Home ព័ត៌មានជាតិ ព្រះសីហនុ​រាជ...

ព្រះសីហនុ​រាជ ផ្តល់​អាហារូបករណ៍​១០០ ភាគរយ ​រយៈពេល ៤ ឆ្នាំ ចំនួន​១.១៥០ កន្លែង​

ដោយៈ មេសា​/ភ្នំពេញៈ គឺជា​ដំណឹង​ល្អ​សម្រាប់​អ្នកសិក្សា ដែលមាន​បំណង​ចង់​សិក្សា​ថ្នាក់​បរិញ្ញាបត្រ គឺ​សម្រាប់​ឆ្នាំ​សិក្សា​២០២០-២០២១ ពុទ្ធិក​សាកលវិទ្យាល័យ​ព្រះសីហនុ​រាជ បានប្រកាស​ផ្តល់​អាហារូបករណ៍ ១០០ ភាគរយ ថ្នាក់​បរិញ្ញាបត្រ ដល់​ទៅ ១.១៥០ កន្លែង ហើយ អាហារូបករណ៍ ដ៏​ច្រើន​សន្ធឹកសន្ធាប់ រយៈពេល ៤ ឆ្នាំ នោះ មានដូចជា ៖ មហាវិទ្យាល័យ​នីតិសាស្ត្រ រដ្ឋបាល​អប់រំ អក្សរសាស្ត្រ​ខ្មែរ អក្សរសាស្ត្រ​អង់គ្លេស និង គ្រប់គ្រង​ទូទៅ​ជាដើម​។


លោក ព្រើ​ន សុ​វង្ស ព្រឹទ្ធបុរស​រង​ទទួលបន្ទុក ដេ​ប៉ា​តឺ​ម៉​ង់ ថ្នាក់​ឆ្នាំ​សិក្សា មូលដ្ឋាន នៃ ពុទ្ធិក​សាកលវិទ្យាល័យ​ព្រះសីហនុ​រាជ បានឱ្យដឹងថា លក្ខន្តិកៈ នៃ ការប្រឡង យក​អាហារូបករណ៍​ដ៏​ច្រើន​សន្ធឹកសន្ធាប់​នេះ គឺត្រូវមាន​សញ្ញាបត្រ​មធ្យមសិក្សា​ទុតិយ​ភូម បាក់​ឌុប ឬ សញ្ញាបត្រ​ដែលមាន​តម្លៃ​ស្មើ គឺ​ទទួលយក​ទាំង​បេក្ខសមណៈ ( ព្រះសង្ឃ ) គ្រហស្ថ​ទាំងប្រុស ទាំងស្រី មន្ត្រីរាជការ បុគ្គលិក​ស្ថាប័ន​នានា ដោយ​មិន​គិត​កំណត់​អាយុ​ឡើយ សំខាន់​ឱ្យតែ​មាន​សញ្ញាបត្រ​ដូចដែល​លើក​ខាងដើម​នេះ ។


​កាលបរិច្ឆេទ​នៃ​ការទទួល​ពាក្យស្នើសុំ​អាហារូបករណ៍ គឺ​ចាប់​ពីថ្ងៃ​ផ្សាយដំណឹង​នេះ​តទៅ រហូដ​ល់ ថ្ងៃទី​២៥ ខែមីនា ឆ្នាំ​២០២០ នៅ​ទីតាំង​ទាំង ៣ គឺ ពុទ្ធិក​សកលវិទ្យា​ល័យ​ព្រះសីហនុ​រាជ​ភ្នំពេញ ស្ថិតនៅ​ទល់មុខ​សាល​មហោស្រព​ចតុមុខ នា​មុខ​ព្រះបរមរាជវាំង , ព្រះសីហនុ​រាជ​ខេត្ត កំពង់​ឆ្នាំ ស្ថិតនៅក្នុង​វត្ត អារ​ញ្ញិ​កា​រាម ក្រុង​កំពុងឆ្នាំង និង ព្រះសីហនុ​រាជ បាត់ដំបង ក្រុង​បាត់ដំបង​។​


​ពុទ្ធិក​សកលវិទ្យា​ល័យ​ព្រះសីហនុ​រាជ គឺជា​គ្រឹះស្ថាន​ពុទ្ធិក​ឧ​ត្ត​ម​សិក្សា​រដ្ឋ​ដ៏​មាន​វ័យ​ចំណាស់ និង កិត្តិនាម​ជាងគេ​នៅ​កម្ពុជា ហើយ​អ្នក​ដែល​សិក្សា​នៅ​ទីនោះ ក៏មាន​ទាំង​និស្សិត​ជា​គ្រហស្ថ​ប្រមាណ​ជា ៥០ ភាគរយ ។ ព័ត៌មាន​បន្ថែម​អាចទាក់ទង​តាម ទូរ​សព្ទ​លេខ ៖ ០៩២ ៩៤ ៧៧ ២២/ ០១២ ៤៨ ៧៦ ៩៨/០១៧ ៨៣ ០៥ ៤៣ ៕ Kh

លោក ព្រើ​ន សុ​វង្ស ព្រឹទ្ធបុរស​រង នៃ ពុទ្ធិក​សាកលវិទ្យាល័យ​ព្រះសីហនុ​រាជ ( រូបៈ មេសា )
​សមណ​និស្សិត និង ពុទ្ធិក​សកលវិទ្យា​ល័​ព្រះសីហនុ​រាជ ( រូបៈ មេសា )

ទីតាំងផ្សាយពាណិជ្ជកម្ម

- Advertisment -

Most Popular

សាយ រត់​មកដល់​ខេត្តសៀមរាប...

​​ដោយ:​បាយ័ន​/​សៀមរាបៈ​ដើ...

ឃាត់ខ្លួន​យុវជន​ម្នាក់ ជា...

​ដោយៈ អង្គា​រ៍​ហេង / ភ្នំ...

​គ្រោង​ជ្រើសរើស​ទីតាំង​ខ្...

​ដោយៈ​ភ្នំ​ស្វាយ / បន្ទាយ...

​បុរាណ​ដ្ឋា​ន​អូរ​កី​ក្នុ...

​ដោយៈ ភ្នំ​ស្វាយ / កោះកុង...