេសចរណ៍និងផ្តល់ផលប្រយោជន៍ផ្ទាល់ដល់សហគមន៍តាមរយៈឧស្សាហកម្មទេសចរណ៍។
តើយុទ្ធនាការឆ្នាំទស្សនាប្រទេសម៉ាឡេស៊ីមានប្រសិទ្ធិភាពប៉ុណ្ណា?លោកបានលើកឡើងថា៖ដំណើរទស្សនកិច្ចទៅកាន់ប្រទេសម៉ាឡេស៊ីឆ្នាំ(VMY)ត្រូវបានបង្កើតឡើងដំបូងនៅឆ្នាំ១៩៩០ក្រោមប្រធានបទ“FascinatingMalaysia.YearofFestivals”។យុទ្ធនាការនេះគឺជាជោគជ័យដ៏ធំមួយជាមួយដែលប្រទេសម៉ាឡេស៊ីបានទាក់ទាញភ្ញៀវទេសចរ ៧.៤ លាននាក់បើប្រៀបធៀបនឹង ៤.៨ លាននាក់ក្នុងឆ្នាំ ១៩៨៩ ។ភាពជោគជ័យរបស់ VMY ឆ្នាំ ១៩៩០ បានជំរុញឱ្យមានVMY មួយផ្សេងទៀតនៅឆ្នាំ ១៩៩៤ នៅពេលនោះប្រធានបទគឺ “Fascinating Malaysia. Naturally More”។
យុទ្ធនាការនេះបានជួយបង្កើនចំនួនភ្ញៀវទេសចរបរទេសឱ្យបាន ១០.៦៦ភាគរយ។ VMY លើកទី ៣ ត្រូវបានបង្កើតឡើងក្នុងឆ្នាំ២០០៧រួមជាមួយខួបឯករាជ្យលើកទី៥០របស់ប្រទេសម៉ាឡេស៊ី។VMY2007បានទទួលជោគជ័យយ៉ាងខ្លាំងលើសពីការរំពឹងទុកជាមួយនឹងចំនួនភ្ញៀវទេសចរ២០.៩៧លាននាក់និងចំណូល៤៦.១ពាន់លានរីងហ្គីត។នេះមានន័យថាមានការកើនឡើងចំនួន ៣.៤២ លានដុល្លារនិង ៩.៨ ពាន់លានរីងហ្គីតពីឆ្នាំមុន។
នៅឆ្នាំ ២០១៤ យើងមានយុទ្ធនាការដំណើរទស្សនកិច្ចមួយឆ្នាំទៀតរបស់ប្រទេសម៉ាឡេស៊ី។ ប្រធានបទ ‘Celebrating1Malaysia,TrulyAsia’,VMY2014បានបង្ហាញពីការទាក់ទាញតែមួយគត់នៃសម្បត្តិវប្បធម៌និងបេតិកភណ្ឌតាមរយៈក្រុមជនជាតិភាគតិចជាច្រើនដែលរស់នៅក្នុងសន្តិភាពនិងភាពសុខដុម។ វាបានចូលរួមចំណែកយ៉ាងសំខាន់ក្នុងការបង្កើនចំនួនភ្ញៀវទេសចរនិងបង្កាន់ដៃចំណូលក្នុងឆ្នាំ ២០១៤ ដែលនាំមកនូវការទាក់ទាញភ្ញៀវទេសចរបរទេស២៧.៤៥នាក់កើនឡើង៦.៧ភាគរយបើប្រៀបធៀបទៅនឹងភ្ញៀវទេសចរ ២៥.៧១ នាក់ក្នុងឆ្នាំ ២០១៣ ។ចំណូលពីទេសចរណ៍អន្តរជាតិសម្រាប់ឆ្នាំ ២០១៤ មានចំនួន ៧២ ពាន់លានរីងហ្គីដកើនឡើង ១០ភាគរយបើប្រៀបធៀបជាមួយ ៦៥.៤ ពាន់លានរីងហ្គីតក្នុងឆ្នាំ ២០១៣ ។
តើអ្វីទៅជាការផ្តោតសំខាន់នៃយុទ្ធនាការទស្សនាប្រទេសម៉ាឡេស៊ី២០២០?យុទ្ធនាការនេះផ្តោតសំខាន់លើអេកូទេសចរណ៍សិល្បៈនិងវប្បធម៌ស្របតាមផែនការអេកូទេសចរណ៍ជាតិ ២០១៦-២០២៥ និងគោលនយោបាយវប្បធម៌ជាតិដែលដាក់អេកូទេសចរណ៍សិល្បៈនិងវប្បធម៌ជាចំណុចផ្តោតសំខាន់និងជាមាគ៌ាឆ្ពោះទៅរកការអភិវឌ្ឍឧស្សាហកម្មទេសចរណ៍នៅប្រទេសម៉ាឡេស៊ី។
តើលោកអាចប្រាប់យើងបានទេអំពីដំណើរការចុងក្រោយនៃវិស័យទេសចរណ៍?លោកបានជម្រាបថា៖វិស័យទេសចរណ៍បានបង្ហាញពីលទ្ធផលគួរឱ្យចាប់អារម្មណ៍នាពេលថ្មីៗនេះ។ចន្លោះពីខែមករាដល់ខែកញ្ញាឆ្នាំ ២០១៩ ចំនួនភ្ញៀវទេសចរសរុបបានកើនឡើង ៣.៧ ភាគរយជាមួយនឹងចំនួនភ្ញៀវទេសចរ ២០.១លាននាក់បើប្រៀបធៀបទៅនឹងចំនួនភ្ញៀវទេសចរណ៍១៩.៣លាននាក់ក្នុងរយៈពេលដូចគ្នាកាលពីឆ្នាំមុន។កំណើនប្រាក់ចំណូលក្នុងវិស័យទេសចរណ៍បានឈានដល់៦៦.១៤ពាន់លានយន់គឺកើនឡើង ៦.៩ ភាគរយបើប្រៀបធៀបទៅនឹងរយៈពេលដូចគ្នាកាលពីឆ្នាំមុន។
សម្រាប់ទីផ្សារប្រទេសកម្ពុជាយើងទទួលបានភ្ញៀវទេសចរ៧៧,៥៧៤នាក់ចាប់ពីខែមករាដល់ខែកញ្ញាឆ្នាំ២០១៩និងកើនឡើង១៨.៤ភាគរយបើប្រៀបធៀបនឹងឆ្នាំមុន។ពីប្រទេសកម្ពុជាទៅម៉ាឡេស៊ីបច្ចុប្បន្នយើងមានជើងហោះហើរចំនួន៦៣ជើងក្នុងមួយសប្តាហ៍ដែលផ្តល់សមត្ថភាពផ្ទុកចំនួន១០,៩២០នាក់ដោយក្រុមហ៊ុនអាកាសចរណ៍ម៉ាឡេស៊ីអ៊ែរអេស៊ានិងម៉ាលីនដូអ៊ែរ។នៅឆ្នាំ២០១៨ដោយមានភ្ញៀវទេសចរ២៥.៨លាននាក់បានមកទស្សនាឆ្នេរសមុទ្ររបស់យើងប្រទេសម៉ាឡេស៊ីទទួលបានចំណាត់ថ្នាក់ទី១៥ក្នុងចំណោមប្រទេសដែលមានចំនួនភ្ញៀវទេសចរណ៍ច្រើនជាងគេ៕S/ សរន
ចំណងជើងរូបថត៖ ឯកអគ្គរដ្នទូតម៉ាឡេស៊ី ប្រចាំព្រះរាជាណាចក្រកម្ពុជា លោក ELDEEN HUSAINI MOHD HASHIM និងលោក NOR SHAZLY AZMI(SeniorAssistantDirector)ក្រុមប្រឹក្សា
ផ្សព្វផ្សាយទេសចរណ៍នៃប្រទេសម៉ាឡេស៊ីផ្តល់បទសម្ភាសដល់សារពត៌មានរស្មីកម្ពុជាកាលពីរសៀលថ្ងៃទី ១៤ ខែមករាឆ្នាំ ២០២០ នៅស្ថានទូតម៉ាឡេស៊ីប្រចាំកម្ពុជា
